Ўзбекистон Бош Прокурорига
ОЧИҚ ХАТ
2003 йилда Тошкент ш. Бектемир туманидан уй сотиб олгандим. Қора рўйхатнинг бошида турган фамилия билан уйни ўз номимга расмийлаштириш имкони бўлмади. Ўша уйда вақтинчалик прописка билан ўғлим яшаб турибди. Қобилиятли журналист, талантли ёзувчи ва таржимон бўла туриб, фуқаролик хақ-ҳуқуқларидан диярли маҳрум, ўз ватанида мсофир, Йигитнинг бор йўғи битта жиддий айби бор: У "ЭРК" ДП Марказий Кенгашининг бош котиби САМАД МУРОД нинг ўғли.
Мулкинг бўлса-ю, эгалик қилолмасанг;
Касбинг бўлса-ю, ишга киролмасанг;
Ватанинг бўлса-ю мусофир бўлсанг.
Этник ўзбек булсанг-у бегона бўлсанг
Муҳтарам Бош Прокурор, 1992 йилдаёқ менга ва фарзандларимга нисбатан бошланган ушбу дискриминацияга чек қўйиб, ўғлим Бегзод Абдусаматга ўз уйига расмий рўйхатдан ўтишида амалий ёрдам беришингизни сўрайман. Ҳурматли Прокурор, ушбу хатни мен ўз номимдан ёзаяпман. Сабаби Бегзоднинг бошига тушаётга барча ситамлар шахсан менинг айбим билан тушмоқда.
|