Ёдгор Турлибеков
КАРИМОВ ВА ШАЙТОН
Бирданига қатор Араб мамлакатларида халқ ғалаёнлари бошланиб, 20-40 йилгача билганларини қилиб келаётган диктаторларга қирғин келиб, улар бир четдан ўз халқларининг ғазабига дучор бўла бошладилар.
Ғалаёнлар Улкан Давр қадамининг иккинчи изи Ўрта Осиёнинг марказидаги Ўзбекистонга тушди, секин аста кўлами ёришиб аниқланаётган бу улкан изнинг чегараси Озарбайжондан бошланиб Тожикистон, Туркманистон ҳатто Қозоғистонни хам эгаллаган эди.
Ўзбекисонда шу давр бошида аввалига қандайдир биров билса, ўнта билмагандай янги туғилган "Ўзбекистон Халқ Харакати” ташкилотнинг шов-шувга айланиб кетади.
Ҳамманинг умидига айланган, уларнинг биринчи чиқишида айтарлик ютуқ бўлмаса-да, эзилган халқ орасида диктаторга қарши миллионлаб кишиларнинг ғазаб ва аламларини жунбушга келтириб маълум бир салоҳият яратилган эди.
Халқ Харакатининг мурожаати билан эълон қилинган эрта тонгдан бошлаб аста-секин бир бирига қўшилиб шахар ва қишлоқ кўчаларини тўлдирган одамлар ўз юришларини бошлаганди.
Диктатор Каримов кечаси билан алланималарни ўзича режалаб чиқиб, ҳали тонг ёришмасдан республиканинг барча ҳокимиятларидан ваҳимали хабарларни олабошлаган.
Унинг афти буришиб, ишнинг у ўйлагандай эмаслигидан баданига титроқ тарқаса-да, у ўзини босиб олган эди.
Бугунги унинг кечаси билан қилган ҳисоби марказ Тошкентнинг ўзида катта қон тўкиб, буни телевиденияда кўрсатиш билан республика халқини қўрқитиб, ўз тахтини яна бир муддат тутиб турмоқчи эди.
Бу режа ҳаммаси Андижон воқеаларига нисбатан олдида – Путин сўзида турармикан, деб таваккал бошлаган қонхўрликка нисбатан – камида ўн марта катта эди.
Ироқ президенти Саъдам Ҳусайнни ёввойи итлар орасида ва аҳлат ва ташландиқ бир маконда ушлаб олинганини видеода кўрган Каримов даҳшатга тушадики, бундай кулфат гўё эртага унинг бошига тушади.
Бундай даҳшатнинг олдини олиш чораларини кўриб, у ўзича бирнеча кун фантастик фикрлари билан банд бўлади, амбразура ва бункерлар ҳажми уларни сув ва электр билан таъминланиши керак эди.
Муҳандислар проект ишларини бошлаб юборилиб бир ҳафтада қурувчилар ишга тушиб, бу ерда 10 оила 1 йилгача бемалол яшайолиши мумкин эди.
Бу оилаларга Мирзиёев, Иноятов, Матлубов ва Махмуд Худойқуловлар оилалари киради деб тахмин қилиш мумкин эди.
Аммо президент ўз қизларини бундай ваҳимадан узоқ бўлишларини ҳоҳлаб, уларни Европанинг ишончли ерларига ишга киритиб қўйганди.
Каримов ўзига қулай темир-бетонли "кошона”ни хечқандай техника воситаси уни тешолмас эди, аммо у истаса яширинганлар бункердан чикиб, тез учар вертолётлар ёрдамида ҳавога кўтарилишлари мумкин эди.
Худди шу ердан Ўзбекистонга ҳаво хужуми ва ҳимоя воситалари автоматик узиб ташланганда, қочаётган оилалар бирор вилоят аэродроми орқали ҳаво лайнерларига тезлик билан ўтказилиш масаласи ҳам кафолатланган эди.
Ўзбекистонни тарк этиш ва ўзлари борадиган қасрларига етиб оладиган йўллари жаҳон диктаторлари қойил қолса бўладиган шаклда хозирланганди.
Каримов "Халқ Харкати” нинг иккинчи чиқишида Тошкент марказида намойишчиларга ўт очиб, бирнеча юз кишини ўлдириш тўғрисидаги буйруқни бир кун илгари ИИ вазирига Баҳодир Матлубовга беради.
