О Л Ғ А , О Р Қ А Г А - Ю Р А Д А В Р И Г А
«Ўзбекистон-келажаги буюк давлат», «Ёркин Келажак сари олға» бундай шиорлар остида салкам 20 йилдан буён Ўзбекистон хукумати ўз ҳалқини лаққилатиб келмоқда. Ва табиий ўз-ўзидан савол туғилади , ўша Ёркин келажакнинг аниқ санаси борми, аник қайси йили, қайси числода шу Ёркин, буюк келажак келади.Албатта бу саволга хукумат жавоб бера олмайди. Чунки ўзи ҳам билмайди. Агар мабодо хукуматнинг бирор бир кимсаси келажак ҳакида аниқ бир санани айтиб қолса, унда нима булади. Нима бўлишини собиқ бош вазир Ўткир Султонов мисолида кўриш мумкин. У киши жуда катта ишонч билан телевизордан чиқиб «Ҳозирги ислоҳотлар 2012 йилгача давом этади, ундан кейин ислоҳотнинг иккинчи этапи бошланади. 2025 йилга бориб Ўзбекистон космосга ракета учиради»-деган гапни қилди. Шундан кейин унинг ўзи вазирликдан ракета бўлиб учиб чиқиб кетди 2025 йилни кутмаёк. Демак аниқ санани айтиш хукуматнинг режасига кирмайди. Унда мақсад нима. Мақсад шундаки , бутун бир ҳалқни ана осмондан чалпак ёғилади деб алдаб юриш ва шу билан то ўзининг адоғи келгунига қадар алдаб , яшаб қолиш. Шу ўринда бир тарихдаўтган воқеа эсимга тушади—христианликни тарғиб қилган миссионерлар ҳақида бир африкалик шундай деган экан- «у (миссионер) келиб менга осмонга қара деди, мен осмонга қарасам оёғим остидаги ерни тортиб олибди»-деган экан. Ўзбекистондаги хукумат айнан анна шу муттаҳам миссионерларнинг сиёсатини юргизмокдаки, бунда бутун бир ҳалк осмонга қараб оёги остидаги ердан ажралиб қолмоқда.Энди бир эски латифани эсласак Афандидан бир тўда ёш болалар ёнгок беришини илтимос қилганида , у кўчанинг буримида бир одам бепул ёнгок бераётгани ҳақида айтади, тўғриси болаларни ўзидан қочириш учун алдайди, болалар ўша томонга югуриб кетишганда Афандининг ўзи ҳам – ие,чиндан ҳам бера ётган бўлсая - деб ўзи ҳам ўша томонга югуриб кетади. Айтмоқчиманки, хукумат ёлгон айтишга шунчалик берилиб кетдики, натижада ўзи ҳам шу ёлгонига ишона бошлади. айнан шу сабабли хукумат ҳалкаро ташкилотларнинг талабини қондиришга, туб ислоҳотлар ўтказишга шошилмайди. У биладики, агар демократик ва ҳуқукий ислоҳотларни ўтказар экан энг биринчи бўлиб хукуматнинг ўзи эгаллаб турган креслосидан ракета бўлиб учиб кетади. Мен эътибор бериб келяпман. Каримов Андижон воқеаларидан сўнг умуман демократия ва инсон ҳуқуқи тўғрисида гапирмай қўйди. Ҳозирча унинг ўрнига журналистлар гапириб туришибди, бундан кейин агар улар ҳам демократия ва инсон ҳуқуқи тўғрисида шундай гапирверсалар, улар ҳам ракета бўлиб кетишлари ҳеч гап эмас.
Шундай қилиб мавзуга қайтсак, агар хукумат шу зайлда сиёсатини давом эттираверса, Ўзбекистон бор араваси билан ибтидоий даврдан ўтиб юра даврига –ўша одамзоднинг аждоди ҳали калтакесак-динозавр бўлиб судралиб юрган даврга судралиб кириб боради. Бундай касофатнинг олдини олишнинг йўли битта - бу зулук ва канасифат хукуматдан имкон борича қутулиш.
Давлатни, миллатни қутқариш.
Нодир Ахатов
20-октябрь 2009 йил
|
