'Ислом дунёнинг етакчи динига айланиб бораётир'
Америкадаги мустақил тадқиқот маркази Pew Forum тайёрлаган ҳисоботга кўра, ҳозирда дунёда бир ярим миллиарддан кўпроқ мусулмонлар бор.
Аҳоли таркиби ҳақида дунёнинг 200 дан ортиқ мамлакатидан олинган статистик маълумотлар асосида тайёрланган таҳлил мусулмон
дунёси ҳақида ишончга лоиқ рақамларни тайёрлаш имконини берган.
Мусулмонларнинг аниқ ададини аниқлаш мақсадида уч йил тадқиқот олиб борган Pew Forum ҳисоботида кўрсатилишича, мусулмонларнинг
60 % Осиёда ва бор йўғи 20 % Яқин Шарқ ва Шимолий Африкада яшайди.
Дунёнинг энг йирик мусулмон мамлакати - Индонезиянинг ўзида 200 миллиондан кўпроқ мусулмон бор экан.
Ҳозирда Ислом Христианликдан кейин дунёнинг иккинчи йирик динига айланган.
Тадқиқот баъзи ҳайратланарли маълумотларни аниқлашга муваффақ бўлган. Мисол учун, Олмониядаги мусулмонлар адади Ливандаги мусулмонлардан, Россиядаги мусулмонлар сони эса Иордания ва Ливиядаги мусулмонлардан
кўпроқ экан.
Бироқ Ислом динидаги турли мазҳаб ва оқимлар тарафдорлари сонини аниқлаш уринишлари кутилган натижани бермаган.
Тахминий ҳисоб-китобларга кўра, шиалар мусулмонларнинг 10 % га яқинини ташкил этар экан.
Тадқиқот шунингдек Ислом мавжуд бўлган мамлакатларда етакчи дин эканини аниқлаган.
Дунё мусулмонларининг бор-йўғи бешдан бири мусулмонлар озчиликни ташкил этган мамлакатларда яшар экан.
Тадқиқотда аниқланган энг асосий нуқта эса Исломнинг ер юзининг барча нуқталарида ўзининг кучли тарафдорларига эга динга
айланганидир.
|