Нодир Аҳадов устидан суд жараёнлари бормоқда
Бир
неча ҳафта бўлдики, Қарши шаҳрида ўзбек жамияти учун хавф
туғдириши(ўзбек расмийлари фикрича)
мумкинлиги таъкидланаётган
шахслардан бири, Ўзбекистон Инсон ҳуқуқлари
жамияти аъзоси
Нодир Аҳадов устидан суд жараёнлари бормоқда. Суд уни шу
кунгача фақат жарима тўлашга ҳукм қилиб келмоқда ва унинг
томонидан
кассация тартибида берган аризаси ҳам қўл учида,
номигагина кўриб
чиқилаяпти.
7
июл куни соат 10.00 да Қашқадарё вилоят жиноят ишлари судида
ҳуқуқбон
Нодир Ахадовнинг жиноят ишлари бўйича Қарши шаҳар
суди томонидан
чиқарилган ҳукмларга нисбатан касация тартибида
берган аризаси буйича
иш қайта кўриладиган бўлди. Мазкур
мажлисга судъя Умаров масъуллик
қилмоқда. Кассация тартибидаги
бу жараён Нодир Ахатов. Гулшан Қораева
ва суд котиби, ҳамда
судъя иштирокида ўтказила бошланди.
Маълумки
ҳуқуқбон Нодир Аҳадов Қарши шаҳри бозорларида
Қашқадарё вилоят солиқ
инспекцияси ходимлари ўзбошимчаликлар
қилишгани ва савдогарларнинг
молларини ноқонуний тарзда
талаганлари каби ҳолатларни Интернет
тармоғида фош қилиш билан
маҳаллий ҳокимият доираларининг ғазабига
учраганди. Суд мажлиси
давомида товарлари тортиб олинган аёлларга
нисбатан Қарши
шаҳар суди томонидан ноқонуний савдо қилганликлари учун
маьмурий жавобгарликга тортилганликларини судъя Умаров яна бир
бор
тушунтириб ўтди.
Ўз навбатида Нодир Ахадов бу
ҳакида хабари йўқлигини билдирди
ва билмагани учун кечирим ҳам сўради.
Ҳуқуқбоннинг келтирганига
кўра, у фақат ўзидан ёрдам сўраган Зубайда
исмлик аёлга ёрдам
бериш ниятида бу ишни қилганлигини билдирди. Айни
муаммо
бўйича ўз вақтида Қашқадарё вилоят ҳокими Нуриддин Зайниевга
ҳам
илтимос килиб мурожаат этганини таъкидлади.
Айни
дамда суд Нодир Аҳадовдан солиқ инспекцияси
ходимларининг обрўларини
тўккани ва Интернет тармоғида бўҳтон
маълумотлар тарқатгани учун раддия
беришни талаб қилмоқда.
Суд мажлиси тугаганидан сўнг эса Умаров
“Бирдамлик” ва
Ўзбекистон Инсон Ҳуқуқлари Жамияти қандай ташкилот
эканлиги
ҳақида ахборот сўради, бироқ бу савол кўрилаётган ишга мутлақо
алоқадор эмаслигидан келиб чиқиб, суд иштирокчилари бу саволни
жавобсиз
қолдирдилар. Шу куни суд мажлисида танаффус эълон
қилинди ва яқин кунлар
ичида ишни кўриш давом эттирилади.
9- июль, 2009- йил.
Гулшан Қораева
Ўзбекистон Инсон Ҳуқуқлари Жамияти Қашкардарё вилояти бўлими
раиси.
| 
