Бизга етиб келган маълумотларга қараганда Ҳожи бобога қарши унинг оғзини ёпиш ва қаламини синдириш ҳаракатлари бошланган.
Бугун Жиззахда бўлиб ўтган суд мажлисида журналистимизнинг талабига кўра терговчилар ва гувоҳлар суд залида савол жавоб қилинди. Терговчилар ва баъзи бир мутасаддиларнинг тергов жараёнида айбланувчига нисбатан қийноқлар ва исканжалар қўлланганлиги ҳақидаги кўрсатмалар эшиттирилди.
Самарқанд вилояти суди қарори бекор қилинди ва бегуноҳ айбланиб, қамоққа олиниб, қийноққа тутилган маҳбус суд залидан озод қилинди.
Қийноқ ва исканжалар қўллаган терговчилар устидан жиноий иш очилиши кутулмоқда.
Инсон ор ва номусини оёқ ости қилувчи, ҳар хил ифлос ва жуда уятсиз ҳаракатлар билан маҳбусларнинг эркаклик ғурурни пастга уриш, камситиш, шармандагарчиликли қийноқлар ва исканжалар қўлланилиши ҳақидаги тафсилотларни Ўзбекистон Медиясида эълон қилишини айтган Каримберди Тўрамурод акага нисбатан босим ва таҳдид қилиш ҳаракатлари бошланиб кетди.
Ҳожи бобонинг маҳалласида, номаълум шахслар томонидан қўшниларидан у ҳақида маълумотлар тўпланаётгани аниқланди.