Божхона Қўмитасининг Матбуот Котиби ҳибсга олинди
.
Шу йилнинг 3 июлида Ўзбекистон Республикаси Миллий Хавфсизлик
Хизмати томонидан Давлат Божхона қўмитаси матбуот хизмати раҳбари, ички
хизмат капитани Алижон Абдураҳмонов ҳибсга олинди. Ҳозирда унга
нисбатан Ўзбекистон Республикаси Жиноят Кодексининг 205-моддаси (Мансаб
ваколатини суиистеъмол қилиш) ҳамда 210-моддаси (Пора олиш) эпизодлари
билан жиноят иши қўзғатилиб, Тошкент шаҳар прокуратураси томонидан
тергов ҳаракатлари олиб борилмоқда. Эҳтиёт чораси сифатида Тоштурмада
сақланаётган Алижон Абдураҳмонов Божхона қўмитасининг бошқа бир
ходимидан 200 АҚШ доллари миқдорида пора олишда гумонланмоқда.
Алижон Абдураҳмонов — Ўзбекистон Миллий универститети журналистика
факультети ва Деҳли оммавий ахборот воситалари институти (Ҳиндистон)
битирувчиси эди. Бир қатор маҳаллий нашрларда фаолият юритган журналист
Ўзбекистон матбуот ва ОАВни қўллаб-қувватлар жамғармасида масъул котиб,
Жиззах вилояти ҳокими матбуот котиби лавозимларида фаолият кўрсатди.
Ўзбекистон Республикаси Президенти ҳузурадига Давлат ва жамияти
қурилиши Академиясини битирганидан сўнг Давлат Божхона қўмитаси матбуот
хизматини бошқараётган эди. Маҳаллий матбуотда мақолалари, шеърлари ва
прозаик асарлари билан фаол қатнашиб келаётганди.
Журналистнинг қариндошлари, айрим ҳамкасблари унинг ноҳақ ҳибсга
олингани таъкидлашмоқда. Мамлакатимизда фуқаролик жамияти вакиллари,
хусусан, журналистларни ҳибсга олиш, уларга нисбатан турли
провакациялар уюштириш тенденцияси кечаётганини инобатга олиб, Тошкент
шаҳар прокуратурасининг тергов бошқармасини суриштиру даврида журналист
тақдирига бефарқ бўлмаслик, процессуал қонунчилик нормаларига қатъий
амал қилишга чақирамиз. Журналистларни бу борада бирдамликка чорлаб,
ҳамкасби тақдирига бефарқ бўлмасликка ундаймиз.
Тахририятдан: Ўзбекистондаги хар бир қамалган шахсни тақдирига ачиниш изхор қиламиз, чунки бундай қама қамаларни сабабини келишмовчиликдан деб биламиз. Пора учун қамилиш лозим бўлганда Ўзбекистононда бир қанча судя, прокурор ходимлари, милиция ходимлари ва бирорта хам ДАН ходими озодликда юрмаган бўларди.
| 
