Xурматлик мухолифатчилар ва хуқуқ ҳимоячиларига
Ассалому алайкум хурматлик мухолифатчилар ва хуқуқ ҳимоячилари.
Мана бир неча кундирки интернет саҳифаларида Суҳроб Исмоилов ва икки журналист аёллар ўртасида бўлиб ўтаётган тушунмовчилик ҳолатидан келиб чиққан можаролар ёритилиб борилмоқда.
Шу муносабат билан ўзимни фикримни айтмоқчиман.
Мени жудаям ҳайратда қолдирган нарса шу бўлдики, Суҳробни инсон хуқуқлари борасида олиб бораётган ишларини, уни ўзини танимайдиган хуқуқшунос ва хуқуқ ҳимоячилари бўлмаса керак.
Уларнинг жудаям кўплари шу инсондан фойда, ёрдам кўрсалар кўрганларки, зиён кўрмаганлар.
Қанчадан қанча ватанимиз ичида яшаб келаётган оддий фуқароларимиз хам Суҳробдан кўп яхшилик кўрганлар.
Аммо нима учун бугунги кунда Суҳроб Исмоиловга нисбатан ноҳақлик бўлаётган бир пайтда ҳаммангиз страусга ўхшаб бошингизни қумга тиқиб жим ўтирибсиз, Хурматли хуқуқ ҳимоячилари?
Шунақа яхшилик жудаям тез унутилар эканда-а?
Орангизда биронта мардингиз йўқми тўғрисини ёзадиган. Ха ўғри бўл, ғар бўл, инсоф билан бўл деб тўғри айтилган экан.
Кўпларга, шу жумладан бу икки журналист аёлга ҳам қўлидан келганича яхшилик қилдику. Биттаси миллатини пеш қилиб ҳақоратлаб ёзса, бошқалари давлат одамига чиқараяпти.
Ҳа, шу сиз айтаётган ёш "тожик бачча" сизни зулмда колган ўзбек халқингизга ёрдам беряптику. Шуми сиз ўзбекман деб керилган "ўзбекча раҳматингиз"?
Э уят-э!
Бошидан хамма қўллаб-қувватлаган очлик охирига келиб можарога айландими? Ёки бу очликни натижаси бўлмагани учун Суҳроб жавоб бериши керакми?
Мен шахсан Малохат опа ва Саодат опаларни танимайман, лекин Суҳроб Исмоиловни жудаям яхши биламан.
Сизнинг ўзингиз айтаётгандай "жонажон президентингиз" қабул қилмаса Сухробда нима айб?
Майли, ўша матбуот конференциянгиз уйингизда ўтмай қолган бўлса, "Эзгулик" Инсон Хуқуқлари Жамиятининг офисида ўтказсангиз менимча, сизларга хеч ким йўқ демаса керак. Васила опа ҳам қўлларидан келганларича ёрдам берадилар. Ёки Сурат акани офисларида ўтказинглар ва улар барча ташкилий ишларга ёрдам беришади.
Суҳробни ўзини ташвиши кўп бўлса, атрофингизда бошқа меҳрибонларингиз кўпку, улар ёрдам беришсин.
Инсон хуқуқлари борасида кўп йил мехнат қилаётган хуқуқ ҳимоячиларини "югурдагингизга" айлантирмоқчи бўлсангиз хато қиласизлар, бу кунлар хам ўтиб кетади, кўз кўзга бир кун тушади барибир.
Шунда Суҳробни кўзига қарашга бетингиз чидайдими?
Ҳамма нарсани вақт жой жойига қўяди.
Шунинг учун сизлардан илтимос, шундоқ хам Ўзбекистон ичида кам қолган хуқуқ ҳимоячилари билан ўзаро муносабатни йўқотмайлик.
Хурмат билан,
Дилобар Каримова.
Ҳуқуқ ҳимоячиси
|