Урлаевага пичоқ билан ҳужум қилишди

Uznews.15.04.09 – Бугун эрталаб соат 9 ларда таниқли тошкентлик ҳуқуқ ҳимоячиси Елена Урлаевага совуқ қурол билан ҳужум қилинди. Ҳуқуқ ҳимоячиси жиддий жабрлангани йўқ.

Бошдан оёқ қора кийинган ва юзларининг ярмини бостирувчи кенг қора кўзойнак таққан иккита эркак «Ўзбекистон ҳиқуқ ҳимоя альянси» фаолига унинг уйи подъезди олдида ҳужум қилишган. Ҳужум қилганлардан бирининг қўлида пичоқ бўлган, аёлнинг бахтига пичоқдан жароҳат етмаган, фақат унинг курткасини йиртишган.

Шунга қарамай, ҳуқуқ ҳимоячиси бошига ва кўкрагига бир қанча зарбалар еган, тез ёрдам чақиришга мажбур бўлган. Тез ёрдам шифокори қаттиқ лат ейиш ҳолатларини аниқлаган, бироқ аёлнинг саломатлигига ҳавф солувчи ҳолат қайд этилмаган.

«Улар подъездга чиқишим биланоқ дарҳол менга ҳужум қилишди ва дўппослай бошлашди. Айни пайтда даҳшатли бақириб, уят сўзлар билан сўка бошлашди ва мамлакатдан чиқиб кетишимни айтишди. «Сен ҳали ҳам кетмадингми?! Сени огоҳлантиргандикку?!», - таҳминан улар шундай бақиришди, мен яхши англаб етмадим, бўлган воқеадан даҳшатга тушиб, улардан қутулишга ҳаракат қилдим», - дея ҳикоя қилади Елена Урлаева телефон орқали.

Унинг сўзларига кўра, илгари ҳам унга нисбатан ҳуқуқ ҳимояси фаолиятини тўхтатиш, ёки умуман мамлакатдан даф бўлиш ҳақида дўқ пўписалар бўлган.

«Бугун мени қўрқитиш учун ҳақиқий томоша уюштиришди, — қора кўзойнаклар, пичоқ... Агар улар мени ҳақиқатан ҳам пичоқлаш ёки жароҳат етказиш ниятида бўлишганида, бу иш уларнинг қўлидан келарди, бунинг устига пичоқ билан. Мен ўйлайман, бу навбатдаги қўрқитиш тадбири», - дея ҳисоблайди Елена Урлаева.

Ҳуқуқ ҳимоячиси бир неча бор милицияга уни ҳимоя қилишларини сўраб мурожаат қилди, бироқ улар бу таҳдидлар уларнинг жиноий иш қўзғашларига баҳона бўлмаслигини айтиб, илтимосини рад этишди.

Айни пайтда, Жиноят кодексида «Қотиллик таҳдиди ёки зўровонлик қўллаш» (112) модддаси бор, унга кўра «Қотиллик таҳдиди ёки зўровонлик қўллаш ҳавфи етарли асосланган тақдирда» жиноят дея эътироф этилади ва ҳуқуқ тартибот тизимлари томонидан жиноий иш очилади.

Елена Урлаева ҳужумдан кейин тағин милицияга мурожаат қилди. Бу сафар уларнинг қандайдир чора кўриш ҳаракатларига муваффақ бўлди.

Унинг квартирасига келган участка нзири, Мирзо Улуғбек туман ТИИБ ва Тошкент ШИИБ ходимлари ҳужум қилганларни топиш ва суриштиришни, ТИИВ бошлиғи назорати остида бошлаб юборишди.

Uznews.ne