БЕНАМОЗЛИК
Мўъминликка даъво бўлмас бенамозлик,
Бир кунга хам раво бўлмас бенамозлик,
Бу дунё-ку беш махалдек ўтар - кетар,
Лек қабрда хаво бўлмас бенамозлик,
Жазоларга даво бўлмас бенамозлик.
Қуръонда хам унинг мисли келган қавм бу,
Гийғбат-ла ўз дўсти гўштин еган қавм бу,
Росулуллох "Биздан емас" деган қавм бу,
Пешонасин қорайтирмиш - бенамозлик,
Қабрини хам торайтирмиш - бенамозлик!
Бу гунохки, кўнгилларни маст қилгувчи,
Инсон деган шарафни-да паст қилгувчи,
Бошга бало кунни хаққи рост қилгувчи
Гунохларнинг кабираси - бенамозлик,
Асли ширкнинг набираси - бенамозлик!
Жойнамозлар сарполарга жойланади,
Айтинг, қўллар қачон Хаққа боғланади,
Нахот инсон дўзах сари шайланади?!
Шайтон тухфа этган туғён - бенамозлик,
Яратганга энг зўр исён - бенамозлик,
Беш махалга бепарводир "Аллох - бир!" деб,
Оғир кунда тағин айтар "панох бер!" деб,
Шуни айтса керак-да, "хақ, гунох бир", деб
Мухрланмиш қалби мангу - бенамозлик,
Намозшомда гўё уйқу - бенамозлик!
Боболари саждадан бош кўтармаган,
Яратгандан ўзга илох ахтармаган,
Ох бу фарзанд, нечун десанг кўкармаган -
Дарё қуриб ўрнида чўл - бенамозлик!
Дўзах сари энг қулай йўл - бенамозлик!
Тахтдан тушиб беш ваят намоз қилган ел бу,
Хар кунини Аллохдан деб билган ел бу,
Дини боис бу дунёга келган ел бу,
Елкасида унинг бугун бенамозлик,
Хеч ечилмас жирканч тугун - бенамозлик!
Пайғамбари келиб-да, бир ўрнак олмас
Бу миллатнинг бугунига қилманг хавас.
Сароғлари қулаб, ўрнин топса абас
Билинг, асл сабаб эрур бенамозлик,
Хақ сизларга жавоб берур бенамозлик!
Бухорийлар, Термизийлар, Наяшбандлар
Шу ўлкадан чиққан еди, жигарбандлар,
Уларни-да одам қилган лабда хамдлар,
Улар учун енг катта ор - бенамозлик,
Бугун бизни айлаган хор - бенамозлик,
Синолари намоз ўйиб табиб бўлган,
Навойиси сажда чоғи хабиб бўлган,
Қодирийси терговда хам намоз қилган,
Бу миллатга катта уят - бенамозлик,
Тарих учун катта ғорат - бенамозлик! ...
Дунё учун нима қилсанг қилавергин,
Ўзингни ким билсанг, шундай билавергин,
Аммо сўнгги хитобимга қулоқ бергин:
Жаханнамга зиёратдир - бенамозлик,
Инсонликка хиёнатдир - бенамозлик!
|