Вячеслав Полосиннинг Исломни қабул қилгани
Али Вячеслав Полосин собиқ православ руҳонийси ва ҳозирда таниқли исломшунос ва жамоат арбобидир.
Вячеслав Сергеевич Полосин 1956 йилда Москвада туғилган.
Москва Давлат Университетитининг фалсафа бўлими, Москвадаги Рус Православ Черкови семинарияси ҳамда Россия Ташқи ишлар вазирлиги
ҳузуридаги Дипломатия академиясида таҳсил олган.
Фалсафа фанлари доктори ва сиёсий фанлар номзоди.
1990-1993 йилларда Россия Халқ депутати, Россия Федерацияси Олий Кенгашининг виждон эркинлиги қўмитаси раиси сифатида фаолият
кўрсатган.
1990 йилда қабул қилинган "Дин эркинлиги ҳақида"ги қонун ҳаммуаллифларидан.
1999 йилгача Россиядаги "Насроний ташкилотлари Кенгаши"нинг раиси ва "Насронийлар ижтимоий ҳаракати" аъзоси бўлган.
1999 йилнинг майида Рус Православ Черкови билан алоқасини узгани ва Исломни қабул қилганини эълон қилади ва мусулмонча Али
исмини олади.
1998
йилда ташкил этилган Россия мусулмонларининг "Рефах" ижтимоий-сиёсий
ҳаракатининг раисдоши ва унинг нашри бўлган "Мусульманская газета"нинг
Бош муҳаррири.
Айни пайтда Россия Муфтийлар Кенгаши раисининг маслаҳатчиси ҳамдир.
Али Вячеслав Полосиннинг Исломни қабул қилиши Россия жамиятида катта мунозараларга сабаб бўлган.
"Нима учун мусулмон бўлдим?" номли мақоласида у Худосиз жамиятда вояга етганига қарамай, болалигидан қалбида Худога инонч
бўлгани ва ҳақиқатни излашга киришганини айтади.
У мусулмонлар ва Ислом билан биринчи марта Ўрта Осиёда танишганини айтган.
Унинг
2000 йилда нашр этилган "Худога тўғри олиб борувчи йўл" номли рисоласи
Россиядан ташқари Украина, Ўзбекистон ва Тожикистонда ҳам қайта-қайта
нашр этилган.
http://www.bbc.co.uk/uzbek/news/story/2010/02/100215_talkingpoint_polosin.shtml
|