Uznews.net
12.02.10 – Тошкент шаҳар Миробод туман жиноий судида Ангрен собиқ прокурори,
эндиликда "Старт” Тошкент спорт мажмуаси директори Санжар Пўлатов иши
юзасидан шов шувли жараёнлар бормоқда.
Собиқ Ангрен шаҳар прокурори, эндиликда эса «Банклараро спорт ва
соғломлаштириш маркази» директори Санжар Пўлатов бирданига Жиноят
кодексининг еттита моддасига кўра айбланмоқда.
Айни пайтда, ҳуқуқ ҳимоячиси ва судланувчининг яқинлари фикрига кўра,
унинг айби бирорта моддага кўра исботланмаган ва айбловлар уйдурмадир.
«Отам ўтган йининг 10-июнида Ўзбекистон Жиноят кодексининг 168
моддасига кўра, - фирибгарликда айбланиб ушланган эди, - дея ҳикоя
қилади судланувчининг қизи Ширин Пўлатова.
– Шу заҳоти унга нисбатан қўпол тарзда Ўзбекистон республикаси
қонунчилиги талаблари бузилди. Отамнинг соғлиғи ёмон, икки марта
инфарктни кечирган, бироқ чора кўрилганида бу ҳолатлар ҳисобга
олинмади. Бундан ташқари, бизга уни мутлақо соғлом дея кўрсатишди.
Шунингдек отам хизмат қилган меҳнат жамоаси илтимосномалари ҳам
инобатга олинмади».
Санжар Пўлатов қариндошларининг терговга кўплаб эътирозлари бор.
Уларнинг билдиришларича, терговчилар Пўлатовнинг айбсизлигини
тасдиқловчи гувоҳларни чақиришмаган.
Иш билан нимагадир МХХ ходимлари шуғулланишган, қонунчиликка кўра
уларнинг, Жиноят кодекси 168 моддаси бўйича ишни кўришга ваколатлари
бўлмаган
"Ўйлашимча, бу ерда ҳаммаси жуда оддий. Санжар Пўлатов аллақайси Жамол
Ёдгоровга йирик миқдорда пул қарз берган. У пулни бергиси келмаган ва
ўзини қутқариш учун МҲҲга шикоят қилган, бутун айбловларни ўйлаб
топган”, - дейди таниқли ҳуқуқ ҳимоячиси, ЎИХМТГ раиси Сурат Икромов.
- Бунга лаққа тушган МҲҲ ходимлари, Пўлатовни ҳибсга олишга шошилишади.
Унинг айбсизлигини билишгач, жавобгарликдан қўрқиб қолишади. Ҳеч бир
айби бўлмаслигига қарамай улар одамни бир неча ой тергов ҳибсхонасида
ушлаб туришган, бунинг учун эса жиддий жазо бор. Сувдан қуруқ чиқиш
учун улар янги айбловларни уйдиришади».
Ҳуқуқ ҳимоячисининг фикрини Санжар Пўлатовнинг қариндошлари ҳам
тасдиқлашади. Уларнинг сўзларига кўра, Пўлатовни, 10 июнда ҳибсга
олишганига қарамай, айбловлар 3 сентябрда қўйилди. Бироқ қонунчиликка
мослаш учун, уни ўтган давр – 18-июндан имзолашга мажбурлашган.
Бундан ташқари, айбланувчининг яқинлари тасдиғига кўра, Жамол Ёдгоров
фирибгардир, у ўзини истиқболли бизнес лойиҳаларини тайёрлаётган қилиб
кўрсатиб одамлардан пул олади, кейин эса қарзини қайтармайди.
У МҲҲга фирибгарлик юзасидан ариза топширганида, Ёдгоровнинг ўзига
қарши ИИВ тармоғининг бошқа ходимлари томонидан Тошкент шаҳрининг турли
туманларида 3 жиноий иш қўзғатилган эди.
«Мен адвокатура ҳақидаги қонун доирасида барча айблов моддалари бўйича
ўз ҳимоямдаги шахснинг айбсизлигини исботловчи далилларни тўплаганман,
- дейди адвокат Борис Ли. – Мен Санжар Пўлатовнинг хеч бир айби
йўқлигига ишонаман ва умид қиламанки буни судда исботлайман».
Ли шунингдек суднинг объектив ва холис ўтказилишидан умидвор. Айни
пайтда, Ўзбекистон судларини яхши билувчи кўплаб фуқаролар бунга катта
шубҳа билан қарашади.
«Суд Санжар Пўлатовнинг айбдор ёки айбсизлигини аниқлаш учун МҲҲ
ходимлари билан боғланишлари даргумон, - дейди экспертларнинг бири
анонимлик шартига кўра. – Ҳакамларга унинг айбсизлигини тасдиқловчи
далилларни эътиборга олишдан кўра, сунъий айбловларни тасдиқлаш
осонроқ».
Умуман, суд ҳали давом этади – унинг келаси мажлиси 17-февралга белгиланган, ва «Uznews.net» воқелар ривожини кузатиб боради.
Uznews.net
