 Судьяларнинг ойлик маошини кўтарилганини ўқиб хайрон бўлдим. Мен иш жараёнимда кўп бора суд ишларида вакил бўлиб қатнашганман. Аксарият суд ишларида ноқонуний ва адолатсиз хукм чиқарилади. Тўғриси, судьяларнинг ойлик маошини оширилиши уларнинг инсофга киришига олиб келишига ишонмайман. Чунки шу вақтга қадар хам улар кам ойлик олмасди. Бир аёл Термиз шахрида рахматли турмуш ўртоғидан мерос қолган мулк бўйича 16 йилдан буён сарсон бўлиб, юрибди. Бу мерос мулкни ноқонуний тортиб олганларни харакатини ноқонунийлиги 10-йил деганда исботлангандан кейин шу мулк асосида қайта 2013 йилда ташкил этилган "Олтин бошоқ" МЧЖда Термиз шахар ДСИ ва Департамент биргаликда ноқонуний текширишни ташкил этиб, фаолият кўрсатмаган 2011-2013 йиллар бўйича 35196.3 минг сўм солиқ хисоблашди. Эндиликда 4-йилдан буён ушбу ноқонуний хисобланган солиқни бекор қилиш учун аввал хўжалик судида, кейин иқтисодий судда, хозирда маъмурий судда сарсон саргардон бўлиб юрибди. Бирорта суд вазиятга адолатли ёндашишни истамайди. Биринчи инстанция суди давогар манфатига қарор чиқарса, аппелация инстанцияси жавобгар манфаатига қарор чиқаради. кейин назорат тартибида кўрилиб, биринчи инстанцияга қайта кўришга юборилади. Биринчит инстанция суди ва аппелация судида яна шу спектакл. Хўш бундан хулоса айён бўладики, бу холда икки суддан бири ноқонуний қарор чиқарган. Шундай бўлсада, бу икки судьядан хеч қайсиси жавобгар бўлмайди, ўртада судланувчилар адолат истаб сарсон-саргардон бўлиб юради. 2018 йилги судлашув жараёни бўйича Термиз шахар Маъмурий суди "Олтин Бошоқ" МЧЖ фойдасига қарор чиқарган эди, аппелация инстанция судининг 2018 йил 22-июндаги қарори билан биринчи инстанция қарори бекор қилинди. Эндиликда бу сарсон бўлиб 5 та етим қолган боласини боқиш ташвишида юрган аёл Олий Судга назорат тартибида кўриш учун шикоят ариза бериш дардида юрибди. Бу сарсонликларни охири йўққа ўхшайди
|
