Эндиликда жанубий
Қирғизистон ўзбекларига қамоқ ҳавфи туғилмоқда Uznews.18.06.10 – Қирғизистоннинг Ўш ва
Жалолобод вилоятларида тирик қолган ўзбек эркаклари қамоққа олиниш
таҳдиди остида қолишмоқда, қирғиз ҳукумати қирғин гувоҳларини овлай
бошлади.
Кеча Қирғизистон кучишлатар идоралари Ўш шаҳрининг Фурқат туманида тўрт
нафар ўзбекни қамоққа олишди, уларнинг ёнидан, 11 июн тунидаги
қирғизларнинг қонли хунрезлик ва зўровонликларидан ҳимоя мақсадида
ясалган қўлбола қуроллар топилган.
Ўзбек миллатига қарши қирғиз миллатчи гуруҳлари томонидан қилинган,
шунингдек аксарият жабрдийдаларнинг гувоҳлик беришича, қирғиз ҳарбийлари
билан ҳамкорликдаги уруш ва қотилликлардан сўнг, жон сақлаб қолган
ўзбекларга қарши қамоқ ҳавфи таҳдид сола бошлади.
Фурқат тумани фуқароларининг сўзларига кўра, Ўш кўчаларини ҳарбий
бронетехника тўлдирган, атроф тўла қирғиз ҳарбийлари, улар тозалаш
ишлари билан шуғулланишмоқда, улар одамлардан қуролларни тортиб
олишмоқда ва тартибсизликлар иштирокчиси дея ҳисоблаган шахсларни эса
қамоққа олишмоқда.
"Мен фалокатларнинг иккинчи босқичи бошланмоқда дея ҳис қиляпман, -
дейди Фурқат туманидаги Шерали исмли йигит. - Эндиликда ўлдиришмаяпти,
бироқ қамоққа олишлар ошланган, ҳукуматга ҳамма айбни бўйнига ағдариш
мумкин бўлган айбдорлар керак”.
Шу тумандаги Алишер исмлик бошқа бир йигит эса, қирғиз ҳукумати этник
қирғин изларини, жумладан гувоҳларни йўқ қилишга киришган, дея
ҳисобламоқда.
"Ўш ва Жалолободда ўлганлар сони 3000 га яқинлашиб қолганини давлат
инкор қилмоқда, ҳаммани 200 тача қурбон берилганига ишонтиришмоқчи,
аслида фитначилар ва ёлланганлар ҳаракат қилди – улар ҳар нарсага
тайёр”, - деди Алишер.
У ҳамон мурдалар ҳиди босиб кетган Ўшдаги Черемушка туманини бориб
кўришга даъват этади. "Агар мустақил комиссия келса, улар ҳаммасини
суриштириши ва кўриши мумкин”, - дея қўшимча қилади Алишер.
Қирғизистон ҳукуматига ишончсизлик ўзбек диаспораси орасида шу
даражадаки, ҳар қандай қирғиз ҳарбийсининг пайдо бўлиши уларда ўлим ва
даҳшат рамзи бўлиб кўринмоқда.
Аксарият гувоҳларнинг сўзларига кўра, 11 июнда Ўш кўчаларида қирғиз
фуқароларидан иборат бандалар билан бирга ҳарбийлар ҳам зўровонликлар
содир этишган. Улар БТРлардан туриб ўзбек ҳудудларини ўққа тутишган,
улар ортидан қароқчи ва зўровонлар тўдаси, одамларни тунаш, зўрлаш ва
ўлдириш ниятида эргашган.
Кеча, Ўшнинг учта тумани Бир адир, Тўққиз адир ва Ўн адирида ҳарбийлар
пайдо бўлди, ўзбек эркаклари, ўз танишларига қўнғироқ қилиб, ҳозир
уларни ўлдиришлари, эрталабгача жон сақлай олишмасликлари ҳақида хабар
бера бошлашди.
Улар қирғиз ҳарбийлари уларнинг ҳаммасини отиб ташлаб, кейин
комендантлик соати холатини бузганлакда айблашларидан ҳавотирда эдилар.
Бугун эрталаб олинган маълумотларга кўра, улар тирик қолишган, бироқ
ҳамон вазият қлтислигича қолмоқда.
Музаффар исмли ўшлик йигит ҳам буни тасдиқлайди. Қирғиз ҳукумат амалга
ошираётган ҳибсларнинг асосий нишони, қирғиз каллакесарларининг
қилмишларини, ўликлар ва ҳаробаларни суратга олган ўзбек фаоллари бўлиб
қолишмоқда.
"Кеча бизнинг туманимизда (Черемушка) бир қанча эркаклар йўқолди,
уларнинг қаердалигини ҳеч ким билмайди, биз уларни ҳибсга олишган дея
ўйлаяпмиз, улар қирғинлар ҳақида ахборотлар тарқатган фаоллар эди”, -
дейди Музаффар.
Халқаро матбуот билан алоқа боғлагани ва Қирғизистон жанубида Бишкекнинг
ўзибўларчиликлари туфайли беш кундан зиёд давом этган этник қирғин
юзасидан гувохликлар беришгани учун ҳам ўзбеклар қирғиз кучишлатарлари
нишони бўлиб қолишмоқда.
Uznews.net
|
