'Ўзбекистонлик бошпана изловчилар Ўшда топилган'
|
|
Яқинларига кўра, бошпана изловчилар Ўш шаҳридан дарак беришган |
Яқинларининг Би-би-сига хабар қилишларича, Қирғизистонда бедарак кетган ўзбекистонлик бошпана изловчилар қайта топилган.
Бишкекда Бирлашган Миллатлар Ташкилотидан қочқинлик мақоми берилишини кутаётган Санжарбек Худойберганов ва унинг ўғли Сарварбек
Эркинзода 30 июл кунидан бери ғойиб бўлганди.
БМТнинг Қочқинлар бўйича агентлиги вакиллари 6 август куни тушдан кейин Санжарбек Худойберганов жанубий Қирғизистоннинг Ўш
шаҳридан уларга қўнғироқ қилганини айтишган.
Швецияда қочқин сифатида яшаётган Дилобар Худойберганованинг айтишича, акаси Санжарбек ва унинг ўғлини номаълум шахслар Ўш
шаҳрида ташлаб кетишганини маълум қилган.
Санжар Худойберганов муҳожирлик хизматидан ўзларига кўмак беришларини сўраган.
Бир
кун илгари инсон ҳуқуқларини ҳимоя қилиш бўйича Human Rights Watch
халқаро ташкилоти ўзбекистонлик бошпана изловчиларнинг Қирғизистон
пойтахтида бедарак кетганлигидан хавотир билдирган, уларнинг ўз
хоҳишларига қарши Ўзбекистонга юборилган бўлишлари эҳтимолини айтган.
Ўзбекистонлик
Санжарбек Худойберганов ва унинг 11 ёшли ўғли ўзларининг муваққат
мақомини чўздириш учун Бишкекдаги давлат муҳожирлик қўмитасига
борганларидан сўнг бедарак кетганлари хабар қилинган.
Санжар Худойбергановнинг оиласи аъзолари БМТнинг Қочқинлар агентлигидан расмий қочқин мақомини кутаётган шахслар ҳисобланади.
Санжар Худойбергановнинг акаси Искандар 2002 йилда Тошкентда қатор айбловлар, жумладан терроризмда айбланиб, ўлим жазосига
ҳукм этилган.
Human Rights Watch ташкилотига кўра, ўшандан буён Худойберганов оиласи аъзолари расмийлар томонидан тазйиқларга дуч келган
|