МХХ бошлиғи Иноятовга қаерда одам энг кўп тўпланган ердагиларга аёвсиз ўт очиш амри ҳам бир кун олдин етказилди, аммо у режалари алғов-далғов бўлган тақдирда "Оқсарой”ни тарк этишга ҳам тайёр эди..
Аммо кутилмаганда, Ислом Каримовнинг етти ухлаб тушига кирмаган вокеа бўлиб кетди: Ўзбекистон МХХ бошлиғи Рустам Иноятов ва Ўзбекистон ИИВ бошлиғи Баҳодир Матлубовлар бирлашиб, ўзларининг жанговар гарнизонлари билан халққа қарата ўт очиш буйруғини йўққа чиқаришли.
Бундан хабар топган халқ қувончининг чекти йўқ, улар тушга борибоқ ўзларининг озодлик байрамларини бошлаб юборган эдилар.
Гап шундаки, бу иккала куч структураси рахбарларининг тушга яқин телевиденияда халққа қарата мурожаатидан кўриниб турур эдики, Ўзбекистонда бир ўқ отилмай давлат тўўнтариш амалга оширилди.
Фақат биргрина уларнинг чиқишлари арафасида Каримовнинг худойбердиевчилари милиция ва хавфсизлик ходимларига ўқ узиб, бир кишини ўлдирган, уч кишини оғир ярадор қилишганди.
Сўнгра ўраб олинган худойбердиевчилар ўнлаб қурбон берган ҳолда, асирга тушиб жонларини сақлаб қоладилар, уларнинг ишонган тоғлари Каримов эса, аллақачонлар бир енгил машинада қочиб қолганди.
Диктаторнинг бу саргузашлари видео тасмаларига туширилиб, унинг қаерга яширингани кечаси кўрадиган асбоблар ёрдамида кузатилиб борилар эди.
Рустам Иноятов кадрлари Каримовни бирор вертолёт келиб, олиб қочишига карши ҳам чораларини кўриб қўйганди.
Хулласи калом аҳволи Саъдам Ҳусайн аҳволидан беш баттар бўлган Каримов бошини буталарга уриб, "қаерда хато қилдим мен аблаҳ” дея ўкириб-ўкириб йиғлар эди.
У "Бетонли маконга” киролмай хуноб, кириш куни кеча паролларни шахсан Иноятов томонидан алмаштириб қўйилиши Каримовнинг ҳаёлида ҳам келмаганди.
Таваккалнинг кераги йўқ, деб Каримов чакалакзордан ҳайдовчиси билан қош қорайганда ушланиб, Тошкент шахар чеккасидан унга бир коттежд уй беришади.
Тергов ва тафтиш ўтказилиб битгунча у шу ерда истиқомат қилиши керак ва унга ҳамма алоқа воситалари улаб берилан эди.
У президетлик вазифасидан олиб ташланди ва энди унга хар куни келадиган бир гала "лимузин”лар йўқ, у бундай ҳолатга ҳали ўрганолмай бунинг устига бир ой ўтиб ҳам, унинг холидан бирор киши хабар олмаганди.
Каримов телевизорни қўйса "вақтинча президент” Иноятов томонидан Каримовнинг ҳаддан кўпайиб кетган ва уни ишга олиб бориб, келишга хизмат қиладиган ўнлаб қимматбаҳо машина ҳайдовчилари ва 1500 қўриқчи ишдан бўшатиб юборилди.
Уларга бюджетдан бериладиган маблағлар тўхтатилгани хакдаги хабарни эштиб ер билан бир булди, кун йўқки, Каримов ўзи учун телевиэордан тополмай, аксинча ҳамма эшиттиришларда унинг яширин ва оғир жиноялари акс этарди.
У яшаётган котеджга кеча кечаси уч нафар маска кийган ва ғирт маст босқинчилар кириб, Каримовга тўпппонча ўқталишади: "агар ўлмай десанг, яхшиликча мана бу машинани уч кун муҳлат ичида тонналаб ўғирлаган тиллоларинг ҳисобидан тўлдириб қўясан,” дебди улар, гўё бу камбагалнинг котеджи тиллога тўладай.
Кечагина ўзининг яқин қўриқчилардан бўлган улардан биттаси "агар милиция чақирсанг, нақ мана бу дубинкани орқангга ейсан”, деди. Унинг овозидан кимлиги танилсада на илож?
.
Қалтироқ босган Каримов: ” ммм..маайли айтганларингизни бб..бажараман, деб ялиниб, улардан зўрға қутилди.
