Паркентда
энди маҳалла аҳли сўроқ қилинмоқда
Ҳаммасига Азамат
Ёқубовнинг маҳаллага газ келтириш ташаббуси сабаб бўлган
Туман прокуратураси Навбаҳор
маҳалла фуқаролар йиғини раиси Азамат Ёқубовни ҳибсхонадан озод этиши
ортидан, энди маҳалла
аҳлини сўроқ қилишни бошлаган.
55 ёшли Азамат Ёқубов ўтган чоршанба
куни Паркент туман прокуратураси томонидан товламачиликда айбланиб,
ҳибсга олинганди.
Унинг ҳибсга олиниши 150ка яқин
кишининг норозилик чиқишларига сабаб бўлган ва Азамат Ёқубов кеча қўйиб
юборилганди.
Би-би-си билан суҳбатда Азамат
Ёқубов прокуратура босимлари унинг ўзи яшайдиган маҳаллага газ олиб
келиш ташаббуси билан чиқиши
ортидан бошланганини айтганди.
Туман прокуратураси томонидан
маҳаллий аҳолини сўроқ қилиш бошланганини унинг ҳамкори Олимжон Ҳасанов
тасдиқлаган.
Унинг айтишича, одамлардан Азамат
Ёқубовга нима учун пул берганликлари сўраб, суриштиришмоқда.
Одамлар пулни маҳалла фуқаролар
йиғини раиси учун эмас, ҳашарга берганликлари, лозим бўлса яна
беришларини айтиб, жавоб беришяпти,
дейди Олимжон Ҳасанов.
У прокуратуранинг хатти-ҳаракатини
Азамат Ёқубовни нега уч кун ҳибсда сақлаб турганликларини асослаш йўлида
қилинаётган ҳаракат
сифатида талқин этади.
Газ келтириш ташаббуси
Юқори Чирчиқдан Навбаҳор маҳалласига
газ келтириш лойиҳасига бошчилик қилиш ваколати Азамат Ёқубовга
маҳаллий йиғинида топширилади.
У Би-би-си билан суҳбатида шундан
сўнг лойиҳа учун ҳомийлар топгани ва маҳаллий аҳолидан ҳам пул йиғиб
олганини айтганди.
Азамат Ёқубовга кўра, "Ишлар бошлаб
юборилганидан кейин тумандаги масъул ташкилотлар уларнинг фаолиятларини
тўхтатиб қўйишга
қарор қилади ва тўхтатиб қўйишади ҳам".
Бунга норозилик билдириш мақсадида
Азамат Ёқубов Паркент тумани прокурорига шикоят аризаси билан чиқади.
У ўз шикоятида қувур учун йиғилган
13 миллион сўмдан ортиқ пулни лойиҳа учун аллақачон ишлатиб юборилгани
ва бу маблағни
Паркент ҳокимияти, туман ва вилоят газ идораларидан
ундириб берилишини сўраган.
"Бироқ туман прокуратураси бунга
жавобан мени фирибгар, деган гумонда 72 соатга қамаб қўйди," дейди у.
Азамат Ёқубовнинг ўзи ҳам,
лойиҳадаги ҳамкори Олимжон Ҳасанов ҳам унга қарши бошланган таъқибларни
ўзлари олиб бораётган
газлаштириш лойиҳасига "юқоридан бошқалар" қизиқиб
қолганлиги билан изоҳлашади.
Олимжон Ҳасановнинг айтишича, ўзлари
яшаб турган ҳудудда беш мингдан ортиқ дала ҳовли борлиги сабаб, уларни
газлаштириш ортидан
мўмай даромад қилишни кўзлаётганлар бўлиши мумкин.
Азамат Ёқубов кеча Би-би-сига берган
суҳбатида туман прокуратураси ҳозирда ишни янгитдан кўриб чиқаётгани,
бироқ одамларнинг
норозиликлари ҳануз сўнмаганини айтганди.
http://www.bbc.co.uk/uzbek/news/story/2010/03/100316_parkent_gaz_next.shtml
|