Исроил Сурияни тош асрига қайтаришни ваъда қилдиНашр қилинди: 22 апрел, 2010 йил
Исроил Сурия президенти Башар Асадга агар "Ҳизбуллоҳ” Исроил ҳудуди
бўйлаб ракетавий зарба берадиган бўлса, Исроилнинг бунга Сурияга ҳужум
қилиш билан жавоб бериши тўғрисида огоҳлантириш йўллади. Бу ҳақда "The
Times” хабар қилади.
Жарида маълумотларига кўра, махфий хабарда Исроил Дамашқни "Ҳизбуллоҳ”ни
Сурия армиясининг бир қисми сифатида кўриши тўғрисида хабардор қилади.
Нашр шу муносабат билан ўз исмини маълум қилмаган исроиллик вазирнинг
сўзларини келтиради. У "Ҳизбуллоҳ” ҳужум қилган тақдирда, Исроилнинг
"мамлакатдаги электр станциялари, портлар, ёқилғи сақланадиган
омборхоналар ва деярли бутун стратегик инфратузилмани йўқ қилиб, Сурияни
тош асрига қайтаришини” ваъда қилган.
Бу баёнотлар Исроил жосуслик хизмати Сурия томонидан "Ҳизбуллоҳ”га
"Скад” совет баллистик ракеталари етказиб берилаётганлиги тўғрисида
хабар қилганидан сўнг берилди. Назарий жиҳатдан бу ракеталар химиявий
заряд ўрнатилган каллакларни кўтариб уча олади. Уларнинг баъзи
модификациялари эса Исроилнинг исталган нуқтасига ета олади.
Бу янгилик Исроил раҳбариятини фаол информацион кампанияни бошлашга ва
аҳолига янги газниқоблар тарқатиб чиқишга ундади.
Шу билан бирга Сурия ташқи ишлар вазирлиги қаергадир "Скад” ракеталари
етказиб берилганлигини инкор қилмоқда. Суриянинг ташқи сиёсий бошқармаси
Исроилнинг ушбу маломатлари Сурияга ҳужум қилиш учун баҳона эканлигини
қайд этмоқда.
Манба: «Мусулмон Ўзбекистон»
|