Улар кетгач, у қараса ховлида бир шалағи чиққан "Москвич”ни куради.
Каримов босмачилар узоқлашгач, ҳўлланиб қолган иштонини алмаштириб, уйнинг ҳавосини тозалади ва тез милицияга телефон қилмоқчи бўлади.
Лекин у аввал ўзининг энг қадрдон кўрган бирнеча министр ва ҳокимларидан маслаҳат олмоқчи бўлиб, қўрқувдан қалтираб, тун ярмисида телефон қилабошлади.
Аммо улар ширин уйқулари бузилгани учунми, воқеани аввал эшитиб бўлгач, бири: "кечирасиз бошқа телефонга тушдингиз, десалар бошқаси: "қанақа Каримов, мен сиздака одамни танимайман!”, деб гўшакни қўйиб қўяр эди.
Каримов тонг отиши билан бу ердан қочиб кетишим керак, деб қатьий қарор қилдию, лекин унинг хар бир қадами, электрон қоровуллар томонидан назорат қилинаётгани эсига тушди.
Шу пайт дарбозанинг звоноги босилди, Каримов эшикни қўрқа-писа очди ва узун думли қора шайтонни кўриб ҳайрон бўлади.
Шайтон: "мени ичкарига таклиф қилсанг, сенга бир яхши гап олиб келаётирман оғайни деди.
Шайтон думини йиғиштиб креслога ўтириб олгач: "хе оғайни мен сенинг ўзбекларни 21 йил алдаб, уларни сувга олиб бораман? деб жар бўйига келтирганинг ва уларни хар ёққа тўзитиб, 25 миллион халққа минг азоб бериб, уларнинг сонини кўпайишга ҳам қўймай, уларгамқирғин келтиришингга қойил қолганман.
Айниқса мендек шайтон бошига ашаддий душманим Муҳаммад пайғамбарнинг ҳадисларидан қониқиб таълим олган бу халқнинг имон, эьтиқодлиларини хар йил икки мартадан саралаб йиғиб олиб, улардан 21 йил давомида юз мингдан ортиғини бола-чақасидан айирдинг.
Уларни "Жаслиққа тикиб” умирбод қамаб қийнаганинг, қолганларини эса сил ва бошқа хасталикларu билан ўлдириш, ростини айтсам менинг ҳам қўлимдан келмайди.
Ўзбекларнинг эндигина бўй етган бокира қизларига яхши ишлар ваъда қилиб, уларнинг неча мингларини эркатой ва бойликларга кўзи тўймас қизинг Гулноранинг шоввозлари атайин биринчи бўлиб, мусулмонлар маркази Саудия Арабистондаги фоҳишахаоналарга тўлдирдинг.
Сўнг узоқ Индонезиягача элтиб фоҳишаликка соттирганларинг, ислом руҳи ва эътиқоди тетик бу халқ обрўсини атайин ислом марказидан бошлаб, Оврупо ва ва Ғарб мамлакатлари олдида ҳам тутдай тўкиб, ўзбеклар шаънига оқлаб бўлмас доғ туширдинг.
Кичик қизинг Лолага кечроқ ақл кириб, у республика бўйича болалар уйларидаги юзлаб изловчиси йўқ етимчаларни касали бор, даволаймиз деб, Тошкентга келтири операция қилиндид улар.
Уларнинг юрак, буйрак ва жигарларини хорижга махсус контейнерларда етказилиб, миллионлаб долларларга сотишга йўл очиб бердинг.
Бундай ҳали тарихда хечкимнинг ҳаёлига келмаган разилона ишларингни қилиб қўйсангда, яна ўзбекларга сени олқишлаб қарсаклар чалдирётганларингга қойил қоламан.
Булар таҳсинга сазовор юксак фирибгарлик санъати эканлигини сенга бу ғамгин кунларингда айтиб сени бироз шодлантирай, деб олдингга шошилдим.
Сен ишларингни топшириб, аслида шу вақтинча очиқда тирик юрганингдан хурсанд бўлавер, оғайни биласанми янги хукумат сенинг устингдан бир эшак эмас, бир "Дамас” машинаси тўлган 13 215 томлик ҳаммаси оғир жиноятлардан иборат иш қўзғатмоқчи экан.
Кеча Ўзбекистон Республикаси Олий Суди раисининг журналистларга берган баёнотида айтилишича, бунча ишларни кўриб чиқишга агар бутун республикадаги судялар жалб қилинса, улар ўз ишларини тахминан 1 йилдан ортиқ вақт ташлаб, банд бўлишларига тўғри келаркан.
