Ислом Каримовнинг бурни остида  Uznews.23.08.10
Тўғри президент Ислом Каримовнинг бурни остида, ўзбек чегарасидан бир
неча километр нарида, Ўш ҳокими Мелисбек Мирзакматов юз минглаб этник
ўзбекларни гаровга олди.
Мирзакматов россия газетаси "Коммерсант”га интервью бераркан, Ўш ва
Жалолободдаги ўзбек ҳудудларидаги июн этник босқини ва қотилликлари
"Қирғизистон суверенитетига” даҳл қилган ўзбеклар учун жазо бўлганини
билдирди.
Ўш ҳокими Бишкек ҳукуматини ҳам ҳалқаро хамжамиятни ҳам тан олмайди. Афтидан у Ўш ва унинг фуқаролари унга қарам дея ҳисоблайди.
Мирзакметов ЕҲҲТ полициясининг Қирғизистон жанубидаги вазият мониторинги
учун киритилишини истамаслиги билан Роза Ўтинбоева ҳукуматини фалаж
ҳолга келтирди, ҳеч ким тегишли меморандумни имзолашни истамаяпти.
Қирғиз ҳукумати ўтган хафтада Мирзакметовни лавозимидан олишга уриниб кўрди. Бироқ бунинг уддасидан чиқа олмади.
Мирзакматов кикбоксинг бўйича чемпион Шайлобек Атазов бошчилигидаги
минга яқин йигитларни ушлаб турибди, улар ҳар дақиқада митинглар ва
зўровонликларни янги тўлқинини бошлашга тайёр туришибди.
Афтидан, Мирзакматов мамлакатда катталиги жиҳатидан иккинчи ўринда
бўлган Ўшда, этник ўзбекларга тобора босим ўтказиш, ноқонуний қамоққа
олиш ва бузилган уйларини тиклашларига йўл бермай, бунинг устига
миллатчи руҳдаги баёнотолар билдириб қирғизларнинг хукмронлигини
ўрнатишга интилмоқда.
Каримовга қўшни Қирғизистондаги постсовет хаоси ҳеч қачон ёқмаган.
У мутлақо асосли тарзда, ҳамиша ушбу мамлакатдаги нобарқарорлик бутун
минтақани, айниқса Фарғона водийсини издан чиқариши мумкинлигидан чўчиб
келган, 2005 йилги исён айни биринчи Қирғиз давлат тўнтаришидан икки ой
ўтиб содир бўлган эди.
Беш йил ўтиб, Қирғизистонда тағин навбатдаги инқилобий давлат тўнтаришлари такрорланаркан, Фарғона водийсида тағин қон тўкилди.
Қирғизистонда давом этган муттасил хаос ва ноҳақликлар туфайли аксарият
фуқаролар энг қашшоқ, хўрланган холатга солинди ва аҳлоқсиз сиёсатчилар
қўлидаги ўйинчоққа айлантирилди.
Июн ойида ўзбек маҳаллаларига ҳужум қилган гуруҳлар, аксарият энг қашшоқ тоғли ҳудудлардаги ишсиз ёшлардан таркиб топди.
Чекланмаган ҳуқуқ ва армия ёрдами билан улар ғайрат солиб Ўш ва
Жалолободдаги бой ўзбекларнинг уйларини талашга киришдилар, ортларидан
кўплаб қурбонлар ва 2000дан зиёд кули кўкка совурилган уйларни
қолдирдилар.
Президент Каримов Ўзбекистондаги ва унинг чегараларидаги барқарорликдан манфаатдордир.
Каримов Ўшдаги вазият кескинлигича қоларкан, тинч ухлай олмайди, бироқ
ҳамон Мирзакметов ҳоким бўлиб қоларкан вазият сира ўзгармайди.
Апрелда ағдарилган президент Курманбек Бакиев томонидан 2009 йили Ўшга
ҳоким қилиб тайинланган Мирзакматовнинг Ўш вилоятида катта бизнеси бор
ва у жанубдаги йирик ўзбек бизнесменларининг хонавайрон бўлишидан,
мамлакатни ташлаб қочишидан манфаатдор.
Ўзбеклар жанубий Қирғизистон иқтисодининг умуртқаси саналади. Азалдан
улар яхши савдо қилишади, миришкорлик ва махсулот етиштириш билан,
кўчманчи қирғизларга кўра яхшироқ шуғулланишади.
Агар бугунги коррупциялашган ва масъулиятсиз хукумат томонидан жанубий
Қирғизистондан ўзбеклар сиқиб чиқарилса бу ҳудуд фақат криминал бандалар
фаолият кўрсатадиган майдонга айланади.
Ҳар сафар Ўзбекистондаги барқарорликка раҳна солинганида Каримов унинг олдини олишга ҳаракат қилган.
Майли инсонпарварлик учун эмас, сиёсий манфаатдан келиб чиқиб, Каримов
ўзининг сиёсий кучини намойиш этиши ва Мирзакметовни вазифасидан
кетказиш учун ўзидаги мавжуд босим ричагларидан фойдаланиши керак.
Uznews.net
|
