Уш вокеаси
 10 июндан 11 июнга утар кечаси тахминан соат 12.30 ларда Уш шахар ахолиси дустларининг тунги кунгирокларидан уйгондилар. Уш шахрининг Олой мехмонхонаси ёнидан чиккан ук овозларидан безовта шахар тургунлари зудлик билан уз якинларига мобил алокага чикканлар. Уш шахрининг узбеклар зич яшайдиган мавзелари; Турон шахарчаси, Амир Темур шахарчаси, шахар атрофидаги Шахид тепа мавзеси, Шарк, Кашкаркишлок, Кизилкишлок, Наримон кишлок хукуматлари тургунлари уша тунда "Узбек киргиз уруши бошланибди", деган машъум хабардан уйгондилар.
 Амир Темур шахарчасидаги вокеаларнинг кискача баёни Шахид тепа мавзесидаги шахарча ахолисининг кариндошлари томонидан уккан хабарларига кура, отишмалар узок давом этган. Курбонлар сонини аниклашнинг имкони булмаган. Уйлар екиб юборилган, одамлар тахлика, куркув ва олов ичида колганлар. Бу хабарлар уз-узидан барчага тенг вахима солган. Эрталаб шахарда катнов транспортлари ишламаганлиги боис, Амир Темур шахарчасидагилар хам кариндошларидан хабар олишнинг иложини килолмадилар. Чунки шахарчадан Уш шахар марказигача булган масофа 14-17 километрни ташкил килади. Бирок географик жихатдан мазкур шахарча баландликда жойлашгани учун Уш шахрида енган объектлар, олов аник куриниб турарди. Отишмалар эшитилиб, халкка куркинч солиб турди. Айникса, Сулаймон тогининг атрофидаги аланга ва буруксаб турган тутуннинг кети сутка давомида узилмади. Курбонлар сони ошаверди. 11 июнни одамлар мана шундай вахимали гап-сузлар, конли вокеаларнинг дахшати билан утказдилар.
 Фуркат мавзесида мусулмонлар жума намози укиш учун йигилганда отишув бошланди. Ук овозидан кейин шахарчадаги барча масжидлар икки ракааат фарз намозини укиб, таркалишга мажбур булдилар. Курбонлар сонини хеч ким аниклай олмади. Оммавий ахборот воситалардан олинган маълумотларда 20дан ортик курбонлар булганлиги кайд этилди. Бу маълумотлар эса факат бир томонлама булиб, ахолининг уларга ишончи йуколган. Аникрок айтганда, узбек журналистлари фаолият курсатаетган УшТВ биноси талон-тарож килингани ва "Ахборот" тахририяти биноси екиб юборилганлиги учун маълумотлар ЭлТР ва КТР киргиз телеканаллари билангина кифояланиб колди. Журналистлар узи яшаган жойларида оиласи билан бирга вокеаларни кузатиб, имкон доирасида фаолиятларини давом эттирмокдалар. УшТВ бош менеджери Дилмурод Ишанов, бош оператори Баходир Кенжабоев, "Ахборот" ижтимоий эркин газетаси бош мухаррири Барно Исакова, фотомухбири Аширбек Эшонбоевлар шу шахарчада яшаганлиги учун хамкорликда иш олиб бормокдалар. Лекин уларнинг хам имкониятлари чекланган; шахарчадан ташкарига чикишнинг иложиси йук, техник базалар хам одамларнинг кулидаги хаваскорлар аппаратлари холос. Бирок, шунга карамай вокеалар ривожини реал еритишга харакат килинмокда.
12 июн куни эса шахарча ахолиси мисли курилмаган вахшийликнинг гувохи булди. Шахарчанинг янги йулидан, яъни мол бозор, олма бог томонидаги йулдан пешин вактида киргиз миллатига мансуб бир гурух боскинчилар харбийлар билан биргаликда хужумни амалга оширдилар. Харбийларни куриб бироз хотиржам булган Амир Темур шахарчаси ахолиси гафлатда колди. Айнан уша "харбийлар" отишмани бошлаб бериши кутилмаган хол булди. Уларни видеотасмага туширишнинг хам имкони булмай колди. Шошиб колган халойик узини каерга уришини билмай колди. Снайперлардан укка учган махалладошлар йулларда етиб колганлар. Тириклар эса узларини тугри келган уйга, панага олишдилар. Ярадорлар шахарча поликлиникасига сигмай колди. Огир ярадорларни, йулда жони узилганларни шахар вилоят касалхонасига жунатилди. Поликлиникадан ёрдам сураганларнинг умумий сони 240дан ошди.
Орадан 4 соат утгандан сунг, боскинчилар кетгач, уруш майдонида колиб кетган биродарларининг жасадларини олиб келиб келиш учун уюштиручи гурух ташаббус курсатди. Ерда куйиб, кучала булган мурдаларни машиналарга солиб ташиётган одамларнинг айтишича, жасадлар хаммаси эмас, уларнинг бир кисми угирланган. Факат 21 нафарини олиб келишга муваффак булишган. Вахшийларча суйилган, аёвсиз куйдирилган жасадларни шахарча поликлиникасига олиб келганда, бу ерда чин маънода киёмат юз берди. Боласининг улик тиригидан хабарсиз онаизорларнинг куйиб, таниб булмайдиган жасадларнинг орасида бузлаб юришлари, хар бир жасадга менинг боламмасми, дея узини отиб йиглашлари юракларни пора килди. Бу иш одамзоднинг кулидан келишига ишониш жуда кийин.
13 июнда шахарчанинг марказий масжидида шахидларга жаноза укилди ва жойига куйилди.
14 июнь, соат 10.00 билан 11..00 оралигида яна уша янги йул томонга 100 дан ортик харбий келди. Одатига кура халкка караб снайперда ота бошлади. Энди анча хушер тортиб колган эл харбийларни курибок панага кочишди. Бирок, 1991 йилда тугилган Соипов Мирзохиджонга ук тегиб вокеа жойида жони узилди, 7 киши укдан ярадор булди.
Бир гап билан айтганда, уруш давом этмокда. Халкнинг таъминот базаси тугаган. Гум. ердамлар шахарчага чикмаяпти. Агар изоляция яна уч кун давом этса, ахоли энди очликдан кирилиши турган гап. Шахар уртасида уйлари ёниб кетган одамлар шахарчага кучиб келишган. Мавжуд 44 минг ахолининг сони бугун яна усмокда. Мактаб, поликлиникалар одамларга тулди. Уларга озик овкат, медикаментлар хали етиб келган йук. Мэриядан узбеклар яшаётган жойларга гум. ёрдам етказилмаяпти. Шахарга тушишга, арз килишга имконият йук.
Барно.Исакова
Ахборот
|
