Швеция ташқи ишлар Департаментига ва EU парламентига

 Мурожаатнома

Биз, хорижда истиқомат қилувчи ўзбек муҳожирлари, сизларнинг эътиборингизни яна бир бор Қирғизистоннинг Ўш ва Жалолобод вилоятларида яшовчи ўзбекларнинг ҳуқуқлари Қирғизистон расмийлари томонидан қўпол равишда поймол этилаётганига қаратмоқчимиз.

Хорижда яшаётган ўзбек муҳожирларининг вакиллари Европадаги расмий идоралар мутасаддилари билан учрашиб Марказий Осиёдаги мураккаб жараён, айниқса Қирғизистондаги хунрезликлар ҳақида кенг қамровли, аниқ маълумотларни бериш имкониятига эга. Қирғизистондаги вазият тўғрисида қуйидаги қисқача маълумотни келтириб ўтишни лозим топдик:

Саудия Арабистони томонидан Ўш ва Жалолободга жўнатилган инсонпарварлик ёрдамлари Ўзген шаҳридаги ҳокимият биноси олдида ўзбекларни отишда иштирок этган қирғизларга тарқатилган.

2010 йил 19 июн куни Ўш район мавзесида Қашқар деган қишлоқда яшовчи уч нафар ўзбек - Абдувоитов Азизилло, Саидазимов Сайдулло ва Давронов Абдухалиллар ҳарбийлар томонидан отилган. Иккитаси воқеа жойида ва биттаси уйига етиб бориб ўлган.

23 июн куни Ўшда сайлов комиссиясининг ўзбек миллатига мансуб 6 та аъзоси ўғирлаб кетилган.

7 июл куни Гулчеҳра Ниёзова ва яна 4 та ўзбек аёллари Ўш шаҳар мэрияси биноси олдида милициялар ва солдатлар иштирокида калтакланган.

9 июл куни Акрамжон исмли ўзбек йигити ОВИР яқинига бориши биланоқ, аввалига қирғизлар икки ўзбек аёлини қуваётганига гувоҳ бўлган ва ўзи Ўш вилоят ички ишлар бошқармаси олдида давлат мулозимлари, милиция ходимлари, ҳарбийлар, миллий хавфсизлик идораси ходимлари кўз ўнгида бир гуруҳ қирғизлар томонидан калтакланган.

20 ёшлик Омонбоев Хайрулла исмли ўзбек йигитни ҳарбийлар уйидан олиб чиқиб кетишган ва уриб касалхонага ташлаб кетишган. Орадан 10 кун ўтиб 14 июл куни у оламдан ўтган.

Қирғизистон армиясида хизмат қилаётган 170 ўзбек ҳақида шу кунгача ҳеч қандай маълумот йўқ.

Маҳаллий ҳуқуқ ҳимоячилари бизга берган маълумотига кўра, улар Ўшда ўзбек миллатига мансуб оддий фуқароларнинг 600 дан ортиғи йўқолганлигини аниқлашган.
Қирғизистон давлат мулозимлари, милиция ходимлари, ҳарбийлари, миллий хавфсизлик идораси ходимлари ўзбекларнинг мол-мулкини тортиб олиш билан шуғулланишмоқда.

Ўзбекларга нисбатан талончилик аэропортларда ҳам, ҳарбий комиссариатларда ҳам кенг йўлга қўйилган. Аэропортларда Қирғизистонни тарк этмоқчи бўлган ўзбеклар қирғиз аёллари "мана шулар мени уйимга бостириб кирган” деган кўрсатмалар бериши орқали рейслардан олиб қолинмоқда.

Милиция ходимлари, ҳарбийлари, миллий хавфсизлик идораси ходимлари деярли барча ўзбекларнинг уйларига киришиб, патронлар ва наркотик ташлашиб, уларни мажбуран олиб кетиб сўроққа тутишмоқда. Ҳибсга олинган ўзбекларни аёвсиз жазолаб, қийноқлар остида қурол ва наркотиклар уларга тегишли эканлиги ва қирғизларни қирғин қилишда иштирок этишганига иқрорликни бўйнига қўйиб тилхат ёздириб олишмоқда. Тилхат ёзган ўзбекларни катта пул ҳисобига қўйиб юборишмоқда, пули бўлмаганларини уриб ўлдиришгача боришмоқда.

