Мухолифат кенгашини ташкиллантирувчи ташаббус гуруҳининг Ўзбекистон ва чет элларда яшовчи ватандошларга мурожаати!
Азиз ватандошлар!
Ўзбек мухолифати Ислом Каримов режимининг таъқибларига қарамасдан қийин шароитларда мамлакат ичида ва ташқарисида фаолият олиб бормоқда.Афсуски, объектив ва субъектив сабабларга кўра ўзбек мухолифати ташкилий томондан тарқоқ ва молиявий жиҳатдан камбағаллиги сабабли сиёсий кучга, сиёсий қудратга эга бўла олмади. Шу сабабли, ўзбек миллатининг уч марта қирғин (Ўш,Ўзган қирғини - 1990-йили, Андижон қирғини -2005-йили, Ўш,Жалолобод қирғини – 2010-йили) қилиниши ташкилотчиларини ва ижрочиларини Ҳалқаро Жиноят Судида кўрилиб, жазолашга ва жабрдийдаларга моддий ва маънавий компенсация берилишига эриша олмади.
Ислом Каримов режимининг 20 йиллик таъқиби натижасида кўп мухолифат вакиллари сохта айблар билан қамоқларга ташланди, қамалмай қолганларининг кўпчилиги фаолиятини тўхтатишга ёки ватанни тарк этишга мажбур бўлишди. Ҳануз сафдошларимиз Юсуф Жума, Мамадали Махмудов, Мурод Жўраев, Аъзам Фармонов, Алишер Караматов, Норбой Холжигитов, Хабибулла Оқпўлатов, Ғайбулло Жалилов ва бошқалар қамоқларда қийноқларга солинмоқда, ноинсоний таҳқирларга дучор қилинмоқда.
Ватанимиз Ўзбекистонда мактаб ўкувчилари ва олий ўкув юртлари студентлари мажбурий қишлоқ хўжалик ишларига, шу жумладан пахта теримига жалб қилинганлиги туфайли, қашшоқлик туфайли, маориф системасида порахўрлик, коррупция авж олганлиги туфайли, мактаб ўкитувчилари ва институт домлаларининг моддий ва маънавий рағбатлантириш етарли эмаслиги туфайли фуқароларимизнинг билим сифати борган сайи пасайиб бормоқда.
Ўтган беш йиллар давомида дунёдаги 6 турк давлатлари ўртасида сиёсий-иқтисодий интеграция жараёни кучайди. Бунга Озарбайжон, Қирғизистон, Қозоғистон, Туркия ва Туркманистоннинг Турк кенгаши ва Турк давлатлари Парламент Ассамблеясига (Турк ПА) аъзо бўлганлиги мисол бўла олади.
Ўзбекистон эса турк давлатлари ичида ахолиси бўйича 2-ўринни эгаллагани сабабли ҳам, Марказий Осиё давлатлари ичида лидерлик масъулиятини бўйнига олиши керак эди.Афсуски, аксинча бу интеграцион жараёнларни бойкот қилмоқда.
Юқоридаги сабабларга кўра, Ўзбекистон президенти Ислом Каримовнинг истеъфосини талаб қилиш фурсати аллақачон етган.
Ҳаммага маълумки, Тунис ва Мисрда ҳалқнинг оммавий тинч намойишлари туфайли шу мамлакатларнинг диктаторлари Бен Али ва Хусни Муборак истеъфога кетишга мажбур бўлишди. Ливия, Яман, Сурия ва бошқа бир қанча араб мамлакатларида ҳалқ исёнлари давом этмоқда.
Ўзбек мухолифати ва фуқароларининг диктатор Ислом Каримов истеъфосини амалга оширишида айрим устунликлар бор:
1.Ўзбекистонда кучсиз бўлсада мухолифатнинг шаклланганлиги;
2.Мухолифатнинг 22 йиллик амалий тажрибаси;
3.Араб давлатларидан фарқли равишда пост совет республикалари Латвия, Литва, Эстонияда эркинлик ва демократиянинг тўла ғалаба қозонганлиги, Грузия, Украина, Қирғизистон ва Молдавияда эркин ва демократик жамият қуришда айрим ижобий натижаларга эришилганлигидир.
Ўзбекистонда ҳам шундай ижобий натижаларга эришса бўлади;
4.Шуни алохида таъкидлаш керакки, Ўзбекистон Россия ва Хитойнинг ўртасида жойлашганлиги ва Европадан узоқда жойлашганлиги ижобий натижаларга эрилишига тўсқинлик қилиши мумкин. Лекин Қирғизистон тажрибаси бу тўсиқни бемалол енгиб ўтиш мумкинлигини исботлади.
Ҳурматли Ватандошлар!
Мухолифат фаоллари;
"Бирлик” ҳалқ ҳаракати партияси фаоллари, "13- май иттифоқи” ташкилоти фаоллари, "Бирдамлик” ҳалқ харакати фаоллари, инсон ҳуқуқи ҳимоячилари, мустакил журналистлар! Сизларга мурожаатимиз шундан иборатки, келинглар, мухолифатни сиёсий кучга, сиёсий қудратга эга бўлишига эришайлик!
Бунинг учун 1-навбатда мухолифат кенгашини, мухолифат етакчисини, мухолифат маблағини ва мухолифат соя хукуматини шакллантирайлик.
Мухолифатнинг кўзга кўринган намояндаларидан бири Ботир Норбой айтганидек, иктибос: "Узок ўтмишдаги Амир Темур ва Боязидлар қалбида туркийлик туйғуси тўла шаклланмагани учун ўзаро тил топишаолмаганлар. Туркийликнику қўя турайлик, ўзбекликни, миллатни ўйлаб, бугунги лидерлар – Мухаммад Солих, Абдураҳим Пўлат ва Баходир Чориев бир ёқадан бош чиқараолмаяптику!? Ҳолбуки, ўртада тахт ҳам, бойликлар ҳам, талашадиган худудлар ҳам йўқ. Ўзбекистон келажаги бор, ҳалос! ".Иқтибос тугади.
1.Абдужалил Бойматов,Ўзбекистон Инсон Ҳуқуқлари Жамияти президенти.
Ирландия, Tel: +353870614883; b_abdujalil@yahoo.com
2. Абдусалом Каримов, "Андижон – Адолат ва Тикланиш” ташкилоти аъзоси,
Чехия, abdusalom.karimov@gmail.com
3.Бахтиёр Тўйчиев, "Бирдамлик” Ҳалқ Ҳаракати фаоли, АҚШ, Tel: +1 216 835 4686; baht.hasan@gmail.com
4.Мухиддин Қурбонов, Ҳалқаро Ҳуқуқ Ҳимоячилари Жамияти раиси, Швеция, Тел: +46760566313, himoyachi@hotmail.com, muhiddin.kurbanov@yahoo.se
5. Отабек Тошев, Ўзбекистон Эркин Ёшлар Уюшмаси, Норвегия,
Tel: 004799877046, mahmadali-36@hotmail.com
Мурожаат учун: Абдужалил Бойматов, мухолифат кенгашини ташкиллантирувчи ташаббус гуруҳининг мувофиқлаштирувчиси (координатор).
|
