КАРМАНАЛИК МУСТАҚИЛ ЖУРНАЛИСТ ДИЛДОРА БОЙМУРОДОВАНИНГ ЎЗБЕКИСТОН РЕСПУБЛИКАСИ ПРЕЗИДЕНТИГА

О Ч И Қ    М У Р О Ж А А Т И

МУҲТАРАМ ПРЕЗИДЕНТ! ТИНЧЛИКСЕВАР АКАМ ХУДОЙНАЗАРОВ БАХРИДДИННИНГ ЧИНДАН ТИНЧЛИКСЕВАР ФУҚАРО ЭКАНЛИГИНИ ВА ШУ КУНГАЧА ҲАМ ҲЕЧ ҚАНДАЙ ҚОНУНБУЗАРЛИККА ЙЎЛ ҚЎЙМАГАНЛИГИНИ ТАСДИҚЛОВЧИ ҚУЙИДАГИ ҲУЖЖАТЛАРИГА АСОСАН УНИНГ ОРТИДАН 1999 ЙИЛНИНГ ДЕКАБРЬ ОЙИДА НАВОИЙ ВИЛОЯТИ МХХ ТОМОНИДАН ЎЗ.РЕС. ЖК НИНГ 159-; 242-МОДДАЛАРИ БИЛАН ОЧИЛГАН ҚУРУҚ БЎҲТОН ВА ТУҲМАТЛАРДАН ИБОРАТ ЭРТАК - ЖИНОИЙ ИШ ҲУЖЖАТЛАРИНИ БЕКОР ҚИЛИНИБ, УНГА НИСБАТАН НОҲАҚ ЭЪЛОН ҚИЛИНГАН ҚИДИРУВ ВА ҚАМОҚҚА ОЛИШ ЭҲТИЁТ ЧОРАСИНИ БЕКОР ҚИЛИНИШИДА ҲАМДА АКАМНИ ВАТАНГА ҚАЙТИШИДА ҲУҚУҚИЙ-АМАЛИЙ КЎМАК БЕРИШИНГИЗНИ БУТУН БОШЛИ ОИЛА АЪЗОЛАРИМИЗ ҲАМДА 87 ЁШЛИ ОТАМ НОМИДАН ИЛТИМОС ҚИЛИБ СЎРАЙМАН. АКАМ ХУДОЙНАЗАРОВ БАХРИДДИНГА НИСБАТАН АДОЛАТ ҚИЛИНИШИНИ ТАЪМИНЛАНГ МУҲТАРАМ ПРЕЗИДЕНТ!

Ўзбекистон Республикаси Президенти Ш.Мирзиёевга

Нусхаси: Ўзбекистон Ички Ишлар Вазирига

Туркия давлатида яшаб келаётган Ўзбекистон ватандоши Худойназаров Бахриддин томонидан Тел: (+998913320697)