Ўзбекларнинг манфаатини ҳимоя қилаётган адвокатлар Қирғизистон ҳукумати томонидан тазйиққа олинмоқда.

Ҳозирда Қирғизистонлик ўзбеклар аксарияти уй жойлари ёқиб юборилганлиги ва Қирғизистонда яшаш имконияти қолмаганлиги сабабли ёппасига Россияга кўчиб келишмоқда.

Европада яшаётган ўзбек муҳожирлари сизлардан Қирғизистоннинг жанубий вилоятларига зудлик билан халқаро полиция кучларини киритилиши ва мустақил жиноий қидирув ишларини бошланишида ёрдам кўрсатишингизни сўрайди.

Фурсатдан фойдаланиб, Швеция ҳукумати Марказий Осиёдаги мураккаб жараёнга бефарқ қарамаётганлиги, ўзбек сиёсий муҳожирларини ўз ҳимоясига олиб ҳар томонлама қўллаб-қувватлаётганлиги учун ўз миннатдорчилигимизни билдирамиз!

Абдужалил Бойматов, Ўзбекистон Инсон Ҳуқуқлари Жамияти Президенти, Ирландия. Tel:+353 870 61 4883 , E-mail: b_abdujalil@yahoo.com

Ҳазраткул Худойберди, мустақил сиёсатчи, Швеция.
E-mail: saturnus04@yahoo.se

Толиб Ёқубов, Ўзбекистон Инсон Ҳуқуқлари Жамияти вице-президенти, Франция.
Тел.: + 33241667961 E-mail: dptalib@safe-mail.net

Муҳиддин Қурбанов, Ҳуқуқ Ҳимоячилари Халқаро Жамияти раиси, Швеция.
тел: +46760566313, E-mail: himoyachi@hotmail.com skype: muhiddin.kurbanov

Мўътабар Тожибоева, "Ўтюраклар клуби” номли инсон ҳуқуқлари ташкилоти раҳбари, Ўзбекистан, Tel.: +33668793057, E-mail: mutabartadjibaeva@gmail.com

Умида Ниёзова, Инсон Ҳуқуқлари бўйича ўзбекско-немис Форуми раҳбари, Германия. E-mail: umida.niyazova@uzbekgermanforum.org

Аваз Фаёзов, Инсон Ҳуқуқлари Халқаро Жамиятининг Европа бўлими раҳбари, Швеция. тел: +46763907170, E-mail: avazuz63@yahoo.com

Юсуф Расулов, www.yangidunyo.com саҳифаси муҳаррири, мустақил журналист, Швеция. Тел.: + 46769842847 , E-mail: yusufr71@yahoo.se

Баҳодир Узоқов, мустақил сиёсатчи, Гемерт, Нидерландия.
Тел. (mob): +31616023313, E-mail: bahodiruz@yahoo.com

Муҳаммадсолиҳ Абутов, «Таянч» Жамияти раиси ўринбосари, Швеция.
Тел.: +46767613847, E-mail: sahwii@mail.ru

Қудрат Бобожонов, журналист, Tel: 0739557238 E-mail: kudrat.babadjanov@gmail.com

Муқимжон Маҳмудов, "Таянч” жамияти аъзоси, Швеция.
Tel: +46738983536, E-mail: anvarmirzo@gmail.com

Шавкат Арипов, "Бирдамлик” ҳаракати Швеция бўлими раҳбари, Швеция.
Tel: +46737304552, E-mail: chef_60m@hotmail.com

Қудрат Азимов, "Бирдамлик” ҳаракати аъзоси, Швеция.
Tel: +46737631366, E-mail: kudrat08@mail.ru

Улуғбек Мўминов, Ўшлик, Швециядан қочқинлик изловчи, Швеция.
Tel: +46720444509, E-mail: fartoviy.71@mail.ru

Алишер Мамажонов, Ўшлик, Швециядан қочқинлик изловчи, Швеция.
Tel: +46704491291, E-mail: alisher2010@live.ru

Набижон Алибоев, "Бирдамлик” ҳаракати аъзоси, Швеция.
Tel: +46737615544, E-mail: nabi07@bk.ru

22.07.2010, Stockholm