29.08.09 03
- Қорақолпоғистонда бешта одам диний экстремизмда айбланиб, 12 йилдан
15 йилгача қамоқ жазосига ҳукм қилинди. Қамалганлардан бири ҳозир
Швецияда яшаётган “Таянч” ташкилоти раиси муовини, Муҳаммадсолиҳ
Абутовнинг укаси Саидкамол Абутовдир.
Тўрткўл туманида яшовчи бу беш кишига нисбатан қатъий ҳукм, Қорақолпоғистон Олий Суди томонидан чиқарилди.
Суд мажлиси айбланувчиларнинг яшаш жойидан 500 км.узоқликдаги Қўнғирот
шаҳрида бўлганлиги ҳам атайин, судланувчиларнинг яқинларига суд
мажлисига келишларини қийинлаштириш учун қилингандек.
Uznews.netга Швецияда бошпана олиб яшаётган Мухаммадсалих Абутовнинг
билдиришича, бу қамалган беш йигитнинг ҳеч қандай айби йўқ. Улар ҳеч
қандай Конституцияга зид экстремистик ҳаракатлар олиб боришмаган.
Аммо, уларнинг ҳаммаси Конституцион тузимни ағдаришга уриниш ва диний экстремистик ташкилотга аъзоликда айбланишган.
Саидкамол Абутов, Мухаммадсалиҳ Абутовнинг кичик укаси 13 йилга қаттиқ
тартибли қамоқ жазосига ҳукм қилинган. Бошқалари 12 йилдан 15 йил
оралиғидаги қамоқ жазоларига ҳукм қилинганлар.
Судланувчиларнинг яқинлари суд жараёнидаги қийинчиликлардан кўп азият чекишган.
Улар 500км йўл босиб, суд биносига етиб борганларида ҳам, нимагадир суд залига киришга рухсат беришмаган.
«Аёллар ва болалар суд биноси олдида туриб йиғлашарди, милиция
ходимлари эса уларга дубинкасини ўқталиб, «бу ерда йиғлаш мумкинмас!»,
дея дўқ уришарди» дейди суд мажлисига борган, номини айтишни истамаган
судланувчиларнинг қариндошларидан бири.
“Таянч”Жамияти раиси муовини Абутов Муҳаммадсолиҳнинг фикрича укаси
Абутов Саидкамол унинг ўрнига қамалган. Чунки, Россия ҳукумати уни
Ўзбекистонга қайтариб юбормай,УВКБ ООНнинг талабига биноан қамоқдан
озод қилгач, укаси Абутов Саидкамол Ўзбекистонда қамоққа олинган.
Унга мен учун 13 йил муддат беришди, - дейди Муҳаммадсолиҳ Абутов, -
Энди уни ҳам мен жазо ўтаган, Навоий шаҳридаги қамоқхонага жўнатишса
керак.
“Таянч”жамияти маълумотларига кўра, 50 тага яқин одам ҳозир Нукус
тергов Изоляторида сақланаяпди. Шуларнинг учта гуруҳига суд бўлиб ҳукм
ўқилди. Қолганларини ҳам яқин орада судлари бўлиши кутилмоқда. Уларнинг
Ваҳҳобийликдами, Ҳизбут Таҳрирда ёки Нурчиликда айбланаётгани
жамоатчиликка ўшанда аён бўлади.
Uznews.net
