Каримов ва Клинтон
қочқинлар масаласини муҳокама этишди Uznews.18.06.10 – Ўзбекистон президенти Ислом Каримов кеча
АҚШ Давлат котиби Ҳиллари Клинтон билан телефонда гаплашди. Улар
Қирғизистондаги қочқинлар муаммосини муҳокама этишди, дея ҳабар беради
АҚШ Давлат департаменти.
Америка Қўшма штатлари, бир ҳафта муқаддам ўзбек аҳолисига қарши этник
хунрезликлар бошланган Қирғизистон жанубидаги вазиятни диққат билан
кузатишда давом этишмоқда ва ёрдам кўрсатиш истагини билдиришмоқда.
Кеча кечқурун, АҚШ Давлат департаменти матбуот хизматининг хабар
беришича, давлат котиби Ҳиллари Клинтон президент Ислом Каримов билан
телефонда боғланган, Қирғизистон ва 100 мингдан зиёд қирғизистонлик
ўзбеклардан иборат қочқинларни қабул қилган Ўзбекистондаги вазият
юзасидан фикрини билмоқчи бўлган.
Бундан ташқари, америка лидерлари вазиятни жойларда шахсан ўрганишмоқда.
Кеча АҚШ Давлат котиби ёрдамчиси Роберт Блейк Ўзбекистоннинг Андижон
вилоятида жойлашган қочқинлар лагерини бориб кўрди.
"Сизларнинг хатарсиз қайтишларингиз учун тинчлик ўрнатилиши муҳим”, -
деди Блейк лагердаги қочқинларга қарата, дея ёзади "Рейтер” агентлиги.
"Бунинг келажакда такрорланмаслиги учун суриштирув ўтказилмоғи лозим”, -
дея қўшимча қилди у.
Бугун Роберт Блейк Бишкекда Қирғизистон вақтли ҳукумати билан учрашув
ўтказади.
Бишкекда "Манас” аэропортида ўз ҳарьий базасига эга бўлган АҚШ, ҳозирча
оммавий хунрезиликлар ва мамлакат жанубидаги ўзбек миллатига оид этник
озчилик устидан зўровонликларга йўл қўйган Қирғизистонга ҳарбий ёрдам
ажратишни кўзламаяпти.
Бироқ, давлат департаменти АҚШ ҳукумати Қирғизистонга инсонпарварлик
ёрдами тарзида 6,5 млн. Доллар ажратгани, агар дастлабки транш камлик
қилса қўшимча аризаларни кўриб чиқишга тайёр эканлигини билдирди.
Uznews.net
|
