Ҳибсга олинган Жиззахлик фермер аёл ва ҳуқуқ ҳимоячиси Оязимхон
Хидированинг ҳимоячилари Арнасой туман судининг бутун тергов давомида
ҳибсда ушлаб туриш қарорига қарши аппеляция шикояти беришди.
3 август куни топширилган аппеляция шикояти, чоршанба куни Жиззах вилоят судида кўриб чиқилиши лозим.
Бироқ айбланувчи фермер ҳуқуқ ҳимоячисининг унда иштирок этиш эмаслиги
ҳали номаълум, қамоқда ўтган ҳафта аллақачон унинг соғлиғини
ёмонлашувига сабаб бўлган.
31 июл куни Арнасой суди мажлисида, тергов давомида унга чора кўрилиши
ҳақидаги масала кўрилганида, у хушидан кетган ва Дўстлик туман тергов
ҳибсхонаси тиббий бўлимига олиб борилган ва у ерда хануз оғир аҳволда
қолмоқда.
Жиззахлик ҳуқуқ ҳимоячилари маълумотларига кўра, Хидирова 28 июл куни
ҳибсга олинган, кейинчалик унга Жиноят кодексининг бир қанча моддалари
бўйича айбловлар илгари сурилган: 168- «Фирибгарлик», 184 - «Солиқ ва
бошқа тўловларни тўлашдан бош тортиш» ва 277 модданинг 2 ва 3 қисми -
«Безорилик».
Арнасой суди, Хидировага қарши материалларни ўрганиб чиқиб, бутун тергов давомида уни ҳибсда ушлаб туриш ҳақида қарор чиқарди.
Хидированинг ҳамкасблари ва дўстларига кўра, унинг ҳибсга олинишига
Жиззах вилоятидаги коррупцияни фош этгани сабаб бўлган. Ўтган йилнинг
кузида ўзига қарашли фермер хўжалиги 70 гектар еридан айрилиб шу
коррупция жабрдийдасига айланган эди.
Айнан шу зиддиятли адолатсизлик фермерни қонун ва президент Каримов
ёрдамида ҳақиқатни қидириб, ҳуқуқ ҳимояси фаолияти билан шуғулланишга
ундади, бироқ унга на униси, на буниси ёрдам бергани йўқ.
Энди эса, икки ёш боланинг онаси бўлган аёл ҳибсга олинди ва унга узоқ
муддатли жазо таҳдид солмоқда, дейишмоқда унинг тақдирига бефарқ
бўлмаган жиззахлик фермерлар.
Uznews.net
