"Оязимхон Хидирова озод этилиши керак"
Ҳуқуқ ҳимоячиси Оязимхон Хидирова.
19.08.2009
Инсон
ҳуқуқларини ҳимоя қилувчи халқаро ташкилотлар жиззахлик фермер ва ҳуқуқ
ҳимоячиси Оязимхон Хидированинг ҳибсда сақланаётганидан ташвиш
билдирмоқдалар.
"Ўзбекистон
маъмурлари Инсон ҳуқуқлари халқаро жамиятининг Арнасой туман бўлими
раиси Оязимхон Хидировага қарши ҳар қандай жиноий айбловларни зудлик
билан тўхтатиши ва уни судлов бошлангунига қадар ҳибсдан озод қилиши
керак".
Халқаро Ҳюман Райтс Вотч ташкилоти ўзининг бу талабини кеча эълон қилди.
Инсон ҳуқуқлари ҳимоячиси ва фермер Оязимхон Хидирова 28 июл куни безориликда, товламачиликда ва солиқ тўламаганликда гумон қилиниб ҳибсга олинган эди.
Халқаро
Ҳюман Райтс Вотч ташкилоти Хидированинг тақдири юзасидан ташвиш
билдирар экан, унинг қамоққа олиниши Арнасой туманида қишлоқ хўжалиги
соҳасига мутасадди давлат амалдорлари ўртасидаги коррупцияни фош этиш
йўлида қилган ҳаракатларига жавоб бўлаётган бўлиши мумкин, деган фикрда.
Ташкилот
баёнотида билдирилган бу фикрни, Ҳюман Райтс Вотчнинг Европа ва
Марказий Осиё мамлакатлари бўлими раҳбари Холли Картнер ҳам, Озодлик
радиоси саволларига жавоб берар экан, айтиб ўтди.
Ҳюман Райтс Вотч вакили билан ўтказилган суҳбатни тўлалигича бугунги кечки дастуримиздан тинглашингиз мумкин.
Ҳюман
Райтс Уотч маълумотларига кўра, фақатгина 2005 йилги Андижон қирғинидан
кейин 10 дан зиёд ҳуқуқ ҳимоячиси қамалган. Булар Аъзам Фармонов,
Алишер Кароматов, Жамшид Каримов, Норбой Холжигитов, Ҳабибулла
Оқпўлатов, Насим Исоқов, Расул Худойназаров, Йўлдош Расулов, Солижон
Абдураҳмонов, Дилмурод Саййид ва бошқалар.
|