«Европада Исломнинг мавжуд бўлиши аслида кимни ваҳимага солмоқда?»
 Украиналик руҳоний: «Айнан
Ислом насронийлик нимани йўқотганлигини тушунишга ёрдам беради».
Украиналик руҳоний Европада Исломнинг мавжуд бўлиши насоро олами учун
ҳавф туғдирмайди, деб таъкидламоқда. Аксинча, айнан Ислом насронийларга
Европадаги насронийлик қайси жиҳатларини йўқотиб қўйганини тушунишга
ёрдам бериши мумкин.
Ўзининг «Европада Исломнинг мавжуд бўлиши аслида кимни ваҳимага
солмоқда?» деб номланган мақоласида Украин юнон-католик черкови
руҳонийси Олег Гирнык, «насронийликдан тойилган европа дунёсида диний
эътиқод аллақачон йўқолган», ва шу боис ўз кундалик ҳаётларида ислом
кўрсатмаларига амал қилаётган ва бунинг учун зарур шароитларни яратиб
беришни талаб қилаётган европалик мусулмонлар «ноқулайлик» ва
«асабийлашиш»га сабаб бўлишмоқда.
«Биз буни фанатизм деб атаймиз, бироқ бу атамани бизнинг
момоларимизга нисбатан қўллашимиз мумкин эмасми, зотан улар ҳам фанатик,
яъни эътиқодли бўлишган, - деб француз маданиятшуноси Жорж Нива
сўзларини келтиради руҳоний. – Аслида Ислом эмас, бизнинг онгимизни
шаклсизлиги ва бетайинлиги асосий муаммо ҳисобанади».
Яна у, «фақат насоро дини асосида Худога ишонишгина европа маданияти
ва украина давлатчилигинг етук келажагини таъминлай олади, деган
мулоҳаза ўрнига, нима сабабдан Европа тарихида мавжуд бўлган насронийлик
тўсатдан Европа учун ёт бўлиб қолди, деган саволга жавоб излаш керак» -
деб таъкидлайди. Руҳоний «насоролар ҳаётида Худо йўқлиги ҳолати»ни қайд
этади.
«Украинада фаол равишда янги черков жамоалари ва монастирлар
тузилаётгани, янги черковлар қурилиши ва эскиларини тиклаш давом
этаётганлиги», «папа хизматчиси эса бизнинг «президент ва хукумат
аъзоларини» «черковга келиб туриши (хатто байрамдан бошқа кунлари ҳам!)»
учун мақтаганлигига» қарамасдан, ушбу «фавқулодда Художўйлик» дунё
статистика ҳисоботларидаги Украина ҳақидаги ягона ижобий жиҳат бўлиб
чиқди. «Барча бошка кўрсаткичлар эса салбий жараёндан дарак беради;
айниқса, жамиятнинг аҳлоқий аҳволини акс эттирган ҳисоботларда бу яққол
кўриниб турибди»,- деб қайд этади руҳоний.
ОИТС(СПИД) тарқалиши бўйича, абортлар сони бўйича, ўсмирлар
ҳомиладорлиги ва алкоголизми, коррупция ва порахўрлик бўйича - Украина
биринчилар қаторида! «Украинага кўп сонли туристлар насронийлик муқаддас
жойларини томоша қилиш учун келишаётгани йўқ, шаҳвоний хирсни қондириш
(секс-тур) хорижлик «бадан ишқибозларини» қизиқтираётган асосий
нарсадир», деб ўкинч билан қўшимча қилади у.
Украинада «Худога ишонувчилар» сони ва асл воқелик орасидаги кўриниб
турган тафовут лол қолдирарлидир. Шунинг учун юнон-католик черкови
руҳонийси онгида «беихтиёр бут остидаги маҳкамаларниг «фойдали иш
коэффициенти» хақидаги фикр кўриниш бермоқда».
Украина «Ўзининг «эътиқодий қайта уйғонганлиги» хақида сал эртароқ
жар солмадимикин? Барча статистик маълумотларни ва украин фуқароларини
«юксак хужожўйлик даражаси»ни таққослаш фақат бир нарса хақида: атеизм
ҳанузгача украиналикларнинг асосий «дини» бўлиб қолаётганлиги хақида
гувоҳлик беради»,- деб хулоса қилади О. Гирнык.
Насоро дунёсидаги чуқур аҳлоқий тубанлашиш хақида аввалроқ Киев
патриархати Украин православ черкови патриархи Филарет ҳам қайд этган,
деб ёзади «Ислам для всех». Хатарнинг «кучли Ислом»да эмас, балки «заиф
насоролик»да кўраётганини Москва архиепископи Илларион ҳам айтиб ўтган.
http://info.islom.uz
| 
