 | Самарқанд шаҳри
|
Самарқандда ўқишга кириш қанча туради? 04.08.09
- 1 августдан Ўзбекистонда олий ўқув юртларига кириш имтиҳонлари
бошланади. Бу абитуриентлар учун ҳаяжонли дақиқалардир, аммо уларнинг
ҳаммаси учун эмас, уларнинг айримлари аллақачон ўз ота оналари ҳамёни
билан ўқишга киришни мўлжаллашмоқда.
Ўзбекистонда 1993 йилдан буён мамлакат олий ўқув юртларига кириш
имтиҳонларини қабул қилишда тест тизими амалга ошириб келинмоқда.
Даставвал таъим тизимига ишончли, ҳар қандай алдовнинг олдини олиш йўли
туюлган бу усул, бугунги кунда билим юрти порахўрларининг "ўз ўзига
режиссер" ўйинига айланди.
Самарқандда маҳаллий ўқув юртларига яқин одамлар, қайси абитуриентнинг
ота онаси пора бергани,саволларга тайёр жавоблар олгани, улар энди буни
имтиҳон варақаларига кўчиришлари кифоя экани ҳақида гапиришади.
Жавоблар қандай берилади? - турлича, технология ҳар йили ўзгаради,
дейди суҳбатдошимиз, бироқ ғоя ўзгармайди, кимнингдир билими кам, бироқ
пули бор, ҳамиша Ўқув юртига йўл топилади.
«Мен ўғлим Самарқанд давлат Университети (СамДУ) ҳуқуқшунослик
факультетида ўқишини истагандим. Бироқ у ерга кириш 15 минг доллар
эканлигини билгача, яхшиси жисмоний тарбия ва спорт факультетига
топширишга қарор қилдим», - дейди абитуриентлардан бирининг отаси.
Ҳақиқатан ҳам юрфакка кириш жуда қиммат, ҳизмат буни тасдиқлай олмади,
гарчи одамлардан СамДунинг бошқа факультетларига кириш нархлари бўйича
талайгина рўйҳат олди, уларнинг фикрича бу рақамлар бугунги кунеда
Самарқандда амал қилаётган тарифдир.
Бунга кўра, СамДУ тарих факультетига кириш 3 тысячи доллар, филология,
социология ва биология - 2 500, химия, математика ва экология - 2 000,
география, педагогика, мусиқа, жисмоний тарбия ва спорт - 1 500.
Қолган вузларга келсак, самарқандлик ахборотга яқин шахсларга кўра,
Самарқанд чет тиллар институтига кириш 2 000 доллар, Самарқанд қишлоқ
хўжалик институти ва Самарқанд давлат архитектура ва қурилиш
институтига нархи эса - 1 500 доллардир.
Бу маълумотларга изох бераркан, СамДУдаги масъул ўқитувчилардан бири
олийгоҳларда порахўрлик борлигига ишониши ва билишини, пора бериш
ўқишга кириш билапн тугамаслиги, балки бутун ўқиш мобайнида, айрим
профессорлар учун бутун фаолияти мобайнида давом этишини айтади.
Бироқ, унинг сўзларига кўра, олий ўқув юртларида, ҳали ҳам ёшларга
таълим беришни истайдига, ўз фанини севадиган инсонлар борлигини айтади.
СамДУнинг бошқа бир ўқитувчиси Суюн Каримов, ҳар қандай саводли ва
тиришқоқ ёш инсон, агар хоҳласа ҳар қандай билим даргоҳига кира олишини
айтади. Бунинг учун тушкунликка тушиб дарҳол ота онанинг ҳамёнига
ёпишмаслик керак.
«Илмни ҳеч қандай пул билан сотиб ололмайсан, ёшлар буни билиши ва ўзига ишониши лозим», - дейди Каримов.
Зилола исмли ёш қиз, Самарқанд лицейларидан бирининг битирувчиси, ўтган
йили медицина институтига кира олмади ва Суюн Каримовнинг сўзлари унга
таскин беролмасди.
Унинг сўзларига кўра, тестлардаги саволлар мураккаб тузилган, уларга
аниқ жавоб бериш қийин, чунки иккита жавоб варианти бир бирига ўхшаш.
Бундан ташқари, қизнинг айтишича, балл тўплай олмаган абитуриентларга,
контракт асосида ўз пули эвазига ўқишга бериладиган имкон, бадавлат
оилаларга янада кўпроқ имтиёз яратади.
Uznews.ne
|
