ОАВ воситалари ҳукумат қўлидаги қўғирчоқ эмас!
Ўзбекистон ҳукумати мустақилликка эришганига ҳам мана 20 йилдан ошди. Лекин кунлар ўтгани сайин, Ўзбекистон ҳудудида фаолият кўрсатаётган "мустақил” нашрлар ҳукумат қўғирчоғига айланиб бормоқда. Эслатиб ўтиш жоизки, ҳозирги кунда малакат ҳудудида 700 дан ортиқ нашрлар мавжуд ва бу нашрларнинг барчаси олди-қочди мақолалар (жуда саёз ва ҳукумат қарашларини акс эттирувчи мақолалар) орқали саҳифасини тўлдирмоқда. Энг ачинарлиси шундаки, бу газетани ўқийдиган ўз
мухлислари йўқ ва шу сабабдан, ҳукумат бундай газета ва журналларга мажбурий равишда републикада фаолият юритаётган ташкилотларни ва ўқув
юртлари ўқувчи-талабаларини, обуна қилишга мажбур!
Парижда асоланган "Чегара билмас муҳбирлар” ташкилоти тарқатган маьлумотга биноан, Ўзбекистон сўз еркинлиги бўйича дунёдаги энг репрессив давлатлардан бири бўлиб қолмоқда. Мамлакат номи Куба, Ветнам, Лаос, Бирма , Хитой, Эрон ва Туркманистон каби давлатлар қаторида турибди. Сўз эркинлиги кўрсатгичи бўйича, қўшни Авфғонистон ҳам Ўзбекистондан бир неча поғона олдинда. Ўзбекистон конститутсияси фуқароларнинг сўз эркинлигини кафолатлайди (67-модда). Унга биноан мамлакатда, ЦЕНЗУРАга йўл қўйилмайди ва журналист эркинлиги ҳимоя қилинади.
"Мустақиллик” йилларидан ҳозиргача 35 га яқин журналист турли айблар билан қамалиб чиқди.
Қорақалпоғистонда мустақил журналист Солижон Абдурахмоновнинг 10 йил озодликдан маҳрум этилиши сўнгги йилларда минтақада сўз эркинлигига кескин равишда зарбалар берилганидан далолатдир. (Қорақалпоғистон ҳудудидаги ноқонунийликлар ҳақида очиқ маьлумот тарқатганлиги учун, у ҳукумат сиёсати қурбани бўлди. Гарчанд у кишини гиёҳванд моддалари билан қўлга олишган бўлса ҳам, 1-навбатда журналистик материалларининг мусодара қилишди).
Президент жияни, Жиззахлик журналист Жамшид Каримовнинг, руҳий касаллар касалхонасига ётқизилиши.
Хайрулла Ҳамидов- спорт шарҳловчиси ва 1 нечта диний эшиттиришлар муаллифи. (Ўзбекистон сиёсатига қарши бўлган оқимга ва ўзбекистон ҳудудида тақиқланган диний мазмундаги китобларнинг ёнидан олиниши унинг, озодликдан маҳрум бўлишига сабаб бўлди).
Қонун чиқарувчи ва ижро этувчи ҳокимиятнинг назоратчиси сифатида, ОАВ воситалари бугунги кунга келиб, ҳукумат қўлидаги қўғирчоқ бўлиб қолди. Ҳозирги даврда, ОАВ воситаларига кенг имконият яратиб, улар эркинлигини таьминлаш зарур! Эркин матбуотни қўллаб-қувватлаб, ОАВ ни 4-ҳокимият даражасига кўтариш зарур!
Бугун мамлакатда жиддийроқ муаммони ёритишга жазм этадиган журналистларнинг ўзи ҳам қолмади. Бунга сабаб эса, ҳукумат томонидан олиб борилаётган cиёсат ва эркин матбуотга нисбатан амалга оширилаётган тўсиқлар. Ҳозир олиб борилаётган сиёсат, ҳеч қачон ҳеч кимни сийлаган эмас. Бу, маддоҳона ижод қилаётган журналистларга сабоқ бўлиши керак!
Шу сабабдан "журналистларни”, "журналистлар” эса ҳукуматни алдаш, қуруқ гаплар билан бир-бирининг қўйнини пуч ёнғоққа тўлдириш билан овора. Зиёнини эса, уларни эшитиб ўтирган халқ кўрмоқда!
Ҳақиқатни ким халққа ошкор этади?
|
