Нега жаннат қурдинг, сўрайман ҳайрон
Тангрим, муносиб йўк карам раҳматга.
Агар «амнистия» қилмасанг эълон,
Тушмас одамзотдан ҳеч ким жаннатга.

Чўтингнинг тошлари бор юлдуз бўлса,
Бир менинг айбимни санашга етмас.
Энг покдомон деган мобода ўлса,
Пули сиротингдан ўтолмас, ўтмас.

Ўн саккиз минг олам бўлса дафтаринг,
Ёзсанг гуноҳларим сиғмайди унга.
Инсон боласига басдир маҳшаринг,
Барчаси мансубдир «нафс» деган динга.

Гарчи ҳақ ёғилар дил порасидан,
Гарчи бошқалардан ёруғдир юзим.
Одам жиркангандек ўз ярасидан,
Жирканиб кетаман ўзимдан ўзим.

Нега жаннат қурдинг,сўрайман ҳайрон,
Тангрим, муносиб йўқ карам раҳматга.
Агар «амнистия» қилмасанг эълон,
Одамзотдан тушмас ҳеч ким жаннатга.

Сухбат кил дерлар, ёраб, ким арзийди сухбатга
Иззат кил дерлар, ёраб, ким арзийди иззатга.

Кеча химмат этганинг букун бошингга бало
Химмат кил дерлар, ёраб, ким арзийди химматга.

Ажалдан асраганинг ажалинг булур шаксиз
Шавкат кил дерлар, ёраб, ким арзийди шавкатга.

Дуззахийлар Худодан шавкат сурайди, Юсуф,
Рахмат кил дерлар, ёраб, ким арзийди рахматга.

25.07.200.5

Сендан хам нодонрок топилса, подшо,
Нодон кавм уни подшо киларди.
Сендан хам ёмонрок топилса, подшо,
Ёмон кавм уни подшо киларди.

Товуклар товукка беради овоз,
Бургутга кушилиб этмаслар парвоз.
Сендан хам тубанрок топилса, подшо,
Тубан кавм уни подшо киларди.

Сендан кура жохил тугулгунча то
Тахтдан туширмаслар улсанг хам хатто.
Сендан хам хайвонрок топилса подшо
Хайвон кавм уни подшо киларди.

23.07.05.

Бошим остонангдир, шахло куз санам
Нечун остонангга куймайсан кадам.

Остонанг согинган гузал пойингни
Обод кил каровсиз колган жойингни.

Оёгинг тортмаса айлагин фармон
Остонанг пойингга боради, жонон.

25.07.05.

Кулгичларинг кула-кула мени ёкиб кул килди
Кулгичларинг кулгичми, ё к’ул килгич?!

Кула-кула сени гуё очилган бир гул килди
Кулгичларинг кулгичми ё гулкилгич?!

Хаёт богим куриётир кулгичларинг хажрида
Кулгичларинг кулгичми, ё чул килгич?!

Селдир багрим эриётир кулгичларинг хажрида
Кулгичларинг кулгичми ё сел килгич ?!

25.07.05.

Хаётимдан яхшидир
Бошга сиртмок солган дор.
Менинг шурлик бошимда
Бало тегирмони бор.

Бугдой тегирмонидан
Чикиб турса оппок ун.
Бало тегирмонидан
Чикур тун кун кора хун.

Бало тегирмонида
Дарду армон пичокдир.
Бу тегирмондан чиккан
Устихоним тупрокдир.

Май тегирмонларидан
Май чиккандек бегумон.
Бало тегирмонидан
Жон чикади факат жон.

Хаётимдан яхшидир
Бошга сиртмок солган дор.
Менинг шурлик бошимда
Бало тегирмони бор.

25.07.05.

Хамма кочаётир Узбекистондан
Дорнинг сиртмогига айланган юртдан.
Хамма кочаётир Узбекистондан
Иблис тузогига айланган юртдан.

Хамма кочаётир Узбекистондан
Аму сир ораси кон упконидан.
Хамма кочаётир Узбекистондан
Илон, аждарларнинг биёбонидан.

Ватан мухаббати бокийдир жонда
Согинчи бошимга ажал солади.
Хамма кочаётган Узбекистонда
Узбекистон билан Юсуф колади.

25.07.05.

Кулсиз эди бир чулток
Дониш унга кул булди.
Йук эди унда оёк
Оёк булди, йул булди.

Бир мажрухни бир дониш
Бокиб юрди бир замон.
Донишманднинг бошига
Салтанат солди бухтон.

Хакгуй йули бир келмас
Золимлар йули билан.
Дор тикланди чултокнинг
Асли йук кули билан.

Бухтон килди ногирон
Оёгимни кесди деб
Жаллод деди хукмрон
Бошин куй дорга илиб.

Дониш дер дастсиз пойсиз
Дея булардим гирён.
Мени кечиргин фалак
Мени кечиргин осмон.

Кул оёгин йуклиги
Камлик киларкан, эвох.
Бошсиз тилсиз булса хам
Сендан кетарди, Оллох.

25.07.05.

Бу Туркистон бу Турон
Аждодларимнинг юрти.
Тахтига кайдан келдинг
Ёвнинг кутурган ити.

Бу Туркистон, бу Турон
Учган куёшдек чирок.
Боболарим хокидан
Ганимга килдинг ялог.

Чиркираган рухлардан
Етти кат фалак нурар.
Качонгача бу юртни
Ётлар, хоинлар сурар.

Бу Туркистон, бу Турон
Кухна замин сарбони.
Тахтига кайдан келдинг
Душманларнинг илони.

Афросиёб ёвининг
Зурёдисан нобакор.
Жахонгир туркийларга
Бобомерос касдинг бор.

Бу Туркистон, бу Турон
Аждодларимнинг юрти.
Бургутлар Ватанини
Сурасин сор бургути.

25.07.2005.

ДЎК сайти