Дунёнинг қатор бурчакларида Хитойнинг Шинжон Уйғур бўлгасидаги сиёсатидан норозилик тадбирлари ўтказилди

Бишкекда маҳаллий уйғур жамоасининг Шинжон Уйғур мухториятида рўй берган воқеалар муносабати билан ташкил этган мотам маросими ва норозилик тадбирида уйғурларнинг "Иттифоқ" жамоаси раҳбари Дилмурод Акбаров ҳибсга олинган.

Қирғизистонлик уйғур фаолларининг айтишларича, Хитойнинг Шинжон Уйғур бўлгасидаги сиёсатига қарши норозилик тадбирини ўтказишни мамлакатдаги президентлик сайловидан олдин режалашган, бироқ расмийлар бу акцияни сайловдан кейин ташкил этиш кераклигини айтишган.

Уйғур диспораси вакиллари Бишкек шаҳри расмийларидан ушбу йиғилишни ўтказиш учун сўраган бир неча жойларига рад жавоби берилган.

"Иттифоқ" уйғурлар жамоаси ўз норозилик тадбирини Бишкекдаги чойхоналардан бирида ўтказишга мажбур бўлганини айтган.

Мухбирларга кўра, ушбу акцияда 500 атрофида иштирокчи қатнашган.

Йиғилиш ва норозилик амалиёти ўтган ойда ташкил этилган намойишдагидан анча кескин муҳитда ўтди, ёзилган ва оғзаки эълон қилинган чақириқлар орасида "Хитой, Уйғуристондан йўқол", "Уйғуристонга озодлик" шиорлари кузатилган", дея хабар қилади Би-би-си мухбири.

Тадбир бошланганидан кейин милиция уйғурларнинг "Иттифоқ" жамоаси раиси Дилмурод Акбаровни ҳибсга олганлар.

Кўп ўтмай у қўйиб юборилган.

Бир ой илгари Шинжон Уйғур бўлгаси пойтахти Урумчида рўй берган қонли ҳодисалар ортидан дунёнинг қатор шаҳарларида уйғур фаолларининг норозилик чиқишлари уюштирилди.

Қирғизистон пойтахти пойтахти Бишкек шаҳрида ҳам Шинжондаги тартибсизликлар чоғида ҳалок бўлган қурбонларни хотирлаш маросими бўлиб ўтганди.