И Л Т И М О С Н О М А

Муҳтарам Президент! Мен 1969 йилда туғилганман. 1987-1989 йилларда ҳарбий хизматни ўтаб қайтгач, “Навоийазот” ИЧБда фаолият юритдим. 1990-1995 йилларда Қўқондаги Камолон мадрасасида таълим олганман. Кўп фарзандли оилада меҳнатда улғайганман, отам дурадгорлик касби ҳалол луқма ортидан 11 нафар фарзандни тарбиялаб уйли жойли қилганлар. Мен оилада 7-фарзандман. 1996 йилда бахтсиз тасодиф сабаб умуртқамнинг бел қисмидан силжиш рўй бериб ўсма ўсган эди. 1996 йилда илк бор оила қурдим. Узоққа бормай жуда тез ажрашибкетиб, 1997 йилда иккинчи маротаба оила қуришга мажбур бўлдим. Бироқ иккинчи сафар ҳам тақдиримиз қўшилмай ажрашиб кетдик. Шундан сўнг ҳеч қаерга сиғмай ўта руҳий тушкунликка тушиб қолдим. Ва 1998 йилнинг март ойида Россия давлатида даволаниш мақсадида кетдим. Қарийб бир йилча узлуксиз даволанишлар билан ўша ерда яшаб қолдим. Орада онам билан қўнғироқлашиб турардик. 1999 йилнинг бошларида мени ИИБ ходимлари сўраб уйга келганлиги ҳақида онам менга телефондан айтиб, ҳаттоки улар билан гаплаштирган эдилар ҳам. Бироқ шу пайтлар яна 6 ойча муолажада бўлишим кераклигидан ушланиб қолдим. Бу орада эса онам менга боғланиб: “Болам атрофдаги намоз ўқийдиган юзга яқин бегуноҳ йигитларни ноҳақ қурол, наркотик модда ва варақа ташлаб фитна уюштиришиб ноҳақ қамоққа олишди. Мен бу доғни кўтара олмайман. Келмай тур! ” дедилар. Шу куйи мен яна Россияда яшаб қолдим. Бироқ 2000 йилни апрел ойида тинчгина оила қуриб ота-онамникида яшаб келаётган 1972 йилда туғилган укам Худойназаров Ҳасанни ота-онамни кўз ўнгида наркотик модда ва варақа ташлаб фитна уюштириш йўли билан қамоққа олишган ва аёвсиз калтаклашиб касалманд қилиб қўйганлигидан хабар топдим. Шу жараёнда ота-онам хабар топишган 1999 йилнинг декабрь ойида менинг ортимдан Ўз.Рес. ЖК 159-; 242-моддалари билан айбловларда гумондорлик эълон қилиниб қидирувга беришганидан. Муҳтарам Президент! Ўша даврларда ўрмонга ўт кетиб ҳўлу қуруқ баробар ёнганлиги маълум бўлди бугунги кунда яъниким Сизнинг раҳбарлигингиз остида мамлакатимизда бағрикенглик билан олиб бораётган сиёсатингиз шарофати ила. Бунинг исботи ўлароқ қанчадан-қанча адолатсизликка учраб ҳибсга олинганлар озод этилиб, ўз ҳаётларини йўлга қўйишлари учун шароитлар ҳам яратиб берилди. Сизнинг бу оқилона ва одилона сиёсатингиз замиридаги халқимизга, миллатимизга нисбатан юксак ғамхўрликни албатта ватандошларимиз сафида биз каби чет элларда яшаб келаётган ватандошлар ҳам ўзгача меҳр ва ишонч билан қадрлаймиз. Шу боисдан бугун Сизга чин юракдан самимий ишонч ва умид билан менинг ҳам юртимга қайтишимда ҳамда менга қўйилган ноҳақ айбловларни олиб ташланишида ҳуқуқий амалий кўмак беришингизни илтимос қилиб сўрамоқчиман. Мен шу кунгача ҳам на Ўзбекистон ва на бошқа мамлакатлар қонунларини бузадиган ҳаракатларни мутлақо содир этмаганман. Буни ишонч билан айта оламан Сизга. Бу ҳақда Туркия давлатидаги охирги 9 йиллик фаолиятим давомидаги турли қусурлардан ҳоли бўлиб яшаганлигим тўғрисида тақдим қилинган адлия ҳужжати ҳам мавжуд. Мабодо ўша пайтларда руҳий бир тушкунлик ҳолатида юртимдан сўроқсиз чиқиб кетганлигим одобсизлик саналса мени кечиришингизни илтимос қилиб сўрайман. Ва Сиздан илтимос, қиламанки, мен етарлича диний таълимотга эгаман. Ҳақиқий ислом дини таълимотини назарда тутмоқдаман. Бу эса халқимизни фақат ва фақат эзгуликка етакловчи дин ҳисобланиши табиий. Ватанимга қайтгач, менга имкон берилса ёшларни тўғри йўлга эзгулик йўлига бошлаб Сизнинг саъй-ҳаракатларингиз ила фаолияти йўлга қўйилган диний мадраса ёхуд таълим даргоҳларида таҳсил бериб, ёшларни ватанпарварлик халқпарварлик руҳида тарбияланишида ўз ҳиссамни қўшишга хизмат қиламан. Муҳтарам Президент! Сиздан илтимос, юқоридаги ҳолатлар юзасидан қонуний жиддий ўрганишлар олиб борилиб, мени ватанимга бўҳтонлардан халос бўлиб қайтишимга рухсат беришингизни ҳамда хавфсилигимни таъминланишида амалий кўмак беришингизни илтимос қилиб сўрайман. Худойназаров Бахриддин