Обама маъмурияти Яқин Шарқ муаммоларига бир мажмуа сифатида ёндашишга уринмоқда

АҚШ Президенти Барак Обама мамлакати Яқин Шарқда тинчлик ўрнатиш бўйича жиддий музокараларни қайта тиклашга кўмаклаша олишига ишонишини айтган.

АҚШ президенти ўзининг Яқин Шарқ ва Оврўпога сафари олдидан Би-би-сига биринчи марта интервью берган.

"Ўзининг давлатига эга бўлишдан фақат фаластинликлар манфаатдор эмаслар, минтақада вазиятни барқарорлаштириш Исроил халқининг ҳам манфаатида, - деб айтди Барак Обама. - Қўшма Штатлари эса икки давлатнинг ёнма-ён тинчлик ва барқарорликда ҳаёт кечиришидан манфаатдордир.

АҚШ президентининг Ғарбий Соҳилда яҳудий манзилгоҳларини барпо этишни тўхтатиш чақириғи Исроилни томонидан рад этилгани борасидаги саволга жавоб қайтараркан, жаноб Обама сабр қилишга чақириб, бу ҳақда гапиришга ҳали эрта эканини айтган.

"Дипломатия доим узоқ машаққатли амал масаласи бўлган. У ҳеч қачон тез натижа келтирадиган нарса бўлмаган", деб айтган Америка раҳбари.

Обама маъмурияти Яқин Шарқни бир бутун минтақа сифатида кўради ва Фаластин-Исроил, Ироқ ва Эрон муаммоларига алоҳида-алоҳида эмас, балки бир мажмуа сифатида ёндошишга уринмоқда.

Эроннинг ядровий дастурига тўхталган Президент Барак Обама, ядровий қурол барпо этиш ниятидан қайтиш Эроннинг манфаатига хизмат қилади, деб айтган.

Бунга эришишнинг энг яхши йўли "қаттиқ тўғридан-тўғри дипломатия" деган Барак Обама йил охиригача Эрон ядровий дастури бўйича музокараларда илгари силжишга эришилишига умид билдирган.

АҚШ Президентининг Яқин Шарқ ва Оврўпога сафарининг дастлабки манзили Саудия Арабистони бўлиб, у ерга 2 июн куни бориши мўлжалланган.

4 июнда эса Мисрда жаноб Обаманинг АҚШнинг Яқин Шарқ билан муносабатларига бағишланган катта маъруза билин чиқиши кутилмоқда.

У нутқида ҳар икки томон - Америка ва мусулмон дунёсининг бир-бирининг сўзларига қулоқ солиш ва бир-биридан ўрганишга чақирмоқчи.

Президент Обаманинг Қоҳирада маъруза билан чиқиш қарори Мисрдаги сиёсий эркинликларнинг абгор аҳволини урғулайдиган инсон ҳуқуқлари ташкилотлари томонидан танқид қилинди.

Жаноб Обама айрим Яқин Шарқ мамлакатлари олдида инсон ҳуқуқлари масаласини кўтариш зарурлиги аён бўлса-да, Қўшма Штатлар фарқли маданият ва тарихга эга бўлган давлатларга ортиқ ўз қадриятларини сингдиришга уринмаслиги кераклигини таъкидлади.

"Мен етказмокчи бўлган мужда - демократия, қонун устуворлиги, сўз ва дин эркинлиги фақат ғарбона эмас, балки умуминсоний қадриятлар ҳам, деб ишонаман. Бошқа давлатлар ҳам уларни миллий ўзликларининг бир қисми сифатида қабул қилишлари мумкин. Биз уларга бу қадриятларни сингдиришга уринишимиз керак эмас, балки уларни қабул қилишга рағбатлантиришимиз керак ва шундай қиламиз, деб айтди Америка президенти.

Жорж Буш президентлиги даврида Американинг минтақадаги обрўси тушиб кетган эди.

Омма сўровларига кўра, жаноб Обама Америкага бўлган муносабатни ўзгартириш учун яхши имкониятга эга, гарчи бу имконият чекланган бўлса ҳам.

Умуминсоний қадриятларга риоя этилиши бўйича АҚШ бошқаларга ўрнак бўлиши керак, деган Президент Обама.

"Мана нима учун Гуантанамо қамоқхонасини ёпиш, менинг назаримда, шу қадар қийин, бироқ шу қадар муҳим қарор бўлди", деди