|
|
 |
|
 |
Главная » 2009 » Май » 11 » Ўзбекистон Инсон Ҳуқуқлари Жамияти БИЛДИРИШНОМАСИ
02:01 Ўзбекистон Инсон Ҳуқуқлари Жамияти БИЛДИРИШНОМАСИ |
Ўзбекистон Инсон Ҳуқуқлари Жамияти
БИЛДИРИШНОМАСИ
7 май 2009
й.
2009 йил 6 май куни Франциянинг Angers шаҳрида Ўзбекистон Инсон
Ҳуқуқлари Жамияти (ЎИҲЖ)нинг муҳожиратдаги 1-Конгресси (Қурултойи) бўлиб ўтди.
Мустақил Ўзбекистонда 1992 йилнинг 2 февралида илк бор тузилган мазкур нодавлат
ҳуқуқбонлик ташкилоти ўзининг 17 йиллик тарихи давомида давлат рўйхатига
олинишига ҳукумат томонидан монеълик қилинди.
Андижон қирғинидан кейин
ҳукуматнинг нодавлат ташкилотларига уюштирган ҳужумининг марказида ЎИҲЖ
бўлганини ҳамма билади. Ҳукуматнинг кучишлатар органлари ташкилотнинг 17
аъзосига нисбатан жиноий ишлар қўзғатди, уларнинг 8 нафари ҳанузгача
қамоқхоналарда сақланмоқда. Ҳукумат тазйиқлари остида ЎИҲЖнинг бир қатор
аъзолари мамлакатни ташлаб хорижга чиқиб кетишга мажбур бўлдилар.
2006
йилнинг августида ЎИҲЖнинг Франция Республикасида сиёсий бошпана олган раиси
Толиб Ёқубов 2008 йилнинг 21 октябрида мазкур мамлакатнинг Angers шаҳри
префектурасида ташкилотни давлат рўйхатидан ўтказдиртирди.
ЎИҲЖнинг
1-Конгрессида ташкилотнинг хорижда яшаётган 9 вакили ҳамда французлардан ЎИҲЖга
кирган 8 аъзо иштирок этишди ва бу Конгресс унинг Мэн кўчаси, 22-уйда жойлашган
офисида бўлиб ўтди.
Конгрессни қисқа кириш нутқи билан ташкилот раиси Толиб
Ёқубов бошлаб берди ва у нутқи давомида тадбирнинг кун тартибини эълон
қилди:
1) ЎИҲЖ Уставининг муҳокамаси ва уни қабул қилиш;
2) Ўзбекистондаги
инсон ҳуқуқлари вазиятининг таҳлили;
3) Кун тартибининг олдинги масаласидан
келиб чиққан ҳолда ЎИҲЖ олдидаги масалаларни аниқлаш;
4) Ташкилий
масала;
5) Турли бошқа масалалар.
Кун тартибининг 1-масаласи бўйича Толиб
Ёқубов чиқиш қилиб ўз фикрларини билдирди, унинг фикрларини эса ЎИҲЖ аъзолари
маҳаллий "Инсон ҳуқуқлари лигаси” президенти Jacques Asseray ва унинг муовини
Christine Dupere-Lassalle тўлдиришди. Муҳокама тугагач, ташкилот Уставининг
тугал варианти бир овоздан маъқулланиб, қабул қилинди.
Кун тартибининг
иккинчи масаласи бўйича Умида Ниёзова ва сиёсатшунос Камолиддин Раббимов нутқ
сўзлаб, Ўзбекистонда инсон ҳуқуқлари вазияти жуда ачинарли ахволда қолаётгани, у
Андижон воқеаларидан кейин йил сайин ёмонлашиб бораётгани, ўнлаб сиёсий ва
минглаб диний эътиқодлари учун судланган инсонлар қамоқхоналарда
сақланаётганларига асосий урғуни қаратдилар. Бу масала Конгресс қатнашчилари
томонидан қизғин муҳокама қилинди ва, бир томондан, ташкилотнинг франциялик
аъзоларида катта қизиқиш уйғотган бўлса, иккинчи
томондан, қаттиқ афсусланиш
ва норозиликни туғдирди.
