|
|
 |
|
 |
Главная » 2011 » Март » 23 » Бу ташриф остида қандайдир сир борлигига албатта бирор шубҳа йўқ.!
12:01 Бу ташриф остида қандайдир сир борлигига албатта бирор шубҳа йўқ.! |
Бу ташриф остида қандайдир сир борлигига албатта бирор шубҳа йўқ.!
19-март куни соат 10.00 да Ўзбекистон Инсон Ҳуқуқлари Жамиятининг Қарши шаҳар бўлими раиси Нодир Аҳатов хонадонига қаршилик жиноят қидирув органларидан бир гуруҳ кутилмаган «тонги меҳмонлар» ташриф буюришган.
Инсон ҳақлари курашчисининг ўзи бу тонги ташрифнинг мантиқсиз эканлигидан, ҳамда ундан кўзланган мақсад нима эканлиги номаълум қолаётганидан ташвишга тушган. Ички ишлар органи ходимларидан бири ўзини Элёр деб таништираркан, Нодир Аҳатовнинг Акмал исмлик бир қўшниси борлигини ва уни ушлаб кетиш учун келганликларини билдирган. Бахтган қарши, Нодир Аҳатовнинг бунақа қўшниси умуман йўқ ва бўлган тақдирда ҳам нима учун улар ҳуқуқбоннинг уйига кириб келганликлари тушунарсиз. У на Қарши шаҳар Ички Ишлар Бўлимида ва на Қашкадарё вилоят Ички Ишлар Бошқармасида ишламайди. Ҳуқуқ-тартибот органлари қачондан бери ўз режалари ёки қилаётган ишлари юзасидан инсон ҳақлари курашчисига ҳисобот берадиган бўлиб қолишди экан?
Бу ташриф остида қандайдир сир борлигига албатта бирор шубҳа йўқ.!
Ўзбекистон ичкарисидаги бугунги ҳолат эса жума, шанба ва якшанба кунлари сиёсий фаоллар борми ёки инсон ҳақлари курашчисими ёинки ҳукуматнинг кўзига хира кўриниб қолган диндорларми, уларни қамоққа олиш кунлари саналади. Чунончи, барча халқаро ташкилотлар шанба ва якшанбада дам олса, Ўзбекистон милицияси ва бошқа тергов органлари дам олмайдигина эмас, постларида мутлоқ ҳушёр туришади. Бу «криминал» кунларда, одатда янги туҳматлар, ҳамда қамоққа олишлар авжига чиқиши мумкин.
Ички ишлар органлари ва прокуратура якшанба кунларида ҳам дам олмай «тер тўкишларини» шу йилнинг 15- январь куни исботлашганди ҳам. Дам олиш куни бўлишига қарамай, улар Қашқадарёлик ҳуқуқбонларга чақирув хатлари юборгандилар.
Қиссадан ҳисса шуки, яқин кунлар орасида Ўзбекистон Инсон Ҳуқуқлари Жамиятининг Қарши шаҳар бўлими раиси Нодир Аҳатовга нисбатан бирор туҳматона вазият яратилиниб қолиши эҳтимолдан холи эмас. Албатта ўйлашимиз ҳам мумкин эди: ҳукуматимиз 21- март Наврўз байрами олдидан навбатдаги «тинчлик тадбирига» ҳозирлик кўраётгандир. Бироқ, тонг маҳалидан бировнинг уйига кириб келиб бутун оиланинг ўтакасини ўн қилиш( ёриш) тадбири байрамолди тадбирларига мутлоқ ўхшамайди.
19- март кунида эса Ўзбекистон Инсон Ҳуқуқлари Жамиятининг қамоқда сақланаётган аъзоси Ғайбулло Жалиловнинг рафикаси Муқаддас Темировага нисбатан ҳам 17- март кунида бошланган «тадбир» давом эттирилган. У ташкилотнинг вилоят бўлимига қўнғироқ қилиб маҳалла фуқаролар йиғинига боришга ундаётганликларини айтган.
«Маҳалла фуқаролар йиғинига боришимни айтишаяпти», – хабар қилган Муқаддас Темирова, – «қизимнинг ангинаси шишиб кетиб, айни кунларда уни олдириб ташлатишим керак бўлиб турибти. Шунга уйдаги устунликларни (ёғоч устун материали-таҳририятдан) сотиб пул қилиб юрибман. Уйдагиларни ҳам безовита қилишганга ўхшайди. Манга фарзандимнинг соғлиғи зарур. Тинчлик борми ёки йўқ?! Агар мени безовта қилишни тўхтатишмаса жонимга қасд қилишдан бошқа чорам қолмайди. Жонимдан тўйдим!» – кўз йиғлайди у.
Ғайбулло Жалилов яхши ниятда дарвоза қуриш учун харид қилган ёғоч ва устунлик материаларни сотиб қизини доволатишни ўйлаб юрган аёл ҳам режим учун хавф солаётганига бировни ишонтириб бўлмас албатта. Аммо бу аёлнинг жонидан тўйганича бор. Эри қамоққа олиниб даромадсиз қолган, боз устига аёлга нисбатан ҳукумат мулозимлари тўхтовсиз таъзйиқлар ўтказиб келмоқда. Балки инсонларни ўз жонига қасд қилишга мажбур этиш дориломон мамлакат қуришни «режалаган» ҳукуматнинг мақсадидир.
19-март, 2011-йил.
Ўзбекистон Инсон Хукуклари Жамияти.
|
|
Категория: ҲУҚУҚ ХИМОЯЧИЛАРИ ЁЗИШМОҚДА |
Просмотров: 979 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
 |
Copyright MyCorp © 2024 |
 |
|
|
