Uznews.17.06.09
- Қирғизистон парламенти Олий кенгашининг депутати Кабай Қорабеков
Андижон вилоятида содир этилган портлашларни ўзбек махсус хизматлари
Фарғона вилоятининг аҳолисини ваҳимага солиш ва қўшни республикаларга
босим ўтказиш учун ташкил этганлар, деб бугун тахмин қилмоқда.
Ўзбек давлатига хизмат қилувчи сайтларнинг Ўзбекистон ҳудудида 26 май
Андижондаги каби портлашларни ташкил этувчи террорчиларни қўллаб
қувватлаш ва беркитиш айбловлари билан Қирғизистонга нисбатан
тўғридан-тўғри ва эътирозсиз ҳужумларини Бешкекда сезмасликка ҳаракат
қилмоқдалар.
Кўпчилик Қирғизистон сиёсатчиларининг фикрича, улар Тошкентда мантиқ ва
ҳақиқий аҳволни сезиш ҳисларини йўқотганларига кўп бўлган, ўз халқига
қарши ўзлари бошлаб юборган қонли урушга ботаётган жуда мушкул
ҳамкорлар билан иш олиб бормоқдалар.
Қирғизистон юқори кенгаши депутати, халқаро ва парламентлараро
муносабатлар бўйича Қўмита раиси ўринбосари Кабай Қорабековнинг
сўзларига кўра, у Андижон вилоятида 26 майдаги портлашлар террорчилар
томонидан ташкил этилганлигига ишонмайди.
Бундан ташқари, у, узининг маълумотларига кўра, портлашлар орқасида
ўзбек махсус хизматлари турибди, қайсики, Хонободдаги миршаблар таянч
шохобчасини портлатиш бўйича амалиётни ўзлари ўтказганлар, бунда бир
нечта одамларни отиб ташлаганлар, кейин эса, Қирғизистон билан чегарани
ёпиб, у ерга ҳарбий мошиналарни киритганлар, деб таъкидламоқда.
”Каримов, Фарғона водийсида ўнта одамдан тўққизтаси унга нафрат билан
қарашини билади. Ва бу инсонларни доимий қўрқувда ушлаб туриш учун унга
шундай тадбирлар зарур.
Қорабеков фикрича, президент Ислом Каримовнинг ўзи ”Марказий Осиё
ҳудудига ҳақиқий таҳдид солувчига” айланган. У бошлаган террор
қурбонлари эса Ўзбекистон халқидир.
”Террорчилар” Қирғизистондан кириб келишди, қирғизистон раҳбарияти
уларга Озбекистонга ҳужум қилиш, кейин эса қайта қирғиз ”инларига”
жуфтакни ростлаш имкониятига йўл қўйиб бердилар, деган айбловларни
Қорабеков, Тошкентнинг муаммони ”касал бошдан соғлом бошга” олиб
қўйишга уриниши деб, ҳисоблайди.
”Пресс-уз.инфо” ҳукуматпараст сайти Қирғизистон президенти Қурманбек
Боқиевни терроризм билан курашда ҳаракатсиз, ўз мамлакати қуролли
кучларини хароб ҳолга келтирган деб, айблашгача бориб етди.
Андижон вилоятида портлаш кунида Боқиев бу муаммо билан шуғилланмасдан,
яқинда бўладиган президентлик сайловларига тайёргарлик кўрган ҳолда,
давлат тили бўйича имтиҳон топширишга ”журат этди”.
”Орфография жиҳатидан хатосиз баён ёзсада, ўз армиясида ва демак бутун
мамлакатида тартиб ўрнатиш учун мумкин бўлган барча нарсаларни
қилолмайдиган бундай президент кимга керак? Бундан ташқари, бундай
лаёқатсиз қўшни бошқа қўшни мамлакатлар учун доимо сиёсий, иқтисодий ва
ижтимоий ”зўриқишнинг” яширин имкониятларига эга бўлган маркази
бўлади”-деб уқтиради ”Пресс-уз.инфо”
Шу билан бир вақтда, бу сайт портлаш кунида, террорчилар унинг
мамлакатига ҳужум қилганларида Ислом Каримов нима қилди? деб, савол
бермайди.
Ўша куни Каримов Бразилияга учиб кетди, ва беш кун саёҳати давомида
унинг уйида нима юз бераётганлиги ҳақида бирон сўз демади, лекин
Бразилияда маҳаллий ароқни ичди ва олиб келган водкаси билан бразилия
президентини сийлади.
Каримовнинг ўзининг мавқейи, яъни унинг портлашларга бўлган муносабати,
тўғрироги, муносабат билдирмагани, қирғиз депутати Кабай Карабековнинг
фикрича, портлашларнинг айбдорларини Қирғизистонда эмас балки,
Ўзбекистоннинг ўзида излаш кераклигини яна бир бор кўрсатиб турибди.
Бешкек ”террорчиларни” топиш ниқоби остида Қирғиситонга кириши мумкин
бўлган Ўзбекистон билан ҳарбий тўқнашувдан хавфсирайдими? деган,
саволга жавоб бера туриб Қорабеков: КХКТ (Коллектив хавфсизлик келишуви
ташкилоти) аъзолари-мамлакатлари бунга йўл қўймайдилар деди.
”Каримов ўзбошимча одам эканлигини ҳамма билади, лекин ўйлаймизки, у
Қирғизистонга ҳужум қилишгача бормайди. Агар бу юз берадиган бўлса у
қирғиз армияси билан эмас балки, КХКТ билан уришади”, - деди Қорабеков.
Uznews.net