Мазкур кайфиятдан келиб чиқиб, кун тартибининг
иккинчи масаласининг муҳокамаси учинчи масала муҳокамасига ўз-ўзидан уланиб
кетди. Конгресс қатнашчилари Ўзбекистон Конституцияси ҳамда халқаро ҳужжатларда
кўрсатилган инсон ҳуқуқлари мамлакатда оёқ-ости қилинаётганини урғулаган ҳолда
ЎИҲЖ уларнинг барчаси билан шуғулланиши лозимлигини, улар орасида эса сиёсий
махбуслар ва виждон тутқунларининг озод этилиши, ҳукумат болаларнинг мажбурий
меҳнатидан фойдаланиши, тергов органлари ва қамоқхоналарда
қийноқларнинг
оммавий ва сурункали қўлланилиши, инсонларнинг турли уюшмаларга
эркин бирлашиши, йиғилишларини эркин ўтказиши, сўз ва ОАВ эркинлиги масалалари
алоҳида ўрин эгаллаши зарурлигини таъкидладилар.
Кун тартибининг тўртинчи
масаласи бўйича ташкилот раиси Толиб Ёқубовга берилди:
Мен ЎИҲЖни 2001
йилнинг октябридан бошлаб раис сифатида бошқариб келдим. Менинг кейинги 17
йиллик ҳаётимнинг қувончли ва аччиқ дамлари шу ташкилот билан боғлиқ бўлди.
Менинг ёшим 70 га яқинлашмоқда ва, демак, ташкилот раҳбарлиги вазифасини ёшларга
бериш вақти келди. Шунинг учун мен ЎИҲЖ президенти лавозимига ташкилот Котибияти
аъзоси Абдудалил Бойматовни тавсия қиламан ва бу номзодни қўллаб-қувватлашни
сўрайман, - деди Толиб Ёқубов ўз чиқишида. Конгресс қатнашчилари очиқ овоз бериш
йўли билан Абдужалил Бойматовни якдиллик
билан ЎИҲЖ президентлигига
сайлашди.
Конгресснинг охирги масаласи сифатида (а) ЎИҲЖ Жиззах вилояти
бўлими раиси Бахтиёр Ҳамраевни лавозимидан бўшатиш ва ташкилот сафидан чиқариш,
ва (б) ЎИҲЖ веб-сайтини ташкил этиш масалари кўриб чиқилди. Биринчи масала
бўйича Конгресс қатнашчиларини Абдужалил Бойматов масала моҳияти билан
таништирди ва Бахтиёр Ҳамраев ЎИҲЖ раҳбарияти позициясига қарши чиққан ҳолда,
раҳбариятнинг бир неча бор огоҳлантирганига қарамай шўбҳали бир проектда иштирок
этаётганини айтиб ўтди. Бундай воқеа ЎИҲЖ тарихида 2003-04 йилларда ҳам
бўлиб
ўтгани, ўша пайтда ҳам бир шўбҳали проектда ташкилотнинг икки регионал
раҳбари ЎИҲЖ номидан қатнашгани, раҳбарият огоҳлантиришларини улар
менсимаганлиги туфайли ташкилот Уставини қўпол бузишгани учун уларга ҳам шу чора
кўрилгани айтиб ўтилди. Бахтиёр Ҳамраев ўз ҳапакатлари билан ЎИҲЖ раҳбариятига
таклиф этилаётган чорадан бошқа вариант қолдирмаганлиги алоҳида
урғуланди.
Конгресс қарорига мувофиқ Бахтиёр Ҳамраев 2009 йил 6 майдан
эътиборан ЎИҲЖ Жиззах вилоят бўлими раиси лавозимидан бўшатилган ва ташкилот
сафидан чиқарилган, деб ҳисобланади.
Конгресс ЎИҲЖ веб-сайтини ташкил этишни
ташкилот аъзоси Юсуф Расуловга юклади.
Ўзбекистон Инсон Ҳуқуқлари Жамияти
Котибияти
|
|
Категория: БАЁНОТЛАР |
Просмотров: 1439 |
Добавил: himoyachi
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
 |
Copyright MyCorp © 2024 |
 |
|
|
