Паркентлик терговчи қаттиқ дўппосланган
Тошкентда жойлашган инсон ҳуқуқларини ҳимоя этувчи "Эзгулик" жамияти ёзишича, Тошкент вилоятининг Паркент туманидаги терговчи
ҳукуматнинг коррупция билан кураши қурбонига айланган.
Паркент тумани ички ишлар бошқармаси тергов бўлими раҳбари Ҳайитали Игламов 150 минг сўм пора олишда айбланиб, ёпиқ маҳкама
ишида 15 йил қамоқ жазосига маҳкум қилинган.
Терговчининг
отаси Маъмур Игламовнинг Би-би-сига айтишича, 10 февраль куни Миллий
Хавфсизлик Хизматининг бир неча ходими Игламовнинг идорасига бостириб
кириб, уни шафқатсизларча дўппослашган.
Терговчи мия чайқалиши, икки қовурғасининг синиши, ва ўпка бўшлиғида ҳаво ва қон йиғилиши каби жароҳатлар билан ҳушсиз ҳолда
Республика тез тиббий ёрдам марказига ётқизилган.
Терговчининг отасига кўра, ўғлининг қаттиқ дўппосланиши Паркент туманининг собиқ ҳокими буюртмасига асосан амалга оширилган
бўлиши мумкин.
Отанинг айтишича, ҳозирда собиқ ҳоким 10та ширкат хўжаликни тарқатиб, фермерлардан пул олгани даъво қилиниб тергов очилгач,
терговни ўғли Ҳайитбой бошқарган.
"Ҳокимнинг ўғли эса СНБ(МХХ)да ишлар экан. Отасини қамайдиган бўлса, нималар қилмайди," - дейди Маъмур Игламов.
"Эзгулик" жамияти маълумотига биноан, терговга тортилган ҳоким ўз ўғлининг Миллий Хавфсизлик Хизмати сафида катта лавозимда
ишлашини айтиб, терговчи Игламовга таҳдид қилган.
Жамият айнан шу таҳдид ортидан терговчи дўппослаш ва таҳқирловга юз тутганини истисно қилмайди.
"Адвокатни чўчитишди"
Маъмур
Игламов бир ойдан ошиб ҳам ўғлини ҳали кўра олмаганини ва у ҳозирда ҳам
Тошкентнинг Қўйлиқ ҳудудидаги Сангород - маҳбуслар шифохонасида
қолаётганини айтади.
У ўғлига ҳимоячи топишда ҳам қийналаётганини билдирди.
"Адвокат
бир марта кирди ўғлимнинг олдига. Адвокатни чўчитишди. Палатасига кириб
чўчитишибди - бир адвокат рози бўлмай кетиб қолди. Бошқаси умуман
ишламади. Учинчисини олиб бордим, у ҳам бир оғиз бўлган воқеаларни
айтиб чиқди. Бутун атрофда видео камера дейди."
Терговчи Игламовнинг оиласи бир неча бор Ўзбекистон президенти девони ва МХХга шикоят қилиб боришган, бироқ барча аризалари
айнан уларнинг ўғлини дўппослаган МХХ терговчиси қўлига бориб тушаётганини айтишди.
"Ҳафсалам пир бўлди. Гапингиз ҳаммаси айбдорнинг қўлига бориб тушаверганидан кейин, кимга мурожаат қилишим мумкин," - дейди
Маъмур Игламов.
"Эзгулик" жамияти баёнотида айтилишича, Ҳайитали Игламовнинг ҳибсга олинишида бир қатор қўпол қонунбузарликларга йўл қўйилган.
http://www.bbc.co.uk/uzbek/news/story/2010/03/100310_parkent-investigator.shtml
|