 |
| Ўшлик ўзбек аёллари ўлдирилган яқинлари суратлари билан |
Қирғизистондаги миллий озчилик «тинчлик ва адолат» талаб қилмоқда Uznews.net 24.12.10
– Қирғизистондаги ўзбек диаспораси вакиллари бир қатор давлатлар
рахбарлари, жумладан Ўзбекистон президентига, БМТ ва ЕҲҲТ лидерларига
мамлакатда адолат ва қонунни тиклашни сўраб мурожаат қилишди.
"Адолат ва тинчликни кутиб” дея номланган ўзбек диаспорасининг очиқ
мурожаати, Қирғизистондаги барча миллий озчилик вакиллари номидан
қилинган.
«Биз Қирғизистонда туғилдик, унинг тараққиёти учун кўп ишлар қилдик, биз
бу ерда бегона эмасмиз ва қирғизлар каби яшаш, ишлаш ва бошқа
эркинликларга ҳаққимиз бор», - дейилади «Мурожаатда».
Кейин эса Қирғизистон жанубидаги қонли июн воқеаларига оид статистика маълумотлари келтирилади.
«Уч мингдан зиёд ўлдирилган Қирғизистон фуқаролари ичида қирғиз
миллатига мансуб шахслар 1%дан камни ташкил этади, - дея ёзишади ўзбек
диаспораси вакиллари, - айни пайтда титул миллат вакиллари зич яшаётган
ҳудудлардаги бирор қирғиз ўлдирилгани йўқ».
«Мурожаат» муаллифлари, туналган ва ёндирилган қирғизларга тегишли уйлар
ва савдо нуқталари умумий рўйҳатнинг бир фоизини ҳам ташкил
қилмаслигини айтишади. Ва бу уйлар ва савдо нуқталари ҳам ўзбеклар зич
яшаётган ҳудудларга тааллуқлидир.
Кейин «Мурожаат» муаллифлари, Қирғизистон жанубида содир бўлган воқеаларни ҳуқуқий нуқтаи назардан кўриб чиқишади.
Уларнинг фикрига кўра, Қирғизистондаги ҳуқуқ тартибот, кучишлатар ва суд
идоралари июн ойида нафақат ўзбекларни ҳимоядан маҳрум қилишди, балки
эндиликда улар ўз ҳаётлари ва мол мулкини ҳимоя қилиш ҳуқуқидан ҳам
маҳрум бўлишмоқда.
«Қирғизистон судлари ўз оиласини ошпичоқ, белкурак ва паншахалар билан
зўрлик, толончилик ва қотилликлардан ҳимоя қилмоқчи бўлишгани учун
умрбод қамоққа ташлашмоқда», - дейилади «Мурожаатда».
Айни пайтда, Қирғизистон жиноят кодексига киритилган, "мудофаа зарурати”
ва "ўта зарурат” каби ҳолатларда қўлланилиши мумкин бўлган даражадаги
ҳимоя учун куч қўллаш тушунчаларидан кўз юммоқда.
Uznews.net
|
