15 неварамни олиб қочдим Mосковга 12.08.2010 Садриддин Қирғизистон
жануби, айниқса ўзбеклар учун Ўшда вазият таҳликали қолаётгани боис ўз
жойларини ташлаб кетаётганлар кети узилгани йўқ. Пайшанба куни "Эркин
микрофон"га қўнғироқ қилган ўшлик ўзбеклар "ҳайдалиш" пайтида чеккан
азобларидан сўз очди. Московга етиб олдик, болам...
дейди
Ўшдан 15 неварасини олиб Россияга келган 70 ёшли онахон Шарофатхон
Тўйчиева. Онахонга кўра, у фарзандлари ва невараларининг хавфсизлигини
ўйлаб шу ёшида муҳожир бўлишга мажбур бўлган:
- Бутун ўшлик
оналар номидан келдим. Болалар жуда ҳам кўп ҳалок бўлиб кетаяпти айланай
болам. Ўшанга ҳайрон бўлиб бошимиз қотиб¸ ақлимиз озиб¸ нима қилишни
билмасдан охири мана шу ëққа келишга қарор қилдикда. Ҳозир бировнинг
квартирасида турибмиз. Ҳайрон бўлаяпман. Бошим қотиб турибман нима
қилишни билмасдан. Ҳали бир қарорга келганим ҳам йўқ. Невараларни олиб
қочиб келдим. Бари қизлар эди. Бўйига етган қизлар. 15 та неварани олиб
қочиб келдим. Машинада келдик. 10 кунда етиб келдим болам. Машиналар
ҳам бузилиб¸ оч қолиб келдикда энди. Ишқилиб етиб келиб олдик Худога
шукур. Биз нажот истаб келдик болам. Биз келиб олдигу¸ қолганларга увол
бўлаяпти болам. Энди ҳамма қочиб кета олмаяптида. Эналар йиғлаб у ëққа
бораяпти¸ бу ëққа келаяпти. Бориб келган билан фойда йўқ. Ҳеч қанақа
фойда тегмаяпти. Боласини олиб чиққанлар қўрққанидан ариза ëза олмаяпти.
Ариза ëзганда билиб қолса¸ уйи-пуйи билан олиб чиқиб кетиб қолаяпти.
Шунинг учун шу ерларга нажот истаб келдим мен. Дарди-ҳолимизга етадиган
инсон бормикан деб келдим¸- дейди Шарофатхон ая Тўйчиева. SMS ва қўнғироқларингизни +420 602 612 713 ва +420 776 368 434 рақамига йўлланг.
http://www.ozodlik.org/content/article/2126049.html
|