'Тақирбош қотилликда айбдор, аммо ирқий адоватда эмас'
 Москвадаги
ҳакамлар ҳайъати тўрт тақирбош қотиллик содир этганлар, бироқ бу
жиноятларини ирқий ёки миллий адоват асосида қилмаганлар, деган
тўхтамга келганлар.Маҳкамага тортилганлар Россия пойтахтида фаолият юритган Артур Рино ва Павел Скачевскийларнинг ирқчи гуруҳи аъзолари бўлганлар.
Банданинг етакчилари бўлган Артур Рино ҳамда Павел Павел Скачевский ва гуруҳнинг яна беш аъзосига бундан олдин ҳукм чиқарилган,
улар озодликдан маҳрум этилганлар.
Уларга 6 йилдан 20 йилга қадар қамоқ жазолари тайинланган, Артур Рино ва Павел Скачевский - 10 йиллик қамоқ жазоларига ҳукм
этилган.
Ҳозир
маҳкамаси бораётган тақирбошлар гуруҳининг аъзолари - Александр
Трепалин, Сергей Кудашкин, Алексей Авдеев ва Валентин Тумаев Марказий
Осиё ва Қофқоз республикаларидан бўлган икки инсонни ўлдирганлар, яна
икки кишини шафқатсиз калтаклаганлар.
Улар ўз жиноятларини 2006 йил январи билан 2007 йил март ойи орасида содир этганлар.
Жами Артур Рино бандаси қўлидан ўша давр мобайнида 20 инсон ҳаётдан кўз юмган, яна 12 киши ҳаётига суиқасд қилинган.
Гуруҳнинг аксар аъзолари қотилликка қўл урган пайтларида вояга етмаган бўлганлар.
Ҳозир маҳкаманинг якуний ҳукми кутилаётган тўрт айбланувчининг энг ёши 19 яшар.
Тақирбошлар инсонларни пичоқ, тўқмоқ ва болғалар билан уриб ўлдираётганлари, калтаклаётганлари жараёнларини видеотасвирга
туширганлар, кейин бу кадрларни интернетда жойлаштирганлар.
Москвадаги маҳкамада иш кўрган ҳакамлар ҳайъати гуруҳнинг тўрт аъзоси икки қотиллик ва икки қотилликка уринишда айбдор, деб
топишган.
Ҳайъат аъзоларига кўра, бу йигитлар тақирбошлар гуруҳининг оддий аъзолари бўлишган ва бошлиқларининг буйруқларини бажаришган.
Шунинг учун улардан ирқий ёки миллий адоватни қўзғаш айбловини олиб ташлаш керак, деган хулосага келинган.
Шунингдек, ҳакамлар ҳайъати Алексей Авдеев ва Валентин Тумаевга шафқатли бўлишга чақирганлар.
Агар ҳайъат таклифи инобатга олинса, уларга қотиллик бандида кўзда тутилган умрбод қамоқ жазоси қўлланилмаслиги мумкин.
Тақирбошлар жинояти бўйича якуний қарорни маҳкама ҳаками қабул қилади.
| 
Москва маҳкамаси тақирбошлар устидан ҳукм ўқиди 