15
июль куни Жиноят ишлари бўйича Қашқадарё суди, судъя Умаров раислигида ҳуқуқбон
Нодир Ахадов иши бўйича кассация аризасини кўриб чиқди. Маълумки, Нодир Ахадов
вилоят солиқ инспекцияси ходимларининг ўзбошимчалик Билан савдогарлар
товарларини тортиб олиб қўйиш ҳолати ҳақида интернетда хабар тарқатган ва бу
“жинояти” учун “одил суд” уни жарима тўлашга ҳукм қилганди.
Суд
мажлисига товарлари олиб қўйилган савдогарлардан Зубайда Шодмонова ва Гулбаҳор
Раҳимовалар гувоҳ тариқасида иштирок этиши таъминланди. Судга тақдим қилинган
материалларга кўра, ўзбошимча солиқ инспекторлари бир ёқда қолиб, иккала
савдогар аёл ҳам маьмурий жавобгарликка тортилган. Тағин маълум бўлишича,
Зубайда Шодмонова сиртдан жавобгар қилинган, яъни суд унинг иштирокисиз ишни
кўриб чиқганлигию, жаримага ҳукм қилганлиги маълум бўлиб қолди. Ўзининг бу
усулда жавобгар этилганлигидан Зубайда Шодмонова таажубда қолди.
Судя
Умаров томонидан бир неча бор жавобгарлар товарлари давлат ҳисобига мусодара
килинганини, бу ҳаммаси ноқонуний савдо қилиши оқибатида эканлигини уқдириб
ўтилди. Зубайда Шодмонова солиқчилар томонидан барча товарлари олиб келиб
берилганлиги, товарлари давлат
томонига мусодора этилмаганлиги, жарима хақида хабари йуқлигини билдириб ўтди.
Бундан хулоса ясаладиган бўлса, Нодир Ахатовга
нисбатан уюштирилган туҳматона ҳолат пухта ишланмаган сценарий эканлиги фош
бўлганидир. Гувоҳлар гувоҳлигини бериб бўлгач, уларга жавоб берилди.
Суд
томонидан Нодир Аҳатовга тағин бир бор савдогарлар иши бўйича чиқарган хабарига
раддия бериш талаби қўйилди. Судъя Умаровнинг айтишича, ўша раддияга қараб ҳукм чиқарилади.