Чунки бунга минглаб гувоҳлар, судялар, терговчи, конвойлар ва транспорт учун харажатларга миллиардларнинг давлат бюджетдан кетмаслиги учун, сенинг масалан Андижон халқига ўт очиш тўғрисидаги биргина томлик сенга олий жазо бериш мумкин, қолган ишларингни архивга топширишар эмиш.
Агар сенинг ҳамма жиноятларинг исботланса, судда ҳамма айбларинг учун сенга тахминан 500 йил қамоқ ва юздан ортиқ олий жазо бериш керак эмиш, лекин биз судялар бу ерда халқдан тушаётган жабрланувчилар аризаларини ҳам ҳисобга олишга мажбурмиз деган.
Уларнинг талаблари хархил, бирлари сени дорга осилсин дейишса, кўпчилик уни катта электр мясорубка ясаб, Каримовни унга тириклай солиб, гўштингни майдалаб, милициядаги итларга беришни талаб қилмоқдалар дермиш.
Бу аҳмоқларни қара, уларнинг томи кетган бўлмаса, кеча "Халқ сўзи” газетасида ёзишича, аслида сен ўзинг рози бўлган ўлим жазосини бекор қилиш тўғрисидаги фармонингни ҳам бекор қилишармияна қўллашмоқчилар.
Янги президент яқинда фармон чиқариб, сен қаматган ўнлаб минг маҳбусларнинг ҳаммасини амнистия билан бутунлай озод қилмоқчи.
Бутун ўзбеклар сени ўзбекнинг боласи эмас, мусулмон ҳам эмас, Каримовнинг қонида умуман эркак ўзбекнинг қони йўқ, сени бойликларга тўлган Ўзбекистон иқтисодини атайин вайрон қилганликда айблашаётирлар.
Бундай ишларинг билан, яна сени ўзбек халқини қул ва қашшоқ ва манқуртларга айлантириб, оч-ялонғоч ўз ажали билан аста-секин қирмоқчи бўлаётган жосус ва миссионер дейишмоқда улар.
Улар ўзбек халқининг сендек энг ёвуз душманидан қутилган кунни календарларига ёзишиб, уч кунлик катта халқ байрамига айлантириб, бу кунни нишонлашга киришганлар.
Мен буларни кеча президентнинг телевидениядаги маърузасидан ўз қулоқларим билан эшитдим, — деди шайтон.
Каримов шайтон гапларини тишини тишига қўйиб зўрға чидаб эшитар эди ва бирдан у тутақиб: "менга қара, эй ярамас, тўхтат! Нима, шу гапларингга мен хурсанд бўлайми, йиғиштир бу сафсаталарингни бўғизимга келди ҳаммаси, мақсадинг нима ўзи айт, бўлмаса йўқол уйимдан! Нимага келдинг ўзи бу ерга!?, — деб бақирди шайтонга у.
Тўхта Каримов! Фақат биласанми мен сени қутқаришим мумкин, аммо менинг гапларимни эшитмасанг, сен албатта ўша судя айтган мясорубкага тушиб итларга ем бўласан.
!
Энди сен бу халқнинг ғазабидан қочиб қутилолмайсан. "Интерпол” барибир сени тутиб, ўзбек халқига бир кун топширади.
Мен сенга азбаройи раҳмим келганидан дўст бўлайлик деб, сенга охирги биттагина қолган имкониятингни айтмоқчиман, сен қизишмай эшитгин дўстим.
Ростини айтай, мен пенсияга чиқмасам бўлмайди, кейинги асрларда чарчаяпман, қариб қолдим, Oллоҳга бу тўғрида ариза ёзганимга 200 йилдан ошиб кетди ахир!
Оллоҳ "ўз ўрнингга одамларни савобли ишлардан қайтариб, гуноҳга бошлайдиган ва бу билан уларнинг менга эътиқодларини имтиҳон қилишда ёрдамлашадиган, иложи борича кишилардан топ.Инсонларга яхшилик қилмайдиган, турган битгани шўрафуруш, ғирром ва катта ўғри бир одамни топиб келсанг, марҳамат пенсиянгга чиқавер”, деди менга.
Мен шуларни ўйлаб, миллионлаб кишиларнинг бошини еган саркарда ва диктаторлардан Гитлер, Напoлеон, Сталин ва Пол Пот ва Милошевичларнинг тириклигидаёқ уларнинг номзодларини айтдим.
