ҒАЗАЛ ЖУФТИ ХАЛОЛИМГА БАҒИШЛАНГАН
МЕХРИБОНИМ-БОНУМ МЕНИ
Бунчалар берахимсан, жонгинам Бонум мени,
Куйдирдинг борлиғимни, ёнадур жоним мени.
Рўзғорни барбод қилган, ул тарсо эронидир,
Қалбингга қулоқ тутгин, жону - жахоним мени.
Кўзга нур дилга қувонч, ул икки зурриётим,
Куйган жонима малхам, бу кун Райхоним мени
Тирик етим ўссалар, гўримда тикка тургим,
Оилани тиқламоққа йўқдир имконим мени.
Бу беш кунлик дунёдир, охиратни хам ўйла,
Имконингни ишга сол, эй мехрибоним мени.
Етимлик уволини, хеч бир жон кўтаролмас,
Сен қандай кўтарурсан, ўйлагин жоним мени.
Унутма ибодатни, Зикруллохни қил ЗИЁДА,
Сен эй нозанин гулим, бўлгин хоқоним мени.
Ишқингда масту-аласт, ақл-хуш кетди қўлдин,
Шайтон олди ихтиёрим, сустдир иймоним мени.
...
ДАВОМИ »
|
|
Ҳақиқий эгасин кутмоқда Ватан...
Ёлғиз оёқ йўлда ҳорғин, ўй суриб
Барча хўрликларни дилдан олиб тан,
Ҳақиқат шаҳридан қадамин буриб,
Тубанлик сориға кетмоқда ватан.
Гарданда юк катта... паймонаси лим,
Ортига қарашга юрак бетламай,
Танбеҳ, ҳақоратга қулоқ солиб жим,
Ҳар онда заққумни ютмоқда ватан
Уфқ-чи, ҳеч кўринмас....Ҳукм сурар тун,
Қоқ саҳро бозорга айланмиш, хайҳот!
Сотувчи – фирибгар, харидор - малъун.
Қадрини арзонга сотмоқда ватан
Гуллашни ўрнига, ҳар баҳор сўлиб,
Томирдан бир қатра сув ҳам келмасдан,
Фақат яратгандан умидлар қилиб,
Ҳақиқий эгасин кутмоқда Ватан...
Масъуд
|
|
