|
|
|
|
Главная » 2009 » Апрель » 3 » ЖИЗЗАХ ВИЛОЯТИ «ХУКУК ХИМОЯЧИЛАРИ» АССОЦИАЦИЯСИНИНГ БАЁНАТИ
20:36 ЖИЗЗАХ ВИЛОЯТИ «ХУКУК ХИМОЯЧИЛАРИ» АССОЦИАЦИЯСИНИНГ БАЁНАТИ |
ЖИЗЗАХ ВИЛОЯТИ «ХУКУК ХИМОЯЧИЛАРИ» АССОЦИАЦИЯСИНИНГ БАЁНАТИ
31.03.2009-й. Жиззах шахри.
Биз Жиззахлик хукук химоячилари «Озодлик» радиосини мунтазам эшитиб борамиз. Бу радио кўп йиллардан бери ўзбек тилида тўлақонли эшиттиришлар олиб борувчи радиодир. Унинг тингловчилари мамлакатда жуда кўп. Мана бир неча ойдан бери «Озодлик» радиосига ҳар хил шахслар, мухолифатдаги партия аъзолари, айрим ҳуқуқ ҳимоячилари томонидан турли хил норозилик фикрлари билдирилмоқда. Бу ҳаммамизга маълум. Бу ҳолатга биз хам узимизнинг холисона фикримизни билдирмокчимиз.
Чамамизда муҳтарам бойкотчилар «бойкот» сўзининг маъносини анча илғамас эканлар. Бир тараф иккинчи тарафга бойкот эълон қилганда «бойкотланган» тарафга моддий ёки маънавий зарар етказишни мақсад қилиб қўяди.
Масалан, Ўзбекистон пахтасини сотиб олишга кўпгина жаҳон текстиль компаниялари бойкот эълон қилди ва Узбекистон бундан жуда катта зарар курди. Бу «бойкот» билан жахон текстиль компаниялари Узбекистонга моддий зарар етказди..
Маънавий «бойкот» ўзбек жамиятида ҳам бўлган.
Масалан, 25-30 йиллар илгари қишлокларимизнинг бирида бир одам бениҳоя бемаза ҳатти-ҳаракат (жиноят деса ҳам бўлади) қилди. Шунда эл йиғилиб, шу одамни «элдан чиқарди»: уни ҳеч бир оила ўзининг маъракаларига айтмай қўйди – на тирик ва на ўлик маъракасига. Ўша одам кўчада юраолмайдиган ҳолга тушиб қолди.Яъни одамлар унга маънавий зарар етказишди.
Назаримизда радио бойкотчиларининг радио эшиттирувларини тингламасликдан бошқа чоралари йўқ.
Эшитмасангиз эшитманг, бошқалар эшитаверадилар. Биз Жиззахда ўз ҳуқуқларимизни ҳимоя қилиб норозилик пикетлари ўтказиб каттик тайзикларга учраган бир пайтлар мана шу «Озодлик» радиоси бизларнинг чиқишимизни мунтазам ёритиб борди ва бутун Дунё эътиборини шу жараёнга каратиб турди. Ҳозирги кунда «Озодлик» радиосига бойкот эълон қилган айрим мухолифат аъзолари, ҳуқуқбонлар орган ходимлари томонидан қамоққа олинган пайтларда шу радио биринчилардан бўлиб ҳимояга отланган эди, яъни мунтазам ёритиб борганди. Бу ҳақсизликлар ҳақида дунёга жар солганди. Сиёсий мухолифатнинг баъзи раҳбарлари давлат сиёсати ҳақида ўз фикрларини радио орқали баралла айтишдан воз кечмоқдалар. Улар конфет берилмаган боладай аразлаб, моҳиятан ютқизмоқдалар, чунки уларнинг овози халқимизга етиб келаётгани йўқ. Биз «Озодлик» радиоси эшиттиришларида вокеа жараёнларининг бир тамонлама ёритилганлиги ёки факат бир шахсни химоя килганлигини сезмаганмиз. «Озодлик» радиоси хар соха буйича, жойларда ахоли билан мулокатда булиб эшиттиришлар тайёрлайди ва жараёнларни ошкора, тулаконли ёритиб боради. М. Азимов. Жиззах вилояти хукук химоячилари «Ассоциацияси» раиси:
|
Категория: БАЁНОТЛАР |
Просмотров: 1666 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|
|
Copyright MyCorp © 2024 |
|
|
|