Каримовнинг жиноятлари битмас -тугамасдир
Таниқли мухолифатчи ва инсон
ҳуқуқлари фаоли Баҳром Ҳамро билан суҳбат.
Биринчи суҳбат
-Каримов ҳукумати қарийб йигирма йилдирки диний экстремизм,
фундаментализми ва террорчиликка қарши курашиб келмоқда. Ўзбекистон
сиёсий ҳаётига ислом хавфи фактори ҳақиқатдан бормиди ёки бу фактор
атайин кучайтирилдими?
-Мамлакатимиз ичида сиёсий қатағонлар давом этиб келмоқда, асосан
мусулмонларга қаратилган мудҳиш жиноятларни ёзганимиз билан адо этиб
бўлмайди. Каримовни қилиб келаётган жинояти ундаги ислом динига адоват
борлигини яққол кўрса бўлади. Мусулмонларга қилинган туҳмат тарихда кўп
бўлган, чунки бундай жараёнларни таҳлил қилинса бу ҳолатни ҳақ ва ботил
курашган даврларда кўриш мумкин. Каримов енгилди ва шу даврда жуда кўп
ўзбек зиёлиларини алдади. Каримов якка ўзи қалтис жиноятларни муҳандиси
эмас. Барибир бу мудҳиш жиноятлар бошида турганларни ҳаммасини топиб
оламиз.
Экстримизмга қарши курашувчиларнинг энг зўри дунёда Жорж Буш эди.
Ҳозир дунёни боши берк кўчага олиб кирганлар пушаймонлар қилишни
бошладилар. Бу кучли дунё миқёсидаги гуруҳнинг иши. Каримов бу гуруҳнинг
оддий ўйинчоғи холос .
-Диний экстремизм, фанатизм, ақидапарастлик, фундаметализм
каби кўплаб ёрликлар асосан ислом динига нисбатан ишлатилмоқда. Бу каби
атамаларни Каримов режими ўйлаб топмоқдами ёки ҳақиқатдан исломда шу
каби муаммолар борми?
-Сиёсатнинг энг нозик жойларига эътибор берилса ва янада таҳлил
қилинса, ўзбекнинг аниқ душманлари кимлигини билиб олиш анча осонлашади.
Шу борада ўзбек халқини хурсанд қилишга имкон бор. Мисол учун ўзбекнинг
ҳақиқий курашувчи ва бу азиз халққа тўғри маслаҳат берувчи эркаклар
купайиб бормоқда .
Ҳақ ва ботил тўқнашади. Шундан сўнг Каримов ва унинг акалари режа
тузишади. Масалан, Пайғамбаримиз даврларида бундан беш баттар туҳматлар
тўқилган эди. Шунга қарамай ҳақ тарафдагилар асосий мақсад сари олға
бориб , умид боғлаб нусратга эришдилар. Тамғалар босилади бизга ва биз
ҳам алданмай ҳақни юзага олиб чиқиши учун кураш олиб бораверамиз.
- Ўзбекистонда исломий давлат , халифалик қуришни орзу
қиладиганлар уларга шу қадар босим ва тазйиқлар кўрсатилганига қарамай
йўқолдими ёки аксинча кўпайдими?
-Бугунги Ўзбекистондаги сиёсий ҳолат шундайки, Каримов уни
тузатолмайди. Бу ҳолатни яратган кучларни режаларини билиш унчалик кўп
меҳнат талаб қилмайди. Тошкентда тижорат аҳлини мансаб аҳлини қамашдан
шундай мақсадлар бор.
Кўпчилик мансаб ва тижорат аҳли ўз ерларини тарк этиб, муҳожиратга
чиқишади ва мухолиф бўлиб қолишлари аниқ. Бир вақтнинг ўзида мухолифатни
ичига кирган янги муҳожирлар бевосита мухолифатни кучайишга олиб
келади. Шу билан бирга мухолифатни назорат қилиш осонлашади. Бу
мақсадларни яхши биламиз. Хуллас, қама- қамалар ғайри кучларнинг иши.
Каримов фақатгина ижрочилардан биридир холос. Бундай айловларни
қўйишимизга сабаб Ўзбекистон ҳеч қачон мустақил сиёсий давлат
бўлолмайди. Чунки, ташқи сиёсати йўқ давлатчалардан ўйинчок бўлишни
кутасиз. Улар АҚШга ва Россияга ёки Оврупага бўйин эгади.
Каримовнинг 20-йиллик жинояти бор. Энди фараз қилайлик. Халифаликка
қаршиман деб, барибир қонунларни бузиб жиноят қилди. Бунга жавоб беради.
Ҳозир Ислом Каримовни хоҳлаган йўл билан қамоққа олса бўлади. Масалан,
халифалик ғоясини ўзининг қалтис жинояти билан кучайтирди деб қамасак
ҳам бўлади. Ёки демократияни илдизини қуритганлардан бири деб суд қилсак
ҳам бўлади. Хуллас, Ислом Каримовни жиноятлари битмас- тугамасдир.
www.yangidunyo.com
|