Покистон ҳукумати Байтуллоҳ Маҳсудга қарши уруш очмоқда
Покистон ҳукумати мамлакатдаги Толибон ҳаракати раҳбари Байтуллоҳ Маҳсуд ва унинг жангари тармоғига қарши жиддий ҳарбий амалиёт
бошлашга қарор қилган.
Бу ҳақда Покистоннинг юқори мартабали минтақа ҳокимларидан бири билдирган.
Байтуллоҳ Маҳсуд Покистондаги Толибон ҳаракатининг боши сифатида кўрилади.
Унинг Жанубий Вазиристондаги асосий таянч нуқтасига қаратилган янги ҳарбий амалиётлар режаси Покистон ҳукуматининг жиддий
кетаётганига далолат қилади.
Чунки Толибонни маҳв этиш учун энг аввало унинг афғонистонлик ва покистонлик жангариларига хавфсиз бошпана вазифасини ўтаб
келаётган марказий таянч нуқтасини йўқ қилиш керак бўлади. Бироқ бу ўта қалтис иш.
Чунки Покистон Қуролли кучларининг мазкур ҳудуд назоратини қўлга киритиш йўлидаги бундан аввалги ҳаракатлари деярли самара
бермаган.
Байтуллоҳ Маҳсуд нималарни қойиллатган?
Ёши ҳали қирққа етмаган Байтуллоҳ Маҳсуд куч-ғайратга тўла қумондонлардан бири саналади. У Жанубий Вазиристондаги маҳсудий
қавми орасида жуда катта дастакка эга ва шарифи ҳам шундан келиб чиқади.
Байтуллоҳ Маҳсуд қавм раҳбари бўлиш билан бирга, радикал исломий қарашларга эга бўлган шахсдир.
Покистондаги
Толибон ҳаракати раҳбари ўзининг асосий мақсади жиҳодда давом этиш ва
Ғарбнинг таъсирини йўққа чиқариш, дея изоҳлаганди.
Байтуллоҳ Маҳсуд дастлаб Афғонистонда юқори мартабали афғон толиблари қўл остида тайёргарликдан ўтган.
2007 йилда Покистон ҳукумат кучлари томонидан Исломободдаги "Лаъл" масжидининг ишғол этилиши ортидан Байтуллоҳ Маҳсуд асосий
эътиборини Покистонга қарата бошлайди.
Йирик янги жангари иттифоқ ташкил этилади ва Байтуллоҳ Маҳсуд унинг раҳбарига айланади.
Бунинг ортидан Байтуллоҳ Маҳсуд Покистонда амалга оширилган қатор худкушлик ҳужумлари ортида туришда айбланади.
Покистон Жосуслик хизматларининг иддаоларига кўра, у мамлакат собиқ Бош вазири Беназир Бҳуттога қарши уюштирилган суиқасд
амалини ҳам режалаган.
Афғонистонда экани пайтида Байтуллоҳ Маҳсуд афғон Толибон раҳбари Мулла Умар ва юқори мартабали ал-қоидачилар билан ҳам яхши
муносабатлар ўрнатади.
Америкаликлар уни "ал-Қоида" тармоғининг асосий ёрдамчиси сифатида билишади
|