| HRW:"Инсон ҳуқуқлари масаласи урғуланиши керак"
 |
|
| HRW:Жовтис иши адолатли кўрилмаган |
"Ҳюман Райтс Вотч" халқаро инсон ҳуқуқлари ташкилоти Франса Президенти Никола Саркозини Қозоғистонга сафари давомида инсон
ҳуқуқлари масаласини жиддий кўтаришга чақирган.
Қозоғистон келаси йил Оврўпода Хавфсизлик ва Ҳамкорлик ташкилотига раислик қилади.
Танқидчиларга кўра, мамлакатдаги инсон ҳуқуқлари билан мавжуд вазият унинг айни юксак мақомни эгаллашига йўл бермаслиги керак.
HRW айниқса, Қозоғистондаги энг илғор инсон ҳуқуқлари фаоли Евгений Жовтиснинг тақдиридан хавотирда эканини урғулайди.
Ташкилотга кўра, Жовтис жанобларининг маҳкамаси адолатли кечмаган.
Президент Саркозининг Қозоғистонга сафари 6 октябрда бошланиши кутилмоқда.
"Ҳюман
Райтс Вотч"нинг Марказий Осиё масалалари бўйича мутахассиси Андреа
Бергга кўра, " Қозоғистон жаҳон саҳнасида бўй кўрсатмоқда, аммо
мамлакатдаги инсон ҳуқуқлари билан бўлган вазият абгордир. Президент
Саркозининг айни масалани урғулаши Қозоғистон раҳбарларига инсон
ҳуқуқлари жиддий муносабатга лойиқ эканини яна бир бор эслатади."
Таниқли инсон ҳуқуқлари Евгений Жовтис ўтган ой бошларида тўрт йилга озодликдан маҳрум этилганди.
|
|
| "ОХҲТга раислик қиладиган мамлакатда инсон ҳуқуқлари аҳволи абгор..." |
Ташкилотга кўра, инсон ҳуқуқлари ҳимоячиси Евгений Жовтис кескин танқидий чиқишлари учун ҳукумат томонидан таъқиб остида
бўлган.
Қозоғистондаги
маҳкама Халқаро инсон ҳуқуқлари қўмитасининг раҳбари Евгений Жовтис йўл
ҳаракати қоидасини бузганликда айбланланган.
Жаноб Жовтис Олма-ота вилояти йўлларидан бирида тунда ўзининг шахсий автомобилида бораётиб, Қанат Молдабоев исмли шахсни уриб
юборган.
Евгений Жовтис устидан шикоят маҳкамаси 20 октябрда бўлиб ўтиши белгиланган.
Халқаро Инсон ҳуқуқлари ташкилоти " Ҳюман райтс вотч " Саркозий жанобларига мурожаат қилиб, Қозоғистон мулозимларини Жовтис
жанобларининг адолатли маҳкама ҳуқуқини таъминлашга чақиришини сўраган.
| 
