Дон етиштириб ўзлари оч қолишди
06.08.09
Самарқанд вилоят деҳқонлари, бу йил 314 минг тонна ғалла етиштириб,
ўзлари ҳеч вақосиз қолишди. Улар эндиликда бозордан сотиб олишга мажбур
бўлаётган буғдой бир неча баробар қимматга тушмоқда.
Самарқанд вилоят ҳокимлигининг қувончли ҳисоботига кўра Ўзбекистоннинг
ушбу минтақаси миришкорлари 156 минг гектар майдонда 314 минг тонна
буғдой етиштиришган ва барча ҳосилни давлатга топширишган.
Шонли меҳнатдан кейин дам олиш пайти хам келди, дея ўз мадҳиясини тасвирлашга уринади Самарқанд ОАВлари.
«Давлатга дон етказиб бериш режаси бажарилиши билан қозонларда палов
ҳам пиша бошлади», - дея, Каттақўрғон тумани "Намуна Р" фермер ҳўжалиги
раҳбари Рамазон Назаровнинг сўзларидан иқтибос келтиради, вилоят
матбуоти.
«Бугунги кунда Ўзбекистон ҳукумати томонидан фермерлар иши учун
яратилган шароитларни СССР давридаги билан солиштириб бўлмайди, ҳаммаси
анча яхшиланган», - дея қўшимча қилади Назаров.
Аслида эса, самарқандлик фермерларнинг сўзларига кўра, ҳаммаси шундай
яхши ва ажойиб эмас. Улардан бирининг сўзларига кўра, бу йил ҳукумат
буғдойнинг килосига 40 сўмдан тўлаган.
Бироқ бу нарх бензинга сарфланган ҳаражатларни ҳам оқламайди, кимёвий
ва минерал ўғитлар, техника ижараси ва бошқаларни айтмаса ҳам бўлади.
Деҳқонлар учун ҳаммасидан алам қиладигани, бугунги кунда буғдой бозорда
350-400 сўмдан турибди, яъни давлат улардан деярли 10 баробар паст
нархларда ҳарид қилган.
Улар учун бошқа бир шумхабар, уннинг нархлари ошгани бўлган, 1 июлдан
биринчи нав ун 450 дан 500 га, олий нави эса - 700гача кўтарилди.
Бироқ олий навли унни Самарқанд вилоятида фақат бойлар ва амалдорлар
ҳарид қилади, асосий омма фақат 465 сўмдан иккинчи навли унни сотиб
олиш билан кифояланмоқда.
Айримлар фақат буғдой сотиб олишни афзал кўришмоқда, шундай қилса арзон тушаркан.
«Унни қиммат нархга сотиб олгандан кўра, мен яхшиси 50 кг буғдойни
сотиб олишни ва тегирмондан чиқаришни афзал кўраман», - дея фикр
билдиради Фазилат исмли ёш она.
Кўпчилик Самарқанд вилоятидаги аксарият оилалар учун заҳира вазифасини
хам ўтамоқда. Буғдой ҳамма замонларда қадрли бўлган, Бу "қора кун"га
мўлжалланган кафолатли заҳирадир. Зарурат туғилганда уни пуллаб зарур
нарсалар ҳарид қилиш мумкин.
70-ёшли Парда отанинг сўзларига кўра, қишлоқ фуқаролари шаҳарликлардан
фарқли, ўзларига заргарлик буюмлари олиш учун қурблари келмайди, чунки
йирик қорамолларни сақлаш учун ем олиш керак.
«Буғдой сақлаш учун ортиқча ҳаражат талаб қилинмайди, шунинг учун одамлар уйида буғдой асрашни афзал кўради», - дейди Парда ота.
Қариянинг сўзларига кўра, у ҳозир уйида буғдой йиғмоқда, мартдан бошлаб
июнгача муҳтожлик сезмайди, ҳатто уни сотса ҳам буғдой нархи ошишига
шубҳа қилмайди.
Бироқ бу ҳолат фермерларни умуман қувонтирмайди, улар давлатнинг
буғдойнинг ҳарид нархларини умид қилишмайди, қариянинг айтишича,
нархлар фақат ўсишда давом этади.
Uznews.net