Аммо, Oллоҳу таoлo "бу кишиларнинг биртомонлама бўлсада, яхшиликлари бор-ку”, деган ва ундан виговор олган эдим ўшанда.
Билишимча, мен шундай бир одам топишим керакки, у айнан ўз халқига азоб бериб уни қатағон қиладиган, шўрафуришлик ва ёлғонларни ўпиришда тенги йўқ, бўлсин.
Хуллас анкетамдаги ҳамма саволларга тўла жавобларни очиқ айтсам, сенинг қилаётган юртбошилик фаолиятингдангина топаётирман.
21 йил бир зумда ўтиб кетибди. Мен энди сени ўзбеклар суд қилиб ўлдириб юбормасдан тириклигингда Oллоҳга топширсам, у сенинг номзодингни рад этмаслигига аминман.
Қарабсанки, менинг қарилик пенсиям юқори белгиланиб, балки Oллоҳдан мукофот ҳам оларман.
Албатта менинг ишимни сен ёқтириб қоласан сен масалан мен Oллоҳнинг буйруқларини сўзсиз бажариб келганман ва уни хечқачон алдамаганман, бироқ сендан жуда қўрқаман, чунки сен Оллоҳни ҳам алдаб қўйиб, мени уялтирмасанг, дейман оғайни.
Бу ишга киришинг учун ариза беришга, идорамиз Ўшда жойлашган Сулаймон тоғигача пиёда юриб боришимиз шарт, бу сенга анча қийинроқ бўладими дейманда.
Кел, у ерга бирга борамиз, зерикмаслик учун мен сенинг елкангга чиқиб бирор қўшиқ айтаман, у қўшиқ тамом бўлгач, сен менга чиқасан, қарабсанrки иккимиз, Сулаймон тоғига етганимизни билмай қоламиз.
Сен қўрқма мен ўзим катта кўринганим билан тортсанг бир ярим кило келаман, — дейди кулиб шайтон.
Аммо Каримов: мен сенику кўтарарман, сен мени кўтаролмайсанда, ахир мен юз кило келаман, шунинг учун мен биринчи бўлиб сенга минаман, — дейди у.
Майли, юз кило бўлсанг, бўбсанда, биласанми мен бир вақтда оғир юк кўтаришда бир эшакни ютиб, унинг пули йўқ экан, думини тортиб олиб орқамга ёпиштириб олганман, аммо у ҳам мард шартидан қайтмай рози бўлган.
Каримов шайтон елкасига чиқиб, ўзининг бир оғиз сўздан иборат ашуласини бошлаб "гўй-гўй”деб кетаверади.
Ия, Каримов, оғайни сенинг бу гўй-гўйларинг қачон тугайди!? Ахир мен остингда 200 километр йўл босиб ўладиган бўлдимку, — деб тўнғилласа, Каримов:хохолаб кулиб: оғайни, ҳали бу қўшиғимнинг давоми "дўй-дўйи”лари бор, мен уни Тошкентга қайтаётганимизда айтмоқчиман,— дебди.
Шунда Каримовнинг оғирлигидан ўпкаси оғзига келган шайтоннинг жаҳли чиқиб: — мен дунёда шунча асрлар яшаб, хеч кимга ҳам бундай мазах бўлмаган эдим, сенга яхшилик қилганнинг уйи куйсин!
Аллоҳ сенга Афғонистондаги Нажибуллонинг ўлимини бериб, ўлигинг "Пахтакор” стадионида сасиб кетгунингча осилиб турсин, туш елкамдан!” деб, Каримовни елкасидан ерга отиб уради ва бир юмалаб кўздан ғойиб бўлади!
У тутақиб кетиб уйғониб қараса туши экан, у ўзининг кроватдан йиқилиб ерда ётганин кўриб нималар бўляпди ўзи дедида яна жойига ётди, аммо тонг отиб кетганча унинг уйқуси келмади,
Унинг кўзи уйқуга кириши билан, кунда шундай алланима, ужаслар унинг кўзи олдида пайдо бўлиб, уни тириллатиб тинмай тонг отгунча қувиб чиқаркан, яна ўйлаб кўрса ҳали терговларда айтган ва бўйнига олган жиноятларига қандай жазо беришаркан деб, унинг юраги пўкиллар эди. Ёдгор Турлибеков
|
