|
|
|
|
Главная » 2011 » Февраль » 16 » Ангренлик ҳуқуқ ҳимоячисига яна босим бошланди
07:25 Ангренлик ҳуқуқ ҳимоячисига яна босим бошланди |
Ангренлик ҳуқуқ ҳимоячисига яна босим бошландиUznews.net
14.02.11 - 10-11 феврал куни номаълум шахслар ангренлик ҳуқуқ ҳимоячиси Дмитрий
Тихоновга навбатдаги қўрқитувни амалга оширишди. Шу кунларда кечки соат
11ларда кимдир унинг уйига меҳмон бўлиб кирмоқчи бўлди.
10 феврал куни Тихонов унинг Ангрендаги квартираси эшиги ëнида қандайдир
товушларни эшитган. Кейинчалик бу товушлар тақиллашга ўтган.
Ҳуқуқ ҳимоячисининг эшигида тешик бўлмаганлиги учун эшикни
тақиллатаëтган чақирилмаган меҳмонлар қанча эканлигини у била олмаган.
Уларнинг юзларини кўриш, ҳатто уларнинг нечта эканлигини билиш учун
ойнадан қараш ҳам фойда бермаган.
Худди шу нарса эртаси куни ҳам такрорланган. Ҳуқуқ ҳимоячиси бу танишларидан кимдир эканлигига ишонмайди.
"Меникига фақат бир нечта қўшниларим келиши мумкин, фақат бунақа кеч
пайтда эмас. Мен уларнинг ҳар биттасини эшик тақиллатишидан биламан.
Шунинг учун менинг ëнимга яхши ниятдагилар келмаганлиги аниқ”, дейди
ҳуқуқ ҳимоячиси.
Бунгача Тихоновга ҳужум бўлмади. Бу 2010 йилда икки марта содир бўлди.
Биринчи марта унга иккита одам 23 феврал куни ўз гаражида ҳужум қилди.
Ҳуқуқ ҳимоячиси биттасининг ҳужумини қайтарди, аммо иккинчиси унинг
бошига труба билан ургандан кейин ҳушини йўқотди.
Бу воқеадан кейин ҳуқуқ ҳимоячиси бир қанча муддатга Ангрен ташқарисидаги танишлариникида яширинишга мажбур бўлди.
Ўтган йил 17 декабрда ҳуқуқ ҳимоячисига иккинчи марта ҳужум уюштирилди.
Номаълум шахс ҳеч ким йўқ овлоқ жойда унинг оëғига арматура билан урган.
2007 йил кузда Тихоновга нисбатан бир қатор ҳужумлар амалга оширилди.
Ҳуқуқ ҳимоячиси буни маҳаллий ювелирлардан бирининг фирибгарлигини фош
қилгани билан боғлайди.
2007 йил ноябр ойида юз берган учта ҳужумдан кейин ҳужум қилганлардан
бирининг қўлидаги пичоқ натижасида унинг юзида чандиқ қолган.
Тихоновга ëзув орқали ҳам қўрқитишлар бўлган. Бир марта эса телефон
орқали номаълум шахс агар у ҳуқуқ ҳимоячилик фаолиятини тугатмаса,
онасига нимадир қилиш билан таҳдид қилган.
2007 йилда Тихоновга ўлдириш билан қўрқитиш бўйича жиноий иш
қўзғатилган. Аризачи эса фирибгарлиги фош қилинган ювелирчи бўлиб чиқди.
Тихоновга кўра, иш ëпилганми ëки ҳалигача тергов кетаяптими ҳозиргача номаълум.
Айблов ҳуқуқ ҳимоячисидан олиб ташланмаганлиги учун республика ИИВ
кириш-чиқиш ва фуқароларикни қайд қилиш бўлими унга чет элга чиқиш
ҳуқуқини берувчи визани бермаяпти.
Бу вақт ичида бир неча марта ОВИР визаси сўраб мурожаат қилган Тихонов
виза нима сабабдан берилмаганлиги тўғрисида аниқ тушунтириш олмаган. Чет
элга чиқишга рухсат берилмаганлиги туфайли Тихонов икки марта чет эллик
ҳамкасблари таклиф қилган халқаро энтимологик экспедицияда қатнашишни
рад этишга мажбур бўлди.
Тошкентлик ҳуқуқ ҳимоячиси Владимир Ҳусаиновга кўра, Тихоновнинг моддий
аҳволи ҳозир халқаро илмий экспедицияларда қатнашиш ва Ўзбекистонда иш
топиш имконига эга бўлмаганидан оғирлашиб бормоқда.
Чиқиш визаси берилмаганига қарши ўтган йилнинг 6 декабрида Тихонов бошқа
ҳуқуқ ҳимоячилари билан Мустақиллик майдонига пикет ўтказишга чиқди.
Пикет иштирокчиларга катта миқдордаги жарима билан якун топди. Тихоновга
3 миллион 481 минг сўм ("қора бозор” курсига кўра 1480 доллар)
миқдорида жарима солинди.
Айнан мана шу пикетда қатнашгани 17 декабрда унга қилинган ҳужумга сабаб бўлганига Тихоновнинг ишончи комил.
Uznews.net
|
Категория: ҲУҚУҚ ХИМОЯЧИЛАРИ ЁЗИШМОҚДА |
Просмотров: 1079 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|
|
Copyright MyCorp © 2024 |
|
|
|