СТОКГОЛМДА ҚИРҒИЗИСТОНЛИК ЎЗБЕКЛАР ЖАМОАСИ НАМОЙИШ ЎТКАЗИШДИ
Бугун, 2010 йил 12 июн куни, соат 10.00 дан 17.00 гача Швециядаги Қирғизистонлик ўзбек жамоаси вакиллари Стокголмнинг Sergeli Tor майдонида бошланган намойишларини Швеция телевидениеси (SVT) олдида якунлашди.
Намойишда 40 тага яқин одам, шу жумладан аёллар ва ёш болалар ҳам иштирок этишди.
Дастлаб Sergeli Torда бошланган намойиш иштирокчилари қуйидаги талабларни 4 та тилда шиор қилиб ёзишди:
- Ўшга БМТ қуролли кучларини киритилишини талаб қиламиз!
- Прекратить насилие против узбеков!
- Бегуноҳ тўкилаётган қонлар учун ким жавоб беради?
- Сжигают малолетних узбекских детей!
- Стоп этнической войны!
- Куда смотрит ОБСЕ?
- Погибли более 500 человек, ранены свыше 1000 людей.
Намойиш қатнашчилари билан Стокголм шаҳри аҳолиси ва хорижлик сайёҳлар ўртасида жонли мулоқотлар бўлиб ўтди. Швеция Радиоси мазкур намойиш тўғрисидаги маълумотни эфирга узатди.
Тахминан 2 соатдан кейин намойиш иштирокчилари Швеция Ташқи ишлар вазирлигига томон юриш қилишди. Бу ерда 1 соат давомида кўплаб журналистлар намойиш иштирокчиларидан интервьюлар олишди.
Кейинги манзил БМТнинг Швециядаги ваколатхонаси бўлди. БМТ ваколатхонаси ходими намойиш иштирокчилари билан учрашиб, мазкур фожеа ҳақида хабардор эканликларини билдириб, ачиниш билан намойишчиларга омад тилади.
Шундан сўнг намойиш иштирокчилари Швеция телевиденияси биносига боришди. Телевидениенинг 2 ходими намойишчилар билан учрашиб душанба куни келишлари лозимлигини айтишди.
Намойиш иштирокчилари БМТ, ЕИ, ЕҲҲТ ва бошқа халқаро ташкилотларга ёзилган Мурожаатномани имзолашди.
Швециядаги Қирғизистонлик ўзбеклар жамоаси вакиллари:
Мўминов Улуғбек
Азимов Ҳасан
Мамажонов Алишер
12.06.2010 йил. Стокголм шаҳри, Швеция
|
