|
|
 |
|
 |
Главная » 2011 » Июль » 2 » «Ўтюраклар” Клуби инсон ҳуқуқларини ҳимоя қилиш Халқаро жамияти М У Р О Ж А А Т И
00:48 «Ўтюраклар” Клуби инсон ҳуқуқларини ҳимоя қилиш Халқаро жамияти М У Р О Ж А А Т И |
«Ўтюраклар” Клуби инсон ҳуқуқларини ҳимоя қилиш Халқаро жамияти
М У Р О Ж А А Т И
Мана бир неча кунки Ўзбекистонда икки журналист Малоҳат Эшонкулова ва Саодат Омоновалар ўз ҳолатига мамлакат раҳбарининг эътиборини тортиш мақсадида очлик эътироз аҳдини ўтказишяпти. Айни пайтдаги қизларнинг холи "Ўтюраклар” Клуби аъзоларида жиддий ташвиш пайдо қилмоқда.
Сўнгги маълумотларга кўра, қизлар энди ҳатто тез ёрдам хизматини ҳам чақириш имконидан айрилган, зеро тез тиббий ёрдам ходимининг таъкидлашича, Ўзбекистондаги мавжудлиги айтилаётган беъмани қоидага кўра бир фуқаро уч бора қайта-қайта тез ёрдам хизматини чақириши мумкин эмасмиш. Бу бизнинг ташвишимизни янада кучайтиради. Бу ҳол Ўзбекистонда фуқаро соғлиги ва истаги бир тийин экани ҳақидаги таъкид нақадар ҳақли эканини яққол исботлайди.
Юзага келган вазият ва жасоратли журналист қизлар ўз аҳдидан қайтиш ниятида эмаслигини ҳисобга олган ҳолда "Ўтюраклар” Клуби инсон ҳуқуқларини ҳимоя қилиш Халқаро жамияти Ўзбекистондаги демократик давлатлар дипломатик корпуси вакилларини журналист қизлар ҳолига эътиборсиз қолмасликка, уларнинг ҳонадонини эса Дипломатик корпус вакиллари бориши у қадар тўғри бўлмаган жой сифатида қайд қилинмаслигига чақиради.
Биз эслатиб ўтмоқчимиз, агар сиз Демократик неъматларни қадрловчи ва бу борадаги интилишларни қўлловчи давлатлар расмий вакиллари сифатида икки журналистнинг тақдирига бефарқ қолсангиз диктатура ўрнатилган Ўзбекистон ҳукуматининг ёвуз сиёсатини қўллаган бўлиб қоласиз.
Шу билан бирга биз Халқаро Қизил Хоч Қўмитасининг Ўзбекистондаги ваколатхонасини ҳам журналистлар тақдирига эътибор қаратишга чақирамиз. Ўз ваколатингиздан келиб чиққан ҳолда журналист қизларнинг ҳолатини кузатиб боришингиз ва зарурат туғилганда зудликда тиббий ёрдм кўрсатишингизга умид қиламиз.
Маҳаллий журналистлар сизларни ўз касбдошингиз қисматини жим кузатиб туришдан ор қилишга даъват этамиз. Унутманг бугун Малоҳат ва Саодат каби эртага сиз ҳам бир ноҳақлик қурбонига айланишингиз мумкин.
Сизларни бир ховуч малайлар, индамасдан ҳар қандай беъмани номларни қабул қилиб олишга мажбурлаётганлар тарафига эмас, сизнинг ҳам эркин бўлишингиз, гапингиз бутун бўлиши учун ўз соғлигини гаровга қўйган ҳамкасбларингиз, касбдошларингиз тарафида бўлишингиз энг тўғри йўл бўлишини англаб етишингизга УМИД ҚИЛАМИЗ!
"Ўтюраклар” Клуби Инсон ҳуқуқларини
ҳимоя қилиш Халқаро жамияти.
|
|
Категория: МУРОЖААТНОМАЛАР |
Просмотров: 1081 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
 |
Copyright MyCorp © 2024 |
 |
|
|
