|
|
 |
|
 |
Главная » 2009 » Октябрь » 21 » Ёдгор Турлибеков
|
Ўзбекистоннинг хориждаги элчихоналаридагилар ҳам
озодликдан “маҳрум” этилганлар
Лекин Ўзбекистон давлатининг хорижда ўнлаб йирик давлатларда жойлашган ҳамма элчихоналари афсусларким бундай хизматлардан мутлақо мустаснодирлар.
Бундай ҳолатлар масалан энг кўп мухожир мардикорлари бор Россия элчихоналарига узоқ масофалардан катта умид қилиб борган ва нажот сўраган кишиларга,, уларнинг биз бундай ёрдам қилолмаймиз, деган иддаоларни минглаб кишилардан эшитиш мумкин.
Жуда кўп ҳолларда ўз фуқаролари билан гаплашмай, улар фақат бошқа ишлар билан келганлар ва ўша элчихонаси жойлашган давлат фуқароларнигина қабул қилишга одатланиб қолишган.
Бундай ҳолларни Америкадаги Ўзбекистон элчихонасида ҳам бизлар пикет қилган вақтларда қандай ғирром давлатимиз бор эканлигига ҳайрон қолдик.
Элчихона бу кунлари ўз эшикларини маҳам ичкаридан қулфлаб олганликлари ва уларнинг бизларни ичкари дераза пардалари орасидан яширин видеога тушириб олаётганларини ҳам бир неча бор кузатдик.
Жосусларча туширилаётган бу тасвирлар кимга керак дерсиз, албатта булар Ўзбекистон МХХ ларига пикетчиларнинг ватанларидаги яқин кишиларга тазйиқ кўрсатиш учун-да.
Бу ерга ёрдам сўраб келаётганларнинг бир нечаси кўп мамлакатларда бўлган кишилар эканлар ва бошқа давлатлардаги ўзбек элчихоналарида ҳам шундай аҳвол эканини айтиб беришди.
Маълум бўлишича Ўзбекистон элчилари ва ундаги ходимларнинг кўплари элчихона биносида яшашар эканлар.
Негаки элчи ва унинг масъул ходимлари ҳам иложи борича элчихона биносида истиқомат қилар эканлар.
Бунинг сабаблари нимада?
Бунинг биринчи сабаби нажотга муҳтож келаётган шўрпешона ўзбекистон фуқаролари билан, ўз элчиларининг мумкин қадар олисдан мулоқотда бўлиш, уларга Тошкентдан топширилгани учун қисқаси уларга хеч қандай ёрдам бермасликка қулайлик туғдирар экан.
Иккинчидан уларнинг Тошкентдан оладиган иш хақлари ҳам бошқа давлат элчихоналарига нисбатан озлиги учун бўлса керак бошқа элчилар ўзларига шоҳона қурилган катеджларда яшасалар ўзбек элчилари элчихона биносининг бирор бўш хоналарида ётишиб “ит ётиш ва мирза туриш” билан йилларни ўтказишар эканлар,
Биз буни кўриб уларнинг одамлардан қўрқиб беркиниб яшашлари га раҳмимиз келиб кетди. Нега деганингизда бошқа давлат элчихоналари катта виқорли биноларда жойлашган ва элчихонада иш тугагач фақат қоровул полицияси қолар экан.
Элчилар эркин ва бемалол қимматбаҳо машиналарда уйларига чиқиб кетишар эканлар, уларнинг оиласи бўлиб, боллари мактабларда ўқишар экан.
Бизлар масалан Германия, Франция, Швецария, Швеция элчихоналари олдида биркундан туриб пикет қилдик.Бу ва бошқа элчихоналарнинг элчилари бизларни ўзлари чиқиб узоқ дўстона учрашиб талабларимизни ўрганамиз деб жавоб беришсалар, Ўзбекистон элчихонасидек ватандошларимиз эса бизларни Вашингтон шаҳрининг полициясини чақириш билан кутиб олдилар.
Бирор давлатнинг элчихонаси деразаларида биз қалин тўқилган парда ва темир панжаралар кўрмадик аммо Тошкентликлар Ўзбекистонни тарк этсаларда у ердаги одатларини тарк этолмабди дейиш мумкин.
Бизларга қарасак икки полиция машинаси келиб яқинлашди ва улардан олти нафар полицай чиқиб келабошлашди. Бизлар уларни ўзбек милициясига ўхшаб дарров пикетларимизни йиртиб ташлашса керак, деб ўйладик.
Аммо улар бизлар билан таржимон орқали жуда илиқ ва самимий ярим соатлар суҳбатлашиб бизлар билан улар расмга ҳам тушишдан тортинмадилар.
Полициянинг ҳам элчихона эшиги қўнғироғига яшириниб олган элчилар чиқиб жавоб беришга журъат қилолмадилар. Полиция бизлар билан дўстона қўл сиқишиб хайрлашди. Ўша куни охирги пикетимиз эди.
Ҳамма элчихоаларга истаган кишининг кираверишдаги дарвоза олдидаги полицияга хужжатларини кўрсатиб бемалол ичкарига кириб кетишса, Ўзбекистон элчихонасида бунинг аксини ва ходимларнинг келаётган кишидан негадир гумонсираб унга турли баҳоналар билан ёрдам кўрсатишдан тўлиқ маънода қочишини кўриб ўзбеклигингиз учун хўрлигингиз келиб кетади.
Балиқ бошидан сасийди деганларидек, бундай сассиқ одатнинг яъни ўз фуқароларини паспортларига “сени бало қазолардан сақайман” деб ёзиб қўйиб, аслида мусофир юртида бошига қайғу тушган фуқароларининг устида хохолаб кулаётгани, жин урган катта раҳбарнинг Тошкентдан юбораётган кўрсатмасидан бошқа гап эмасдир!
|
|
Категория: СИЁСАТ |
Просмотров: 1181 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
 |
Copyright MyCorp © 2024 |
 |
|
|
